Daniyɛli 6:10 - ALA KA KUMA

¹⁰ O la, masacɛ Dariyusi y'a bulonɔ bila sariya sɛbɛ nin kan.

Jula NT of Côte d’Ivoire

¹⁰ Masacɛ Dariyusi ka o sariya sigi k’a boronɔ la a kan.

Daniyɛli 6:10 Iomraidhean Croise

Mas fɔlɔ 8:30

N'i ka baarakɛla an'i ka jama Isirayɛli y'u ɲaa sin yɔrɔ nin ma k'i daali, i k'u lamɛn. K'i to i sigiyɔrɔ la sankolo kɔnɔ, i ka mɛnni kɛ, ka yafa.

Mas fɔlɔ 8:38

ni mɔgɔ o mɔgɔ y'i daali, i ka jama Isirayɛli cɛma, a mana fɛɛn o fɛɛn daali, a mana kɛ koo o koo ye, n'a nimisara k'a bolo wili k'a sin soo nin ma,

Mas fɔlɔ 8:44

«N'i ka jama bɔra k'u be taga u juguw kɛlɛ, ka kɛɲɛ n'i ka fɔta ye u ye, n'u ye ele Masaba daali, k'u ɲaa sin i ka dugu wolomanin ma, ani ne ye soo min lɔ i ye, k'u ɲaa sin o ma,

Mas fɔlɔ 8:54

Solomani y'o daalili nin kɛ ka ban Masaba fɛ tuma min na, a wilila ka lɔ a ka sarakabɔyɔrɔ ɲafɛ, a tun y'a kunbiri gwan yɔrɔ min na, k'a bolo wili sanfɛ.

Lok 2nan 6:13

A tun ye lɔyɔrɔ dɔ lalaga ni zira ye k'a bila kɛnɛma luu cɛmancɛ la. O jaɲa tun ye mɛtɛrɛ fila ni tilan ye, a boɲa tun ye mɛtɛrɛ fila nin tila ye, a jaɲa sanfɛ, o tun ye mɛtɛrɛ kelen ni tilan ye. A yɛlɛla o kan k'a kunbiri gwan Isirayɛli jama bɛɛ ɲana, k'a bolo wili sanfɛ,

Lok 2nan 6:38

K'u to u minɛna ka taga yɔrɔ min na, n'u nimisara ka kɔsegi e ma n'u dusu bɛɛ ye k'i daali, k'u ɲasinnin to jamana nin ma, i ye min di u faaw ma, n'i ka dugu wolomanin ma, ani ne ye soo min lɔ i ye,

Ɛsidarasi 9:5

Wulafɛ saraka bɔwaati sera, ne wilila ka bɔ n ka makariko la, ni n ka fani ni n ka foroca farannin ye ka n kunbiri gwan duguma, ka n bolo kɔrɔta sanfɛ Masaba n ka Ala faan fɛ.

Nehemi 6:11

Ne y'a jaabi ko: «Ne yɛrɛ ka boli kɛ! Ne ɲɔgɔn ka taga don Alabatoso kɔnɔ ka tila ka kisi kɛ? Ne tena don abada!»

Zaburu 34:1

Dawuda ka dɔnkili Ala ye. A tun y'a yɛrɛ kɛ i ko fatɔ Abimelɛki ɲana tuma min na ale y'a gwɛn ka taga, a ye nin dɔnkili nin la.

Zaburu 5:7

I be galontigɛla halaki. Mɔgɔfagala ni namaramɔgɔ koo man d'i ye.

Zaburu 55:17

Ne be dɛmɛ ɲini Ala fɛ, Masaba bena ne kisi.

Zaburu 86:3

Matigi, makari ne la, ne be kasi ele le kɔ loon bɛɛ.

Zaburu 95:6

Aw ye na an ka don ka ɲɔngiri. An k'an kunbiri gwan Masaba kɔrɔ, ale min y'an dan.

Daniyɛli 6:13

O la, u tagara masacɛ fɛ ka sariya nin koo fɔ a ye ko: «Masa, e ma sariya sigi k'a fɔ ko tile bi saba kɔnɔ, ko ni mɔgɔ o mɔgɔ ye fɛɛn wɛrɛ bato, walima ka mɔgɔ dɔ bato min be danna ele la, k'o tigi bena fili jaraw ma u ka dingɛ kɔnɔ wa?» Masacɛ y'u jaabi ko: «Jaati! Ka kɛɲɛ ni mɛdiw ni pɛrɛsiw ka sariya ye, min te se ka bɔ yen.»

Daniyɛli 9:4

Ne ye Masaba n ka Ala daali, ka lɔ n ka hakɛw la ko: «Ee! Matigi Ala, e min ka bon, e min ye siranyafɛn ye, mɔgɔ minw b'i kanu, k'i ka sariya bato, i bɛnnin be to ni olu ye kanuya la.

Yunusu 2:4

I ye ne fili dingɛba kɔnɔ kɔgɔji cɛma, ne jigira fɔɔ a jukɔrɔ. Ne tora jii kɔnɔ, i ka jii n'a ka mankanw bɛɛ be woyora ne kan.

Marika 3:3

Yezu y'a fɔ cɛɛ bolofaganin ye ko: «Wili ka na lɔ yan mɔgɔw bɛɛ ɲafɛ.»

Luka 14:26

«Mɔgɔ o mɔgɔ be na ne fɛ, n'a ma ne fisaya n'a faa ye, n'a baa, n'a muso, n'a deenw, n'a balimacɛw, n'a balimamusow, n'a yɛrɛ fana ye, o tigi te se ka kɛ ne ka kalanden ye.

