Daniyɛli 5:23 - ALA KA KUMA

²³ I wilila Matigi le kama, Sankolotigi. I k'u ka na n'a ka soo kɔnɔ minanw ye. Aw ye duvɛn min n'u ye, ele n'i ka mɔgɔbabaw, n'i ka musow n'i ka gɛrɛfɛmusow, ka dɔnkili la ka batofɛn warigwɛlamanw tanu, ni sanulamanw, ni ziralamanw, ni nigɛlamanw, ni lɔgɔlamanw, ani kabakurulamanw. Minw te yeli kɛ, u te mɛnni kɛ, u te foyi lɔn. I nii be Ala min bolo n'i ka koow bɛɛ, i ma sɔn k'ale boɲa.

Jula NT of Côte d’Ivoire

²³ I ka i yɛrɛ bonya, ka i yɛrɛ suma ni sankolo tigi Ala ye. I sɔnna ka Alabatosoba ta minan saninmanw le ta, ka na duvɛn min o kɔnɔ, ele ni i ta jamana mɔgɔbaw, ani i ta furumusow, ani i ta muso wɛrɛw. I ka i ta jow le tando, i ta jo warigbɛramanw, ani a saninlamanw, ani a siranɛgɛramanw, ani a nɛgɛramanw, ani a yiriramanw, ani a kabakururamanw. O jo minw tɛ yeri kɛ, o tɛ mɛnni kɛ, o tɛ foyi lɔn. K’a sɔrɔ i nin, ani i ta ko bɛɛ bɛ Ala min boro, i ma o bonya!

Daniyɛli 5:23 Iomraidhean Croise

Damina 14:19

A ye duba kɛ Abramu ye ko: «Sankolo ni dugukolo danbaga, Fɛɛn bɛɛ kuntigi Ala ka hɛrɛ kɛ Abramu ye!

Damina 2:7

Masa Ala ye mɔgɔ dan ni buguri ye k'a dafiɲɛ fiyɛ a nunwo la ka ninakili don a la, a kɛra ten mɔgɔ kɛra nimanfɛn ye.

Mas 2nan 14:10

Ɔnhɔn, i kɔni sera edɔmuw kɔrɔ, o la, i fara i yɛrɛ la. I yɛrɛ boɲa n'o ye, nga to i ka yɔrɔ la! Mun na e b'i yɛrɛ don kɛlɛjugu la? I bena ben e ni Zuda mara fana!»

Ayuba 12:10

Nimanfɛnw bɛɛ nii b'a bolo, adamaden ka ninakiliko b'a bolo.

Ayuba 31:4

Ala te ne ka koo kala ma wa? A ɲaa te ne sennɔ bɛɛ la wa?

Zaburu 104:29

N'i y'i yɛrɛ dogo, u be siran. N'i y'u nii minɛ, u be sa ka kɔsegi ka kɛ buguri ye.

Zaburu 115:16

Sankolo ye Masaba dama ta ye, a ye dugukolo di adamadenw ma.

Zaburu 139:3

Ni ne be baara kɛra, walima ni ne be lafiɲɛna, i be n ka kɛtaw bɛɛ kala ma.

Zaburu 146:4

A ka ninakili be ban, a be kɔsegi buguri kɔnɔ. O loon na, a ka kolatigɛninw be ban.

Zanaw 20:24

Mɔgɔ ka diɲɛlatigɛ be Masaba le bolo. Mɔgɔ be se k'a yɛrɛ taayɔrɔ lɔn cogo di?

Ezayi 13:11

Masaba ko: «Ne bena diɲɛ mɔgɔw ɲaa gwan u ka juguya kosɔn, ka mɔgɔjuguw ɲaa gwan u ka kojuguw kosɔn. Ne bena yɛrɛboɲalaw ni cɛfariw ka yɛrɛboɲa daa faga.

Ezayi 14:13

Ele min tun b'a fɔ ko: «Ne bena yɛlɛ ka taga sankolo la ka n ka masasigilan bila Ala ka lolow sanfɛ. Ne bena taga sigi kɔgɔdugu ɲafan kulu kan, sankololafɛnw b'u ka ɲɔgɔnye kɛ min kan.

Ezayi 2:12

Tiɲɛ na, Masaba, Setigi ye loon dɔ sigi, o loon na, a bena wili yɛrɛboɲalaw ni yɛrɛfunubagaw bɛɛ kama. Mɔgɔ o mɔgɔ b'a yɛrɛ boɲa, o bena maloya.

Ezayi 33:10

Masaba ko: «Sisan kɔni, n bena dɔ kɛ, sisan, n bena wili ka lɔ. Ne bena boɲa sɔrɔ!

Ezayi 37:19

U y'u ka batofɛnw fili tasuma kɔnɔ k'u jɛni. Olu kɔni tun te batofɛnsɔbɛw ye, fɔɔ adamaden ka fɛɛn dilannin dama. U dɔw tun ye yiri ye, dɔw kabakuruw.

Ezayi 37:23

I ye jɔn le nɛni k'a tɔgɔ cɛn? I y'i kaan kɔrɔta jɔn kama? I y'i ɲaa don jɔn la yɛrɛboɲa fɛ? I y'o kɛ ne le la, Isirayɛli ka Ala.

Ezayi 42:5

Masa Ala min ye sankolo dan, k'a fɛnsɛn, ka dugukolo fɛnsɛn, ni fɛɛn bɛɛ be sɔrɔ a kan, ka ninakili di o fɛɛnw ma, ka nii don a yaalabagaw la, a ko:

Yeremi 10:23

Masaba, ne y'a lɔn ko see te adamaden ye ka se k'a yɛrɛ ka koo latigɛ, o t'a ka koo ye.

