Daniyɛli 4:34 - ALA KA KUMA

³⁴ Sisan, ne Nabukodonozɔri be sankolo Masa fo k'a tanu, k'a boɲa kosɔbɛ. A ka kɛta bɛɛ tilennin lo. A ka koo bɛɛ ye tiɲɛ ye. Minw b'u yɛrɛ boɲa, a be se ka olu dɔgɔya.»

Jula NT of Côte d’Ivoire

³⁴ O kosɔn, ne Nebukadinɛsari, ne bɛ Masa Ala, sankolo tigi tando, k’a kɔrɔta, k’a bonya. A ta kokɛtaw bɛɛ bɛnnin lo, a ta siraw bɛɛ terennin lo. Mɔgɔ o mɔgɔ bɛ a yɛrɛ bonya, a bɛ o majigi.»

Daniyɛli 4:34 Iomraidhean Croise

Sam 2nan 22:31

Fiɲɛ te Ala ka siraw la. Masaba ka fɔtaw ye tiɲɛ ye. Mɔgɔ minw b'u yɛrɛ dogo a fɛ, a be olu bɛɛ tanga i ko nigɛkunbɛnnan.

Lok fɔlɔ 29:10

Dawuda ye Masaba tanu jama bɛɛ ɲana k'a fɔ ko: «Masaba, i ka tanu tuma bɛɛ, e min ye an faa Isirayɛli ka Ala ye.

Lok fɔlɔ 29:13

Sisan, an ka Ala, an b'i tanu ka boɲa la i tɔgɔba kan.

Ayuba 1:21

k'a fɔ Ala ye ko: «Ne bolo lakolon le wolola, ne fana bena segi ka taga ten. Masaba le y'u di, Masaba le y'u minɛ. A tɔgɔ ka tanu.»

Zaburu 10:16

Masaba le ye masa ye kudayi. A ɲasiranbaliw bena tunu ka bɔ a ka jamana kɔnɔ.

Zaburu 102:24

A ye ne barika ban sira kan, a ye dɔ bɔ ne sii la.

Zaburu 107:15

U ka kan ka Masaba bato a ka ɲumanya kosɔn, k'a bato a ka kabakow kosɔn adamadenw ye.

Zaburu 107:22

U ka barika l'a ye ni sarakaw ye. U k'a ka koɲumanw fɔ ni nisɔndiyapɛrɛnkan ye.

Zaburu 107:31

U ka kan ka Masaba bato a ka ɲumanya kosɔn, k'a bato a ka kabakow kosɔn adamadenw ye.

Zaburu 107:8

U ka kan ka Masaba bato a ka ɲumanya kosɔn, k'a bato a ka kabako kosɔn adamadenw ye.

Zaburu 111:7

A ka baara ye kantigiya ni tilenninya ye. Mɔgɔ be se k'a jigi la a ka fɔta bɛɛ kan.

Zaburu 121:1

Zeruzalɛmu taadɔnkili dɔ. Ne be n ɲaa sin kuluw faan fɛ, ne bena dɛmɛ sɔrɔ ka bɔ min?

Zaburu 123:1

Zeruzalɛmu taadɔnkili dɔ. Ne be n ɲaa sin ele ma, e min siginin be sankolo la.

Zaburu 145:13

E ka masaya ye waati bɛɛ ta ye. E ka kuntigiya bena kɛ waati nata mɔgɔw bɛɛ kan.

Zaburu 146:10

Masaba ye kuntigi ye kudayi, *Siyɔn, e ka Ala lo tuma bɛɛ. Aw ka Masaba tanu.

Zaburu 50:14

Min ka di n ye, o ye i ka foli saraka bɔ ne Ala ye. E ka jija k'i ka dajuru sara ne Fɛɛn bɛɛ kuntigi ye.

Zaburu 66:7

A be diɲɛ mara a ka sebagaya la tuma bɛɛ. A ɲaa be siyaw kan. Aw kana wili, murutibaga nunu!

Zaburu 7:17

A ka kojugu doni bena la a yɛrɛ kunna, a b'a ka fariya sara sɔrɔ.

Zaburu 9:2

Masaba, ne bena e tanu ni n dusu bɛɛ ye. Ne bena e ka ɲumanya bɛɛ fɔ.