Luka 22:41

O kɔ, a bɔra u kɔrɔ dɔɔni ka se bɛrɛ filiko kelen jaɲa ma. A y'a kunbiri gwan k'a daminɛ ka Ala daali ko:

Kɛwalew 10:9

A dugusagwɛ, k'u to sira kan, u yɔrɔ tun man jan Zope la tugu. O tuma na, Piyɛri yɛlɛla sanbon kan tilegwangwanfɛ, ka Ala daali.

Kɛwalew 2:15

Aw be min fɔra ko nunu fanin lo duvɛn na, u ma fa duvɛn na dɛ, bari tile ma gwan fɔlɔ.

Kɛwalew 20:24

Ne ka bɔnɔ n nii na, o te foyi ye ne ɲana. A daan ye Matigi Yezu ye baara min don ne bolo, ne k'o kɛ ka ban. Fɔɔ ne ka se ka Ala ka nɛɛma kibaru diman nin fɔ mɔgɔw ye le.

Kɛwalew 20:36

Pɔli y'o kuma fɔ ka ban minkɛ, u bɛɛ y'u kunbiri gwan ka Ala daali.

Kɛwalew 21:5

O bɛɛ n'a ta, an ye lɔgɔkun kelen nin kɛ ka ban tuma min na, an y'an ka sira ta. Cɛɛw, musow fara denmisɛnw kan, u bɛɛ y'an bila sira. An taamana ka bɔ dugu kɔfɛ ka se kɛnɛba dɔ la bada la. An bɛɛ y'an kunbiri gwan yen, ka Ala daali.

Kɛwalew 3:1

Loon dɔ, Piyɛri ni Zan tun be tagara Alabatosoba kɔnɔ wulafɛ batoli la.

Kɛwalew 4:29

Sisan kɔni Matigi, i janto u ka bagabagaliw la, a to i ka baarakɛlaw k'i ka kuma fɔ mɔgɔw ye ni jagwɛlɛya ye.

Kɛwalew 5:20

u ka taga Alabatosoba kɔnɔ, ka kisili kuma fɔ mɔgɔw ye.

Kɛwalew 5:29

O la, Piyɛri ni ciden tɔw y'u jaabi ko: «Anw te se ka ban Ala sago la ka adamadenw ta kɛ.

Kɛwalew 7:60

O kɔ, a y'a kunbiri gwan ka pɛrɛn ko: «Matigi, kana u ka hakɛ nin jati u kun.» A y'o fɔ ka ban minkɛ, a nii bɔra.

Kɛwalew 9:40

Piyɛri ko mɔgɔw bɛɛ ka bɔ kɛnɛma. O kɔ, a y'a kunbiri gwan ka Ala daali. O kɔ, a y'a ɲaa yɛlɛma suu faan fɛ k'a fɔ ko: «Tabita, wili.» A y'a ɲaa yɛlɛ ka Piyɛri ye minkɛ, a wilila ka sigi.

Ɛfɛsikaw 3:14

O le kosɔn, ne be n kunbiri gwan Faa Ala ɲakɔrɔ,

Filipikaw 1:14

Ne minɛko kɛra sababu ye an balimaw caaman ye jagwɛlɛya sɔrɔ Matigi barika la. Olu be tagara ɲa ka Ala ka kuma fɔ ni siranya t'o la.

Filipikaw 1:20

Ne jigi be min kan kosɔbɛ, ni n b'a makɔnɔna sɔbɛ sɔbɛ la, ale kama ne tena maloya fɔɔ ne be jagwɛlɛya sɔrɔ le. K'a ta sisan ma ani tuma bɛɛ, ne be nii na wo, ne sara wo, ne b'a fɛ ka boɲa la Krista tɔgɔ kan,

Filipikaw 4:6

Aw hakili kana ɲagami koo si la, nga aw ye Ala daali ani ka barika la a ye, k'aw makoyako bɛɛ fɔ a ye.

Kɔlɔsikaw 3:17

N'aw be fɛɛn o fɛɛn kɛ, walima ka fɛɛn o fɛɛn fɔ, aw k'o bɛɛ kɛ Matigi Yezu tɔgɔ la, ka barika la an Faa Ala ye.

Heburuw 13:15

O la, an ka Ala fo Yezu sababu la tuma o tuma, min ye an ka saraka ye. O kɔrɔ ko an k'a tɔgɔ tanu n'an daa ye.

Heburuw 4:16

O tuma na sa, an k'an jigi la a kan, ka gwɛrɛ a ka masasigilan yɔrɔ la ni hakilisigi ye, a ka nɛɛma kosɔn janko a ka makari an na, ka nɛɛma kɛ an ye, k'an dɛmɛ an dɛsɛ tuma na.

Yirari 2:10

Tɔɔrɔ min bena aw sɔrɔ, aw kana siran o ɲa. Ayiwa, aw cɛma, mɔgɔ damani bena kaso kɛ Sutana sababu la. A bena o kɛ k'aw kɔrɔbɔ. Aw bena tɔɔrɔ tile tan kɔnɔ. Aw ka kɛ kantigiw ye fɔɔ ka taga se saya ma, n'o kɛra, aw bena nii banbali sɔrɔ ne barika la.

Yirari 2:13

Aw be dugu min na, ne y'a lɔn ko Sutana ka masasigilan b'o yɔrɔ la. O n'a ta bɛɛ, aw nɔrɔnin bɛ ne la, aw ma tigɛ ne la. U ye ne ka seereɲuman Antipasi faga aw fɛ loon min na, hali o waati la, aw m'aw jigi bɔ ne kan k'aw to Sutana ka sigiyɔrɔ nin na.