Yeremi 48:26

«Aw k'a kɛ a be min ka su, bari a y'a yɛrɛ fisaya ni Masaba ye. Fɔɔ Mowabu ka ben ka kolonkolon a ka fɔɔnɔw kɔnɔ, a ka kɛ yɛlɛbɔyɔrɔ ye.

Yeremi 50:28

Mɔgɔ minw kisira ka boli ka bɔ Babilɔni, aw ye mɛnni kɛ olu ka kuma na! Masaba an ka Ala y'a mɔnɛ bɔ cogo min na, a y'a ka soo mɔnɛ bɔ cogo min na, u b'o le fɔra *Siyɔn dugu kɔnɔ.

Yeremi 50:29

Mɔgɔ o mɔgɔ be se kalabon la, aw ka olu bɛɛ wele Babilɔni kama. Aw ka sigi k'a lamini, mɔgɔ si kana se ka bɔ. Aw k'a sara ka kɛɲɛ n'a ka kɛwaliw ye. A ye min kɛ, aw k'o ɲɔgɔn kɛ a la. Bari a tun wilila Masaba kama, Isirayɛli ka Ala kama.

Ezekiyɛli 28:17

I y'i yɛrɛ boɲa i ka cɛɲa kama. I ka lɔnniya ɲagamina i ka dawula kosɔn. O la, ne y'i fili fɔɔ dugukolo kan, ne y'i kɛ filɛlifɛn ye masacɛw fɛ.

Ezekiyɛli 28:2

«Adamaden, a fɔ Tiri dugu ɲamɔgɔ ye ko ne Matigi, Masaba ko: Yɛrɛboɲa kosɔn, a ko ale ye batofɛn ye, ko a siginin be batofɛn sigilan kan kɔgɔji cɛma. K'a sɔrɔ adamaden lo, batofɛn tɛ, hali n'a b'a yɛrɛ suma ni batofɛn ye.

Ezekiyɛli 28:5

Ko a ka cekuya kosɔn, a ka nafolo cayara a ka jago sababu la. Ko a b'a yɛrɛ boɲa a ka nafoloba kosɔn.

Ezekiyɛli 31:10

«O la, ne Matigi, Masaba ko: ‹A jaɲana fɔɔ a kuun sera sankaba ma, a y'a yɛrɛ boɲa a jaɲa kosɔn.

Daniyɛli 11:12

A senin kɔ u kɔrɔ, a ben'a yɛrɛ boɲa. A kɔni bena mɔgɔ caaman faga. Nga a tena see sɔrɔ.

Daniyɛli 8:11

A boɲana fɔɔ ka taga se o sankolo kɔnɔ fɛɛn nunu kuntigi ma. Saraka minw tun be bɔ ale ye loon o loon, a y'o bali, k'a batoyɔrɔ cɛn.

Habakuki 2:4

Yɛrɛboɲala filɛ, a te kotilennin lɔn.» Nga, mɔgɔtilennin bena kisi a ka lanaya barika la.

Kɛwalew 17:25

«A m'a fɔ ko a mako be adamaden ka bololafɛn na k'a yɛrɛ mako ɲa n'a ye fana. Bari ale lo be nii, ani sii, ani fɛɛn tɔɔ bɛɛ di adamaden ma.

Kor fɔlɔ 8:4

Min ye josɔnsogo ɲimiko ye, an y'a lɔn ko joo te foyi ye diɲɛ na, an y'a lɔn fana ko Ala ye kelen ye.

Tim fɔlɔ 3:6

A kana kɛ tuubidenkura ye fana Krista ka jama cɛma, waasa yɛrɛboɲa kana don a la ka kɛ sababu ye Sutana ka jalaki ɲɔgɔn ka se a ma.

Heburuw 4:13

O danfɛn te yen Ala ɲaa te min ye. U bɛɛ b'a ɲakɔrɔ, u si dogonin te a ma. An bena an ka koow bɛɛ ɲafɔ ale lo ye.

Yirari 9:20

Mɔgɔ minw tora n'u ma sɔrɔ ka sa balawu nin na, sanni u ka nimisa k'u ka kɛwalijuguw dabila, u tora ka jinaw bato, ka joow sɔn. O joow tun ye sanu ye, dɔw warigwɛ, dɔw zira, dɔw kabakuru, dɔw lɔgɔkuru, k'a sɔrɔ o batofɛn nunu te yeli kɛ, u te mɛnni kɛ, u te se ka taama.

Kititigɛbagaw 16:23

Filisiw ka ɲamɔgɔw ye ɲɔgɔn lajɛn, janko ka sɔnniba kɛ u ka joo ye, min tɔgɔ ko Dagɔn, ani ka nisɔndiya. U tun b'a fɔra ko u ka joo le ye u jugu Samusɔn don u bolo.

Sam fɔlɔ 17:26

Dawuda y'a fɔ a gɛrɛfɛmɔgɔw ye ko: «Ni mɔgɔ min sera ka filisicɛ nin faga ka maloya bɔ Isirayɛlidenw kan, u bena mun le kɛ o tigi ye? Filisicɛ nin ye jɔn ye, kɛnɛkɛnɛbali nin, n'a be Ala ka jama darabɔ ten?»

Sam fɔlɔ 17:36

I ka baaraden tun sera ka jara ni wara faga. O cogo kelen na, a bena se filisicɛ kɛnɛkɛnɛbali nin kɔrɔ fana i n'a fɔ wara nunu dɔ, bari a be Ala ka kɛlɛdenw darabɔra.