Daniyɛli 4:27 - ALA KA KUMA

²⁷ masacɛ ko: «Babilɔni duguba! Ne ye min sigi ni n ka fanga, ni n ka sebagaya ye, k'a kɛ masadugu ye ne ka kunkɔrɔta kama, ale te nin ye wa?»

Jula NT of Côte d’Ivoire

²⁷ k’a fɔ ko: «E, ne ta duguba Babilɔni le ye nin ye! Ne Nebukadinɛsari yɛrɛ boro baraka le k’a lɔ, k’a kɛ ne ta masadugu ye, ka ne ta bonya ni ne ta setigiya ni ne ta masaya yira mɔgɔw ra.»

Daniyɛli 4:27 Iomraidhean Croise

Damina 11:4

U ko: «Aw ye na, an ka dugu sigi, ka sangasojan lɔ a kɔnɔ, a kuun ka se fɔɔ sankolo la, an ka tɔgɔba sɔrɔ, janko an kana jɛnsɛn dugukolo yɔrɔ bɛɛ la.»

Mas fɔlɔ 21:29

«Akabu y'a yɛrɛ majigi ne ɲakɔrɔ cogo min na, i y'o ye wa? A y'a yɛrɛ majigi ne ɲakɔrɔ, o la, ne tena bɔnɛ nin lase a ka tile la tugu, o bena kɛ a deen ka tile la, o tuma na, bɔnɛ nin bena se a ka soo ma.»

Zaburu 119:46

Ne bena e ka sariya koo fɔ masaw ye, ne tena maloya fana.

Zanaw 11:2

Yɛrɛboɲa be na ni maloya ye. Yɛrɛmajigi be na ni lɔnniya ye.

Zanaw 16:6

Ɲumanya ni tiɲɛ kosɔn, kojuguw yafa be sɔrɔ. Mɔgɔ be kojugu dabila Masaba ɲasiran kosɔn.

Zanaw 28:13

Mɔgɔ min te lɔ a ka kojugu kɛnin na, o ka koo te ɲa. Nga min be lɔ a ta la, ani ka nimisa u la, Ala be makari ale la.

Ezayi 10:13

Bari, a y'a fɔ ko: «Ne ye koo nin kɛ n yɛrɛ barika la, ni n ka lɔnniya ye, bari hakili be n fɛ. Daan minw tun be siyaw ni ɲɔgɔn cɛ, n y'o bɔ yen. Ne benna u kan. Ne ye masaw jigi ka bɔ u ka masasigilanw kan i ko cɛfari.

Ezayi 47:10

I jigi tun lanin be i ka juguya kan ka to k'a fɔ ko: ‹Mɔgɔ si ɲaa te ne la.› I ka lɔnniya, n'i ka jatiminɛ y'a kɛ i kuun ɲagamina. O la, i y'a fɔ i yɛrɛ kɔnɔ ko: ‹Foyi te se ka suma ni ne ye!›

Ezayi 47:8

O la sa, dugu tilenbali, i tulo malɔ. E min sigicogo ka ɲi, e min tun b'a fɔra i yɛrɛ kɔnɔ ko: ‹Foyi te se ka suma ni ne ye! Ne cɛɛ tena sa, n deenw fana tena sa.›

Yeremi 29:7

Ne y'aw bɔ ka taga dugu min kɔnɔ, aw k'o ɲa ɲini. Aw ka ne daali a ye. Bari n'a ɲana, aw fana ta le ɲana.›

Yeremi 38:20

Zeremi y'a jaabi ko: «I tena don u bolo. Ne be Masaba ka kuma min fɔra i ye, i tulo malɔ o la, e ta bena ɲa, i bena kisi.

Ezekiyɛli 18:7

A te mɔgɔ si tɔɲɔ, a ye fɛɛn min minɛ ka sɔrɔ ka juru don, a b'o kɔsegi o tigi ma. A te soɲali kɛ, a be dumuni di kɔngɔtɔw ma, ka fani di dɛsɛbagatɔ ma.

Ezekiyɛli 29:3

A fɔ a ye ko: ‹Ele Ezipiti masacɛ, ne be nana i kama. E min be i ko banba belebeleba, min lanin be Nili baa cɛma. I ko baji nin ye i ta ye, ko e le y'a dan.

Ezekiyɛli 29:9

Ezipiti bena kɛ yɔrɔlakolon ye. O tuma na, u ben'a lɔn ko ne ye Masaba le ye. Bari, i y'a fɔ ko Nili baa ye i ta ye, ko i y'a dan.

Yowɛli 2:14

Jɔn b'a lɔn? N'a sɔrɔ a bena nimisa do, ka hɛrɛ kɛ aw ye. O tuma na, aw bena se ka suman saraka ni jii bɔ Masaba aw ka Ala ye.