Zaburu 92:1

Lafiɲɛlon dɔnkili dɔ.

Ezayi 13:11

Masaba ko: «Ne bena diɲɛ mɔgɔw ɲaa gwan u ka juguya kosɔn, ka mɔgɔjuguw ɲaa gwan u ka kojuguw kosɔn. Ne bena yɛrɛboɲalaw ni cɛfariw ka yɛrɛboɲa daa faga.

Ezayi 2:11

Yɛrɛboɲalaw bena majigi, mɔgɔ minw b'u yɛrɛ fisaya ni tɔw ye, olu kuun bena surun. O loon na, Masaba kelenpe le bena boɲa sɔrɔ.

Ezayi 24:15

U be Masaba tanura kɔrɔn fɛ. U be Masaba, Isirayɛli ka Ala tɔgɔ tanura kɔgɔji cɛma dugukolow kan!

Yeremi 10:10

Nga Masaba ye Ala yɛrɛ yɛrɛ ye, ale lo ye Ala ye, ale ka masaya te ban. N'a dimina, dugukolo be yɛrɛyɛrɛ. Siyaw te se ka lɔ a diminin ɲa.

Kasikan 3:38

Yala, Fɛɛn bɛɛ kuntigi le t'a fɔ ko tɔɔrɔ, walima hɛrɛ ka kɛ wa?

Daniyɛli 12:7

Faniɲumantigi min tun lɔnin be baji sanfɛ, ne y'ale kaan mɛn. A y'a kinibolo, n'a numanbolo kɔrɔta sanfɛ ka kali ko: «Ala kama! Ale min be yen tuma bɛɛ, koo minw be kɛra, o bena kɛ fɔɔ saan saba ni tilan. Ni Ala ka jama barika dɛsɛra pepewu tuma min na, koo nunu bɛɛ bena kɛ ka ban o tuma na le.»

Daniyɛli 2:44

«Ayiwa, o masa nunu ka tile la, Sankolotigi Ala ben'a kɛ masacɛ wɛrɛ be wili min ka masaya tena nagasi abada, a ka masaya tena bɔ a bolo ka di siya wɛrɛ ma. Ale bena masa tɔ nunu bɛɛ ka koo nagasi ka ban pewu. Ale bena to a ka masaya la tuma bɛɛ.

Daniyɛli 4:2

Ne nana siko dɔ kɛ, min ye n hakili ɲagami. Miiriya minw donna ne kuun na ka n to n ka dilan kan, ani ne ye koo minw ye, olu ye ne dabari ban.

Daniyɛli 4:26

Kalo tan ni fila tɛmɛnin kɔ, k'a to munumunu na loon dɔ a ka sanbon kan Babilɔni,

Daniyɛli 4:3

Ne ye cii bila ka Babilɔni lɔnnikɛlaw bɛɛ wele waasa ka siko nin kɔrɔ fɔ n ye.

Daniyɛli 4:32

Adamadenw te foyi ye a ɲana. Sankolo la setigiw faan fɛ, adamadenw faan fɛ, min ka d'a ye, a b'o le kɛ. Mɔgɔ si te se ka Ala bali koo la, mɔgɔ si te se k'a sɔsɔ.

Daniyɛli 5:18

Fɛɛn bɛɛ kuntigi Ala tun y'i facɛ Nabukodonozɔri kɛ masa ye, k'a kɛ mɔgɔbaba ye, ka kunkɔrɔta ni dawula d'a ma.

Daniyɛli 5:21

A gwɛnna ka bɔ adamadenw cɛma, ka kɛ i n'a fɔ kongosogo. A tora kongofaliw cɛma, ka to ka biin ɲimi i n'a fɔ misi. Komiji tora ka yɛlɛ a kan. A tora o la ten, fɔɔ a sɔnn'a ma tuma min na ko Fɛɛn bɛɛ kuntigi Ala be adamadenw ka kuntigiya kunna. Mɔgɔ min ka d'a ye, a b'o le sigi masaya la.

Daniyɛli 6:26

O kɔ, masacɛ Dariyusi ye sɛbɛ ci siyaw bɛɛ ma, maraw bɛɛ kɔnɔ dugukolo faan bɛɛ la ko: «Hɛrɛ ka kɛ aw ye kosɔbɛ!

