Daniyɛli 5:2 - ALA KA KUMA

² Ka u to o la, a facɛ Nabukodonozɔri tun ye minan sanulaman ni warigwɛlaman minw ta Alabatoso kɔnɔ Zeruzalɛmu ka na n'u ye, duvɛn ye Balitazari minɛ dɔrɔn, a k'u ka na n'u ye, ale n'a ka mɔgɔbabaw, n'a ka musow, n'a ka gɛrɛfɛmusow ka minni kɛ n'u ye.

Jula NT of Côte d’Ivoire

² Duvɛn nana a mina minkɛ, a facɛ Nebukadinɛsari tun ka Ala ta minan saninman minw cɛ ka bɔ Alabatosoba kɔnɔ Zeruzalɛmu, a ka mɔgɔ dɔw ci ka taga o minan saninlamanw ni a warigbɛramanw ta ka na ni o ye, janko ale ni a ta jamana mɔgɔbaw, ani a furumusow, ani a muso tɔw bɛɛ ye duvɛn min o minanw kɔnɔ.

Daniyɛli 5:2 Iomraidhean Croise

Sam 2nan 9:7

Dawuda y'a fɔ a ye ko: «Kana siran, bari ne b'a fɛ ka koɲuman le kɛ i ye i facɛ Zonatan kama. Ne bena i mamacɛ Sayuli ka forow bɛɛ segi i ma, an'i bena to ka na dumuni kɛ ne fɛ loon bɛɛ.»

Mas 2nan 24:13

Ka kɛɲɛ ni Masaba ka kuma ye, nafolo min bɛɛ tun be Masaba ka soo kɔnɔ, ni masacɛ ka soo kɔnɔ, Babilɔni masacɛ y'o bɛɛ cɛ ka bɔ n'a ye. Isirayɛli jamana masacɛ Solomani tun ye minan minw bɛɛ dilan ni sanu ye Masaba ka soo kama, a ye olu bɛɛ ci.

Mas 2nan 25:15

U fana ye wusulandagaw ni jifilenw ta, fɛɛn o fɛɛn tun dilanna ni sanu ani warigwɛ ye.

Lok 2nan 11:20

Ale kɔ, a ye Abisalɔn denmuso Maaka furu. Ale fana ye deenw wolo a ye: Abiya ni Atayi ani Ziza ni Selomiti.

Lok 2nan 15:16

Masacɛ mamamuso Maaka tun ka kan ni boɲa min ye, masacɛ Aza y'o bali, bari ale tun ye *Asera jaa dɔ dilan, min ma ɲi fewu. Aza ye lɔgɔ nin tigɛ k'a karikari, k'a jɛni Sedirɔn kɔkɛnɛ na.

Lok 2nan 36:10

Saan yɛlɛmatuma na, masacɛ Nabukodonozɔri ye mɔgɔw bila ka ta'a minɛ ka na n'ale, ani Masaba ka soo kɔnɔ minan sɔngɔgwɛlɛnw ye Babilɔni. A ye Yoyakin balimacɛ Sedesiyasi sigi masaya la Zeruzalɛmu dugu ni Zuda mara kunna.

Lok 2nan 36:18

Nabukodonozɔri ye Ala ka soo kɔnɔ minanw bɛɛ ta, a minanba fara a fitiniw kan, ni Masaba ka soo kɔnɔ nafolo, ani masacɛ an'a ka dakɔrɔsigiw ka nafolow, ka taga n'u ye Babilɔni.

Ɛsidarasi 5:14

Ko Nabukodonozɔri tun ye Ala ka sokɔnɔminan sanulamanw ni warigwɛlaman minw ta ka bɔ soo nin kɔnɔ Zeruzalɛmu, ka taga u bila Babilɔni joso kɔnɔ, masacɛ Sirusi y'u bɛɛ ta ka bɔ o yɔrɔ la k'u di cɛɛ dɔ ma min tɔgɔ ko Sɛsibasari, a tun ye min sigi Zuda mara kunna.

