Daniyɛli 5:20 - ALA KA KUMA

²⁰ Nga a dusu nana gwɛlɛya, yɛrɛboɲa donn'a la. O tuma na, a gwɛnna ka bɔ masaya la, a ka dawula banna.

Jula NT of Côte d’Ivoire

²⁰ Nka yɛrɛbonya nana don a ra tuma min na, ani a k’a jusukun gbɛlɛya minkɛ, fɔ ka kɛ wasobagaba ye, Ala k’a bɔ masaya ra, k’a ta bonya bɛɛ bɔ a kan.

Daniyɛli 5:20 Iomraidhean Croise

Mas 2nan 17:14

Nga u ma sɔn ka mɛnni kɛ, u y'u tulo gwɛlɛya i n'a fɔ u faaw, minw tun ma la Masaba u ka Ala la.

Lok 2nan 32:25

Nga Ezekiyasi ma o ɲumanya nin lɔn, min tun kɛr'a ye, bari a far'a yɛrɛ la. O la, Masaba dimina ale, ni Zeruzalɛmukaw ani Zuda mara mɔgɔ tɔw kɔrɔ.

Lok 2nan 36:13

A murutira masacɛ Nabukodonozɔri ma, min tun y'a wajibiya ka kali Ala tɔgɔ la. A y'a tulo gwɛlɛya k'a dusu gwɛlɛya, a ma sɔn k'a ɲaa yɛlɛma Masaba, Isirayɛli ka Ala faan fɛ.

Bɔri 18:11

Ne y'a lɔn sisan ko Masaba fanga ka bon ni batofɛntɔw bɛɛ ye. Hali tuma min na u tun fariyara a ka mɔgɔw ma.»

Bɔri 9:17

Ko halibi a b'a jaa gwɛlɛyara ka ne ka jama bali, a te sɔnna k'u to u be taga.

Bɔri 9:7

Masacɛ ye mɔgɔw ci ka taga filɛli kɛ. U tagar'a sɔrɔ ko Isirayɛlidenw ka begɛnw si ma sa, hali deen kelen. Nga masacɛ dusu gwɛlɛyara halibi, a ma sɔn k'a to jama ka taga.

Zanaw 16:18

Yɛrɛboɲa be na ni makosa ye. Yada be na ni halakili ye.

Zanaw 16:5

Yɛrɛboɲala koo ka go Masaba ye. Siga t'a la, a ɲagwanbali tena to.

Ezayi 47:1

Masaba ko: «Babilɔni, jigi ka bɔ i ka masasigilan kan ka sigi duguma. Sigi buguri la. E be i ko sunguruɲuman min nigɛ bɔra. U tena e wele tugu ko sunguruɲuman.

Yeremi 13:18

Masaba y'a fɔ ne ye ko n k'a fɔ masacɛ n'a bamuso ye k'u ka jigi ka sigi duguma, bari u ka masafugulan nɔɔrɔmanw bɔra u kunna ka ben.

Yeremi 19:15

«Masaba, Setigi, Isirayɛli ka Ala ko: ‹Ne tun ye bɔnɛ min koo fɔ dugu nin kosɔn, ne bena o bɛɛ lase ale n'a gɛrɛfɛduguw bɛɛ ma sisan. Bari u y'u tulo gwɛlɛya, u ma sɔn ka mɛnni kɛ ne fɛ.› »

Yeremi 48:18

Aw ka jigi ka bɔ aw lɔyɔrɔba la, ka na sigi dugukolo janin na, Dibɔnkaw. Mowabu halakibaga be nana aw kama, a bena aw ka yɔrɔ barikamanw halaki.

Ezekiyɛli 30:6

Ayiwa, Masaba ko: «Ezipiti dɛmɛbagaw bena faga, a b'a yɛrɛ boɲa a ka barika min kosɔn, o bena ban. U ben'u faga ni murujan ye ka bɔ Migidɔli fɔɔ ka taga se Asuwani. Ne Matigi, Masaba le ko ten.

Ezekiyɛli 31:10

«O la, ne Matigi, Masaba ko: ‹A jaɲana fɔɔ a kuun sera sankaba ma, a y'a yɛrɛ boɲa a jaɲa kosɔn.

Daniyɛli 11:36

«Koo o koo ye masacɛ nin diya, a ben'o le kɛ. A ben'a yɛrɛ boɲa! O yɛrɛboɲa nin na, a ben'a yɛrɛ fisaya ni batofɛnw bɛɛ ye. Ala min ka bon ni batofɛn bɛɛ ye, a bena kabakokuma fɔ ale kama. A ka koo bena taga ɲa fɔɔ ka taga se Ala ka dimi danyɔrɔ la. Bari, min latigɛra, o bena kɛ cɔ!

Daniyɛli 4:26

Kalo tan ni fila tɛmɛnin kɔ, k'a to munumunu na loon dɔ a ka sanbon kan Babilɔni,

Daniyɛli 4:28

Ka masacɛ t'o kuma na, kumakan dɔ bɔra sankolo la ko: «Ele masacɛ Nabukodonozɔri, i tulo malɔ kuma nin na. Masaya bɔsira i la.

Daniyɛli 8:8

Bakɔrɔnin nin boɲana kosɔbɛ! A ye barika sɔrɔ tuma min na, a gɔɔn belebeleba nin karila. Nga gɔɔn ɲanaman naani falenn'a nɔɔ na. U ɲaa tun sinnin be diɲɛ faan naani bɛɛ la.

Luka 18:14

Yezu y'o kuma kuncɛ k'a fɔ ko: «Ne b'a fɔ aw ye ko Ala ye lɛnpominɛla nin jati mɔgɔtilennin ye sanni a ka segi soo. Nga a ma Fariziɲɛ nin jati mɔgɔtilennin ye, bari mɔgɔ o mɔgɔ b'a yɛrɛ boɲa, o tigi bena majigi. Mɔgɔ o mɔgɔ b'a yɛrɛ majigi, o bena boɲa sɔrɔ.»

Heburuw 3:13

Nga aw ka ɲɔgɔn ladi loon o loon hali n'o ka kan ka kɛ waatijan koo ye, min be fɔ ko bii, janko hakɛ kana mɔgɔ si bila tulogwɛlɛya la.

Sam fɔlɔ 6:6

Mun na aw b'aw dusu gwɛlɛya, i n'a fɔ Ezipitikaw n'u ka masacɛ tun y'a kɛ cogo min na? O Ala nin le tun ma olu tɔɔrɔ, fɔɔ u sɔnna ka sira di Isirayɛlidenw ma wa?