Daniyɛli 5:5 - ALA KA KUMA

⁵ O waati yɛrɛ la, mɔgɔ bolo dɔ barila ka bɔ k'a daminɛ ka sɛbɛnni kɛ kogo kan fitinɛ bilayɔrɔ gɛrɛfɛ masaso kɔnɔ yen. Masacɛ ye bolo nin ye, n'a be sɛbɛnni kɛra.

Jula NT of Côte d’Ivoire

⁵ Ayiwa, o wagati yɛrɛ ra, boro dɔ barara ka bɔ fitinadaga ɲa fɛ, yeelen na, ka sɛbɛri dɔ kɛ masacɛ ta bon kogo kan. Masacɛ ka o boro sɛbɛrikɛtɔ ye minkɛ,

Daniyɛli 5:5 Iomraidhean Croise

Ayuba 20:5

mɔgɔjugu ka see sɔrɔ te taga ɲa wa? Mɔgɔkolon ka nisɔndiya, o ye waati dɔɔni koo le ye.

Zanaw 29:1

Mɔgɔ min te sɔn ka ye ladili ma, o tigi bena bari ka halaki, fura tena sɔrɔ a la.

Yeremi 50:43

Babilɔni masacɛ y'o kibaruya mɛn, a fari fagara. A hakili ɲagamina, a tɔɔrɔla i ko tintɔ.

Daniyɛli 4:31

«Loon nunu dafara tuma min na, ne Nabukodonozɔri ye n ɲaa kɔrɔta sanfɛ, ne hakili sigira tugu. Ne ye Fɛɛn bɛɛ kuntigi fo, k'a tanu. Ale min be yen tuma bɛɛ, ne y'ale boɲa. «A ka masaya ye waati bɛɛ koo ye, a ka fanga te ban abada!

Daniyɛli 4:33

«O waati yɛrɛ la, ne ɲamalɔra, n ye n ka masaya n'a dawula, n'a boɲa sɔrɔ tugu. Ne ladibagaw ni n ka mɔgɔbabaw ko u mako be ne la. Ne sigira tugu masaya la, dɔ farala ne ka kunkɔrɔta kan ka tɛmɛ fɔlɔta kan.

Daniyɛli 5:15

U nana ni lɔnnikɛlaw ni lagwɛlikɛlaw ye n fɛ, waasa k'o sɛbɛ nin kalan ani k'a kɔrɔ fɔ n ye, nga u ma se.

Daniyɛli 5:4

U ye duvɛn min ka ban tuma min na, u ye dɔnkili daminɛ ka batofɛn sanulamanw, ni warigwɛlamanw, ni ziralamanw, ni nigɛlamanw, ni lɔgɔlamanw ani kabakurulamanw tanu.

Daniyɛli 5:6

A siranna kosɔbɛ, a ɲaa cogo yɛlɛmana, a fari fagara, a seenw tora ka yɛrɛyɛrɛ!

Daniyɛli 5:8

O tuma na, a ka lɔnnikɛlaw bɛɛ donna. U si ma se k'a kalan, walima k'a kɔrɔ fɔ masacɛ ye.

Kɔlɔsikaw 2:14

Sariya min tun sigira an kama n'a be jalaki ben an kan, a y'o ta ka bɔ yen. A y'o ban a ka saya barika la lɔgɔ kan.