Daniyɛli 5:19 - ALA KA KUMA

¹⁹ A ye boɲa min d'a ma, o le kɛra sababu ye siyaw bɛɛ, ni maraw bɛɛ mɔgɔw tun be yɛrɛyɛrɛ a ɲafɛ siranya bolo. N'a tun b'a fɛ ka mɔgɔ min faga, a b'o faga. N'a tun b'a fɛ ka min to nii na, a b'o to. N'a tun b'a fɛ ka mɔgɔ min kɛ mɔgɔbaba ye, a b'o kɛ. N'a tun b'a fɛ ka min majigi, a b'o majigi.

Jula NT of Côte d’Ivoire

¹⁹ A tɔgɔ bonya kosɔn, dunuɲamɔgɔw bɛɛ, ani a siyaw bɛɛ, ani kanw bɛɛ mɔgɔw tun bɛ siran a ɲa, fɔ o bɛ yɛrɛyɛrɛ a ɲa. Ni a tun ko min ye faga, o bɛ o faga, ni a ko min ye to yi, o bɛ o to yi. Ni a ko a bɛ min bonya a bɛ o bonya, ni a ko a bɛ min dɔgɔya a bɛ o dɔgɔya.

Daniyɛli 5:19 Iomraidhean Croise

Mas 2nan 25:28

A y'a ladiya ka lɔyɔrɔ d'a ma min ka fisa ni masacɛ tɔw taw ye, minw tun be n'a ye Babilɔni.

Zanaw 16:14

Masacɛ ka dimi be na ni mɔgɔfaga ye. Nga kolɔnbaga b'a dusu suma.

Waajurikɛbaga 8:3

Kana kɔrɔtɔ ka ban a ka koo la. Kana i kuun gwɛlɛya ka kojugu kɛ. Bari, koo o koo y'a diya, a bena o kɛ.

Ezekiyɛli 31:11

O la, ne y'a bila k'a don siyaw ka kuntigi bolo. Ale ben'a sara ka kɛɲɛ n'a ka juguya ye.

Daniyɛli 11:12

A senin kɔ u kɔrɔ, a ben'a yɛrɛ boɲa. A kɔni bena mɔgɔ caaman faga. Nga a tena see sɔrɔ.

Daniyɛli 11:16

Kɛlɛtigɛla nin ben'a sago kɛ, mɔgɔ si tena se ka lɔ a ɲa. A bena taga sigi jamana diman na, min ka di ni jamanaw bɛɛ ye. O y'a sɔrɔ a ye cɛnni kɛ ka tɛmɛ.

Daniyɛli 11:3

Kɛlɛmasa dɔ bena kɛ jamanaba dɔ ka masa ye. Koo min man'a diya, a bena o le kɛ.

Daniyɛli 11:36

«Koo o koo ye masacɛ nin diya, a ben'o le kɛ. A ben'a yɛrɛ boɲa! O yɛrɛboɲa nin na, a ben'a yɛrɛ fisaya ni batofɛnw bɛɛ ye. Ala min ka bon ni batofɛn bɛɛ ye, a bena kabakokuma fɔ ale kama. A ka koo bena taga ɲa fɔɔ ka taga se Ala ka dimi danyɔrɔ la. Bari, min latigɛra, o bena kɛ cɔ!

Daniyɛli 3:29

Ayiwa, ne ka kuma filɛ: Mɔgɔ o mɔgɔ, a mana kɛ siya o siya ye, ni mara o mara mɔgɔ ye, n'a ye kumajugu fɔ Sadiraki, ni Mesaki ani Abɛdenego ka Ala koo la, o tigi be faga ka tigɛtigɛ. A ka soo be kɛ ɲamaɲama filiyɔrɔ ye. Bari, batofɛn te yen min be se ka mɔgɔ kisi ten.»

Daniyɛli 3:4

O tuma na, dalaminɛ pɛrɛnna kosɔbɛ ko: «Maraw bɛɛ kɔnɔ mɔgɔw, ni siyaw bɛɛ, a ɲininin b'aw fɛ ko

Daniyɛli 3:6

Ni mɔgɔ min ma biri k'a bato, o tigi bena fili dibi tasumaman kɔnɔ o waati yɛrɛ la.»

Daniyɛli 4:17

I ye yiri min ye fɔɔ a boɲana ka kɛ yiriba ye, n'a kuun sera sankolo ma, n'a be ye fɔɔ dugukolo daan na,

Daniyɛli 4:19

o yiri nin ye ele masacɛ le ye! Bari, i kɛra mɔgɔbaba ye, ka kɛ fangatigi ye. I jaɲana ka se sankolo ma, i ka masaya sera fɔɔ dugukolo daan na.

Daniyɛli 4:22

I bena gwɛn ka bɔ mɔgɔw cɛma ka taga to ni kongosogow ye. I bena biin ɲimi i n'a fɔ misi. Komiji be yɛlɛ i kan saan wolonwula kɔnɔ. Fɔɔ n'i sɔnn'a ma ko Fɛɛn bɛɛ kuntigi le be adamadenw ka kuntigiya kunna. Mɔgɔ min ka d'a ye, a b'a di o tigi le ma.

Habakuki 2:5

Tiɲɛ na, nafolo ye mɔgɔ janfafɛn ye. Yɛrɛboɲala nin te sigi yɔrɔ kelen. A daa waganin lo i ko kaburu, a te fa i ko lahara. A ye siyaw bɛɛ sama ka se a yɛrɛ ma, ka kɛ jama bɛɛ kuntigi ye.

Yuhana 19:11

Yezu y'a jaabi ko: «See min b'i fɛ k'a yira ne la, i m'o sɔrɔ i yɛrɛ ma, Ala le ye o see d'i ma, o la do, mɔgɔ min ye ne don i bolo, o tigi le ye hakɛba kɛ ka tɛmɛ e kan.»

Rɔmukaw 13:1

Mɔgɔ kelen kelen bɛɛ k'a yɛrɛ majigi faamaw kɔrɔ olu minw b'an kunna, bari fangatigiya bɔra Ala fɛ, faama minw siginin be yen, Ala le ye olu bɛɛ sigi.

Yirari 5:9

U tun be dɔnkilikura dɔ lara ko: «E ni wale, ele le be se ka sɛbɛ nin minɛ k'a taamasiɲɛ nunu walaka. Bari u tun y'i faga. I joli min tun bɔnna, o kɛra sababu ye i ye mɔgɔ dɔw kunmabɔ k'u kɛ Ala taw ye ka bɔ siyaw bɛɛ cɛma, ani jamanaw bɛɛ la.