Amɔsi 6:13

Aw minw be nisɔndiya bari aw ye Lodebari dugu minɛ, ka to k'a fɔ ko: «Anw yɛrɛ ka sebagaya le m'a to an ye Karinayimu dugu minɛ wa?»

Yunusu 3:9

N'a sɔrɔ Ala dusu bena suma, a be makari an na k'a ka ŋaniya tanin dabila, o la an tena halaki.»

Habakuki 1:11

O kɔ, u be tɛmɛ u ka sira fɛ i ko fɔɲɔba. Fɛnjuguw lo, u ka fanga le y'u ka Ala ye.»

Sofoni 2:15

Dugu nin kɔnɔ mɔgɔw tun b'u yɛrɛ boɲa n'u hakili siginin lo. U tun b'a fɔra u yɛrɛ kɔnɔ ko: «An ka dugu ɲɔgɔn te yen!» A do kɛra di a halakira ka kɛ kongosogow layɔrɔ ye? Mɔgɔ o mɔgɔ mana tɛmɛ a gɛrɛfɛ, o be kaba ka to k'a curu.

Matiyu 3:8

Aw ka kɛwaliɲumanw kɛ k'a yira ko aw nimisara ka faran aw ka kojuguw la.

Luka 11:41

Fɛɛn min b'aw ka minanw kɔnɔ, aw y'o di dɛsɛbagatɔw ma, o la, aw ka koo bɛɛ bena saniya.

Kɛwalew 24:25

Pɔli kumana ka taga tilenninyako faan fɛ, ni yɛrɛminɛko, ani Ala ka kiti nata faan fɛ minkɛ, Felikisi siranna kosɔbɛ, a y'a fɔ Pɔli ye ko: «A ka ɲi ten, taga, n bena i wele siɲɛ wɛrɛ.»

Kɛwalew 26:20

Ne y'a daminɛ ka Damasikaw waaju fɔlɔ, ani Zeruzalɛmukaw, ka Zude mara bɛɛ waaju, ani siya wɛrɛw. N y'u waaju k'a fɔ u ye k'u ka kan ka nimisa ka faran u ka kojuguw la ka segi Ala ma, ka kɛwaliɲumanw kɛ minw b'a yira k'u nimisara ka faran u ka kojugu la.

Kɛwalew 8:22

I ka nimisa ka yafa daali Matigi fɛ i ka miirijugu nin kosɔn, n'a sɔrɔ a bena yafa i ma.

Kor 2nan 5:11

Matigi ɲasiran b'an dusu la minkɛ, o la, an be banba ka mɔgɔw dɛmɛ u k'a lɔn. Ala b'an lɔn kosɔbɛ, ne be miiri ko aw fana b'an lɔn ten.

Galasikaw 5:13

N balimaw, aw welela hɔrɔnyali le kama. O hɔrɔnyali nin kana kɛ sababu ye aw b'aw farikolo sago kɛ. Nga aw ka ɲɔgɔn kanu ka ɲɔgɔn dɛmɛ.

Galasikaw 5:22

Nga Nii Senuman be fɛɛn minw di, o ye nin ye: kanuya, nisɔndiya, hɛrɛ, muɲuli, ɲumanya, hinɛ, tilenninya, sabali, ni yɛrɛminɛ.

Galasikaw 5:6

N'an lanin be Yezu Krista la, i kɛnɛkɛnɛna wo, i ma kɛnɛkɛnɛ wo, o si te foyi ye. Min ye koo kuun ye, o ye jigi ye, min b'a to an be koo kɛ kanuya la.

Ɛfɛsikaw 4:28

Mɔgɔ min be soɲali kɛ, o tigi kana soɲali kɛ tugu, nga o tigi ka baara kɛ ka ɲa, janko a ka se ka sɔrɔli kɛ ka dɔ di dɛsɛbagatɔw ma.

Sariya 24:13

Taga o fani nin d'a tigi ma tile bentuma na, waasa a ka se ka la ka ɲa. O la, a bena duba kɛ i ye, Masaba aw ka Ala bena o jati fana kotilennin ye.

Sariya 32:27

Nga ne siranna ko u juguw kana yɛlɛ ne la, ka miiri k'olu yɛrɛ le ye koo nin kɛ, ko ne t'a kɛbaga ye.

Sariya 8:17

Aw kana miiri ko aw ye nafolo sɔrɔ aw yɛrɛ ka fanga barika la dɛ.

Piy fɔlɔ 4:8

Ayiwa, a fɔlɔ, aw ka ɲɔgɔn kanu kosɔbɛ. Bari kanuya sababu la, hakɛ caaman be yafa.