Daniyɛli 7:14

Kuntigiya, ni boɲa, ani masaya dir'a ma. Maraw bɛɛ la, siyaw bɛɛ mɔgɔw y'a bato. A ka kuntigiya ye waati bɛɛ koo ye. A ka masaya te ban abada!

Daniyɛli 7:27

Mara minw bɛɛ be dugukolo kan, olu ka masaya, n'u ka fanga, n'u ka boɲa bena di Fɛɛn bɛɛ kuntigi ka jama ma. O jama nin ka masaya bena kɛ waati bɛɛ koo ye. Faamaw bɛɛ bena baara kɛ o ye, ani ka mɛnni kɛ o fɛ.›

Daniyɛli 9:14

O le y'a to, i ma bɔnɛ nin koo ye k'a to. I y'a la an kan. Bari ele tilennin lo i ka kokɛtaw bɛɛ la, Masaba an ka Ala. Nga anw le ma mɛnni kɛ i ka fɔta la.

Yunusu 1:14

O la, u ye Masaba daali ko: «Ee! Masaba, sabali! Kan'a to cɛɛ nin kosɔn an bɛɛ be sa ɲɔgɔn fɛ! I kana an jalaki ko an ye mɔgɔ faga gwansan, an nɔɔ tɛ. Bari, ele Masaba be min fɛ, e b'o le kɛ.»

Mise 4:7

Tɔɔ bena sɔrɔ senkelenninw na. Minw tun gwɛnna ka taga fɔɔ yɔrɔjan, n bena olu kɛ siya barikaman ye. Masaba bena kɛ u ka masa ye *Siyɔn kulu kan k'a ta o waati ma, ni tuma bɛɛ.

Luka 1:33

A bena sigi masaya la Isirayɛlidenw kunna fɔɔ tuma bɛɛ, a ka masaya tena ban abada.»

Luka 18:13

«Lɛnpominɛla nin lɔnin tun be kɔfɛ yɔrɔjan. A ma sɔn k'a ɲaa kɔrɔta sanfɛ yɛrɛ, nga a tora k'a disi gosi dusukasi bolo, ka to k'a fɔ ko: ‹Ala, makari ne la, ne ye hakɛkɛla ye.› »

Yuhana 5:26

N Faa ye nii tigi ye, o la, a ye nii diko see di a Dencɛ fana ma.

Sariya 32:4

Ale lo ye tangakabakuru ye, a ka koo dafanin lo, a ka koow bɛɛ tilennin lo. Ala ye kantigi ye, tilenbaliya t'a ka koo la. Ale lo ye tiɲɛtigi ye, a tilennin lo.

Tim fɔlɔ 1:17

Boɲa ni tanuli ka kɛ tuma bɛɛ waati bɛɛ Masa Ala yebali ye, ale min te sa, ale min kelen ye Ala ye. Amiina.

Tim fɔlɔ 6:16

Ale kelen le te sa, a be kɛnɛ na mɔgɔ si te se ka gwɛrɛ min la. Mɔgɔ ma Ala ye, mɔgɔ te se k'a ye fana. Boɲa ni sebagaya ye ale ta ye tuma bɛɛ. Amiina.

Yirari 10:6

Ala min be yen tuma bɛɛ, ale min ye sankolo, ni dugukolo ani kɔgɔji n'u kɔnɔnafɛnw bɛɛ dan, mɛlɛkɛ nin kalila n'o tɔgɔ ye ko: «Kɔnɔni t'a la tugu!

Yirari 11:15

Mɛlɛkɛ wolonwulanan y'a ka buru fiyɛ, kumakanbabaw bɔra sankolo la ka to k'a fɔ ko: «Sisan, diɲɛ ka masaya kɛra an Matigi n'a ka Mɔgɔ wolomanin ta ye. A bena to masaya la tuma bɛɛ.»

Yirari 4:10

cɛkɔrɔba mugan ni naani nunu be to k'u ka fugulan fili a ɲafɛ k'u kunbiri gwan k'a bato, ale min be yen tuma bɛɛ, ka to k'a fɔ ko:

Yirari 4:9

Min siginin be masasigilan nin kan, n'a bena to nii na kudayi, ni nimanfɛn nunu y'a makiri tuma min na,