Yeremi 27:7

Siyaw bɛɛ bena baara kɛ a ye, an'a deen n'a mamaden ye, fɔɔ ka taga se a ka masaya waati bɛɛ ma. O waati la, siya caaman ni masacɛ barikamanw bena kolo a ye.

Yeremi 50:35

«Murujan ka taga Babilɔnikaw kama! A ka taga Babilɔnikaw n'a ɲamɔgɔw, ani a ka lɔnnikɛlaw kama! Ne Masaba le ko ten.

Yeremi 52:19

Masacɛ ka kɔlɔsibagaw kuntigi ye fiyɛw fana ta, ni wusulandagaw, ni jifilenw, ni dagaw, ni fitinɛw, ni dagaw ani filenw, fɛɛn o fɛɛn tun dilanna ni sanu ani warigwɛ ye, a y'o bɛɛ ta.

Daniyɛli 1:2

Matigi ye Zuda mara masacɛ Yoyakimu don a bolo, ani Alabatoso kɔnɔ minan dɔw fana. A tagara n'u ye a ka jobon kɔnɔ Sineyari jamana na k'u bila a ka jobon kɔnɔ nafolobilayɔrɔ la.

Daniyɛli 5:11

Cɛɛ dɔ b'i ka mara kɔnɔ, batofɛnsɔbɛw ka nii b'a la. I faa ka tile la, ale lo tun be yeli kɛ, hakilitigi ni lɔnnikɛla lo i n'a fɔ batofɛn. O kama masacɛ, i faa Nabukodonozɔri y'a kɛ a ka jotigiw, ni lagwɛlikɛlaw, ni sankolo kan taamasiɲɛlɔnbagaw ani kirisitigiw ɲamɔgɔ ye.

Daniyɛli 5:13

U nana ni Daniyɛli ye masacɛ fɛ. Masacɛ y'a ɲininga ko: «N facɛ ka masaya tile la, a bɔra ni mɔgɔ minw ye Zuda mara la ka na n'u ye yan, Daniyɛli tɔgɔla min tun b'u cɛma, o ye e le ye sɔbɛ la wa?

Daniyɛli 5:18

Fɛɛn bɛɛ kuntigi Ala tun y'i facɛ Nabukodonozɔri kɛ masa ye, k'a kɛ mɔgɔbaba ye, ka kunkɔrɔta ni dawula d'a ma.

Daniyɛli 5:23

I wilila Matigi le kama, Sankolotigi. I k'u ka na n'a ka soo kɔnɔ minanw ye. Aw ye duvɛn min n'u ye, ele n'i ka mɔgɔbabaw, n'i ka musow n'i ka gɛrɛfɛmusow, ka dɔnkili la ka batofɛn warigwɛlamanw tanu, ni sanulamanw, ni ziralamanw, ni nigɛlamanw, ni lɔgɔlamanw, ani kabakurulamanw. Minw te yeli kɛ, u te mɛnni kɛ, u te foyi lɔn. I nii be Ala min bolo n'i ka koow bɛɛ, i ma sɔn k'ale boɲa.

Daniyɛli 5:3

O tuma na, u nana ni sanufilenw ye, minw tun tara Alabatoso kɔnɔ, Zeruzalɛmu. Masacɛ n'a ka mɔgɔbabaw, n'a ka musow n'a ka gɛrɛfɛmusow ye minni kɛ n'u ye.

Daniyɛli 5:30

O loon yɛrɛ sufɛ, u ye Babilɔni masacɛ Balitazari faga.

Daniyɛli 5:4

U ye duvɛn min ka ban tuma min na, u ye dɔnkili daminɛ ka batofɛn sanulamanw, ni warigwɛlamanw, ni ziralamanw, ni nigɛlamanw, ni lɔgɔlamanw ani kabakurulamanw tanu.

Jateri 7:79

o fɛɛn kelenw ɲɔgɔn lo.