Daniyɛli 5:29 - ALA KA KUMA

²⁹ O yɔrɔnin bɛɛ, Balitazari ko u ka deleke wuleman ɲanaman ni kannakɔnɔ sanulaman don Daniyɛli kaan na, ani k'a wango la ko a bena kɛ mɔgɔ sabanan ye ale ka fanga kɔnɔ.

Jula NT of Côte d’Ivoire

²⁹ Ayiwa, o yɔrɔnin bɛɛ, masacɛ Baalitazari k’a fɔ a ta baaradenw ye ko o ye masaderege don Daniyɛli ra, ka sanin don a kan na. A k’a fɔ yɔrɔ bɛɛ ko Daniyɛli le bɛna kɛ jamana kuntigi sabanan ye.

Daniyɛli 5:29 Iomraidhean Croise

Damina 41:42

O kɔ, masacɛ y'a ka bololanigɛ bɔ a yɛrɛ bolo k'a don Yusufu bolo, ka tila ka fani ɲanaman don a kaan na, ani kɔnnɔkisɛ sanulaman fana.

Ɛsitɛri 10:3

Tiɲɛ na, Maridose le tun gwanna masacɛ Sɛrisɛsi kɔ. Zuwifuw tun b'a jati kosɔbɛ, ani a koo tun ka di u bɛɛ ye. Bari a tun be to k'a ka siya ka hɛrɛ le ɲini, ani u ka nafa be sɔrɔ koo minw na, a tun be to k'o le fɔ.

Zanaw 1:9

Bari, o bena kɛ i ko fugulanɲuman e kuun na, ani masirifɛn ye i kaan na.

Daniyɛli 2:48

O kɔ, masacɛ ye Daniyɛli kɛ mɔgɔbaba ye, ka fɛɛn barikaman caaman d'a ma, k'a sigi Babilɔni mara bɛɛ kunna, ani k'a kɛ Babilɔni lɔnnikɛlaw bɛɛ ɲamɔgɔba ye.

Daniyɛli 5:16

Ayiwa, ne y'a mɛn ko i be se ka sikow kɔrɔ fɔ, ani ka koo gwɛlɛmanw ɲanabɔ. Sisan, n'i ye sɛbɛ nin kalan k'a kɔrɔ fɔ n ye, delekeba wuleman, ni kannakɔnɔ sanulaman bena don i kaan na, i fana be kɛ mɔgɔ sabanan ye fanga nin kɔnɔ.»

Daniyɛli 5:7

A kulera kosɔbɛ, ka lagwɛlikɛlaw, ni sankolo kan taamasiɲɛlɔnbagaw, ni kirisitigiw wele. A ye kuma ta k'a fɔ Babilɔni lɔnnikɛla nunu ye ko: «Ni mɔgɔ o mɔgɔ sera ka sɛbɛ nin kalan ani k'a kɔrɔ fɔ n ye, delekeba wuleman ɲanaman bena don o tigi kaan na, ni kannakɔnɔ sanulaman. A tigi bena kɛ mɔgɔ sabanan ye ne ka fanga kɔnɔ.»

Daniyɛli 6:2

Dariyusi y'a ye ko a ka ɲi a be marakuntigiw sigi jamana kɔnɔ yɔrɔ bɛɛ la, o la, a ye mɔgɔ kɛmɛ ni mugan sigi,