Daniyɛli 5:4 - ALA KA KUMA

⁴ U ye duvɛn min ka ban tuma min na, u ye dɔnkili daminɛ ka batofɛn sanulamanw, ni warigwɛlamanw, ni ziralamanw, ni nigɛlamanw, ni lɔgɔlamanw ani kabakurulamanw tanu.

Jula NT of Côte d’Ivoire

⁴ O ka duvɛn min ka fa tuma min na, o ka o ta jow tando: o ta jo saninlamanw, ani a warigbɛramanw, ani a siranɛgɛramanw, ani a nɛgɛramanw, ani a yiriramanw, ani a kabakururamanw.

Daniyɛli 5:4 Iomraidhean Croise

Mas fɔlɔ 1:49

Adoniya tun ye mɔgɔ minw wele, olu bɛɛ siranna, u wilila ka taga u kunfɛ.

Ezayi 42:17

Mɔgɔ minw b'u jigi la joow kan, olu bena to kɔ fɛ, u ta ye maloya ye, olu minw b'a fɔ jaa nigɛlamanw ma ko: ‹Aw le ye an ka batofɛnw ye!›

Ezayi 42:8

Ne le ye Masaba ye, n tɔgɔ be ten le! Boɲa min ka kan ni ne ye, n ten'a to o be la mɔgɔ wɛrɛ kan. Tanuli min ka kan ni ne ye, n ten'a to o ka se joow ma.

Daniyɛli 1:8

Daniyɛli y'a ŋaniya ta ko ale ten'a yɛrɛ nɔgɔ ni masacɛ ka dumuni, n'a ka duvɛn ye. O la, a ye baaradenw ɲamɔgɔ daali ko a kana ale wajibiya a k'a yɛrɛ nɔgɔ n'o fɛɛn nunu ye.

Daniyɛli 5:23

I wilila Matigi le kama, Sankolotigi. I k'u ka na n'a ka soo kɔnɔ minanw ye. Aw ye duvɛn min n'u ye, ele n'i ka mɔgɔbabaw, n'i ka musow n'i ka gɛrɛfɛmusow, ka dɔnkili la ka batofɛn warigwɛlamanw tanu, ni sanulamanw, ni ziralamanw, ni nigɛlamanw, ni lɔgɔlamanw, ani kabakurulamanw. Minw te yeli kɛ, u te mɛnni kɛ, u te foyi lɔn. I nii be Ala min bolo n'i ka koow bɛɛ, i ma sɔn k'ale boɲa.

Daniyɛli 5:3

O tuma na, u nana ni sanufilenw ye, minw tun tara Alabatoso kɔnɔ, Zeruzalɛmu. Masacɛ n'a ka mɔgɔbabaw, n'a ka musow n'a ka gɛrɛfɛmusow ye minni kɛ n'u ye.

Daniyɛli 5:5

O waati yɛrɛ la, mɔgɔ bolo dɔ barila ka bɔ k'a daminɛ ka sɛbɛnni kɛ kogo kan fitinɛ bilayɔrɔ gɛrɛfɛ masaso kɔnɔ yen. Masacɛ ye bolo nin ye, n'a be sɛbɛnni kɛra.

Amɔsi 6:7

O kama, minw bena minɛ ka taga jamana wɛrɛ la, aw le bena kɛ u mɔgɔ fɔlɔw ye. Aw ka dumunibabaw bena dabila.

Habakuki 2:19

Mɔgɔ min b'a fɔ lɔgɔkuru ye: ‹Wili!› walima k'a fɔ kabakuru ye: ‹Kunun!› bɔnɛ ye o tigi ta ye! Yala a bena fɛɛn dɔ ye k'a fɔ wa? Hali n'a mɔnin be ni sanu ye, ani warigwɛ, a te ninakili do.

Kɛwalew 17:29

Ayiwa, an kɛra Ala deenw ye minkɛ, an man kan k'a miiri ko Ala bɔnin be joo sanulaman fɛ, walima warigwɛlaman, walima kabakuruɲuman lɛsɛnin fɛ! O fɛɛn nunu bɛɛ ye an adamadenw ka miiriya, n'an bulonɔ ye!