Daniyɛli 5:7 - ALA KA KUMA

⁷ A kulera kosɔbɛ, ka lagwɛlikɛlaw, ni sankolo kan taamasiɲɛlɔnbagaw, ni kirisitigiw wele. A ye kuma ta k'a fɔ Babilɔni lɔnnikɛla nunu ye ko: «Ni mɔgɔ o mɔgɔ sera ka sɛbɛ nin kalan ani k'a kɔrɔ fɔ n ye, delekeba wuleman ɲanaman bena don o tigi kaan na, ni kannakɔnɔ sanulaman. A tigi bena kɛ mɔgɔ sabanan ye ne ka fanga kɔnɔ.»

Jula NT of Côte d’Ivoire

⁷ A pɛrɛnna ko o ye lagbɛrikɛbagaw ni tagamasiyɛn lɔnbagaw ni jotigiw bɛɛ wele ka na. O mɔgɔ minw tun ye Babilɔni hakiritigiw ye, olugu nana minkɛ, masacɛ k’a fɔ o ye ko: «Ni aw ra min o min ka se ka nin sɛbɛri karan k’a kɔrɔ fɔ ne ye, ne bɛna masaderege le don o tigi ra, ka sanin don a kan na, k’a kɛ jamana kuntigi sabanan ye.»

Daniyɛli 5:7 Iomraidhean Croise

Damina 41:8

Dugu gwɛra, masacɛ hakili ɲagamina, a y'a ka jamana kɔnɔ lagwɛlikɛlaw ni lɔnnikɛlaw bɛɛ wele ka siko nunu fɔ u ye, nga u si ma se k'u kɔrɔ fɔ a ye.

Ɛsitɛri 3:1

O koow tɛmɛnin kɔ, masacɛ Sɛrisɛsi ye Agagi kɔmɔgɔ Amedata dencɛ Aman minɛ k'a sigi kuntigiya la a ka ɲamɔgɔw bɛɛ kunna.

Bɔri 7:11

Masacɛ fana y'a ka lɔnnikɛlaw ni subagaw wele. Ezipiti lɔnnikɛla nunu y'o ɲɔgɔn kɛ n'u ka lɔnniya ye.

Zanaw 1:9

Bari, o bena kɛ i ko fugulanɲuman e kuun na, ani masirifɛn ye i kaan na.

Dɔnkiriw 1:10

I ka tulolanigɛw ye dɔ fara e ɲada ka ɲa kan. Kɔnɔkisɛ y'i kaan ɲa dɛ!

Ezayi 47:13

I y'i yɛrɛ sɛgɛn lagwɛlikojugu fɛ. Lagwɛlikɛla minw be to ka sankolo cogo filɛ, ka lolow jati minɛ, ka koo nataw fɔ kalo o kalo, olu ka wili ka na aw kisi.

Yeremi 50:35

«Murujan ka taga Babilɔnikaw kama! A ka taga Babilɔnikaw n'a ɲamɔgɔw, ani a ka lɔnnikɛlaw kama! Ne Masaba le ko ten.

Ezekiyɛli 16:11

Ne ye masirifɛnw d'i ma: ne ye bololanigɛw don i bolo la, ka kɔnɔ don i kaan na.

Daniyɛli 1:20

Masacɛ tun y'u ɲininga koo o koo la, lɔnniya, ni faamuli faan fɛ, a y'a ye k'u tɛmɛn'a ka jamana kɔnɔ jotigiw ni lagwɛlikɛlaw bɛɛ kan siɲɛ tan.

Daniyɛli 1:4

Ko u ka kɛ kanbelenw ye, fiɲɛ te minw na, u ka kɛ kanbelenɲumanɲumanw ye, minw ye hakilitigiw, ni kolɔnbagaw ye, n'u be koo faamu, u ka kɛ barikatigiw ye waasa ka to masacɛ ka luu kɔnɔ, u k'u kalan Babilɔnikaw ka kaan na, n'u ka sɛbɛncogo la.

Daniyɛli 2:2

O la, a ye cii bila ka jotigiw wele, ni lagwɛlikɛlaw, ni subagaw, ani sankolo kan taamasiɲɛlɔnbagaw, waasa u ka siko nunu kɔrɔ fɔ ale ye. U nana lɔ masacɛ ɲafɛ.

Daniyɛli 2:27

Daniyɛli y'a jaabi ko: «Masacɛ be kodogonin min lɔnko ɲinina, lɔnnikɛla, ni lagwɛlikɛla, ni jotigi ani kirisitigi si te yen min be se k'o fɔ i ye.

Daniyɛli 2:48

O kɔ, masacɛ ye Daniyɛli kɛ mɔgɔbaba ye, ka fɛɛn barikaman caaman d'a ma, k'a sigi Babilɔni mara bɛɛ kunna, ani k'a kɛ Babilɔni lɔnnikɛlaw bɛɛ ɲamɔgɔba ye.

Daniyɛli 2:6

Nga n'aw ye siko nin, n'a kɔrɔ fɔ, ne bena aw sɔn fɛɛn caaman na, ani ka lɔyɔrɔbabaw d'aw ma. Ayiwa, aw ye ne ka siko n'a kɔrɔ fɔ n ye.»

Daniyɛli 4:14

Mɛlɛkɛw le y'o kolatigɛnin fɔ, waasa nimanfɛnw k'a lɔn ko Fɛɛn bɛɛ kuntigi Ala ka sebagaya be adamadenw ka kuntigiya bɛɛ kan. Mɔgɔ min ka d'a ye, a be masaya di o tigi ma. Mɔgɔ min lɔyɔrɔ ka dɔgɔ ni mɔgɔ tɔw ye, a be se k'ale ta boɲa ni bɛɛ ta ye.

Daniyɛli 5:11

Cɛɛ dɔ b'i ka mara kɔnɔ, batofɛnsɔbɛw ka nii b'a la. I faa ka tile la, ale lo tun be yeli kɛ, hakilitigi ni lɔnnikɛla lo i n'a fɔ batofɛn. O kama masacɛ, i faa Nabukodonozɔri y'a kɛ a ka jotigiw, ni lagwɛlikɛlaw, ni sankolo kan taamasiɲɛlɔnbagaw ani kirisitigiw ɲamɔgɔ ye.

Daniyɛli 5:15

U nana ni lɔnnikɛlaw ni lagwɛlikɛlaw ye n fɛ, waasa k'o sɛbɛ nin kalan ani k'a kɔrɔ fɔ n ye, nga u ma se.

Daniyɛli 5:16

Ayiwa, ne y'a mɛn ko i be se ka sikow kɔrɔ fɔ, ani ka koo gwɛlɛmanw ɲanabɔ. Sisan, n'i ye sɛbɛ nin kalan k'a kɔrɔ fɔ n ye, delekeba wuleman, ni kannakɔnɔ sanulaman bena don i kaan na, i fana be kɛ mɔgɔ sabanan ye fanga nin kɔnɔ.»

Daniyɛli 5:29

O yɔrɔnin bɛɛ, Balitazari ko u ka deleke wuleman ɲanaman ni kannakɔnɔ sanulaman don Daniyɛli kaan na, ani k'a wango la ko a bena kɛ mɔgɔ sabanan ye ale ka fanga kɔnɔ.

Jateri 22:17

Ko bari ale bena i boɲa fɔɔ ka ɲa, ko i mana min fɔ, ko ale bena o bɛɛ kɛ. Ko a b'i daali, i ka na mɔgɔ nunu danga ale ye.»

Jateri 22:7

Mowabu ni Madiyan cɛkɔrɔbaw wilila ka taga ni boɲafɛnw ye u bolo janko k'o di lagwɛlikɛla ma. U sera Balamu fɛ tuma min na, u ye Balaki ka kuma fɔ a ye.

Jateri 24:11

Wili ka taga i ka soo sisan! Ne tun ko n bena i boɲa fɔɔ ka ɲa, nga Masaba y'i bali k'o boɲa sɔrɔ.»

Sam fɔlɔ 17:25

U tun b'a fɔra ɲɔgɔn ye ko: «Aw ye cɛɛ nin ye min bɔra ka lɔ kɛ? A be bɔ ka Isirayɛlidenw darabɔ le. Ni mɔgɔ dɔ sera k'a faga, masacɛ bena o tigi kɛ fɛntigi ye. A ben'a denmuso d'a ma. Ani o tigi ka mɔgɔw bena lafiya Isirayɛlidenw cɛma.»