Daniyɛli 4:19 - ALA KA KUMA

¹⁹ o yiri nin ye ele masacɛ le ye! Bari, i kɛra mɔgɔbaba ye, ka kɛ fangatigi ye. I jaɲana ka se sankolo ma, i ka masaya sera fɔɔ dugukolo daan na.

Jula NT of Côte d’Ivoire

¹⁹ Masacɛ, o yiri ye ele yɛrɛ le ye. Ele ta baraka le bonyara, ka i ta fanga bonya fɔ k’a se sankolo ma. I ta masaya fanga sera fɔ dunuɲa yɔrɔ bɛɛ ra.

Daniyɛli 4:19 Iomraidhean Croise

Damina 31:35

Arasɛli y'a fɔ a faa ye ko: «Ne matigi, kana dimi ne kɔrɔ, ne te se ka wili i ɲakɔrɔ, ne be musow ka landa la.» A kɛra ten, Laban ye fanibugu yɔrɔ bɛɛ mɔmɔ, a ma joow ye.

Damina 32:18

k'a fɔ u ɲamɔgɔ ye ko: «Ni ne kɔrɔcɛ Ezawu y'i kunbɛn k'i ɲininga ko: ‹I ye jɔn ka mɔgɔ ye? I be taga min? Begɛn minw b'i ɲafɛ, o ye jɔn ta ye?›,

Damina 40:12

Yusufu y'a fɔ a ye ko: «O kɔrɔ filɛ nin ye. Bolo saba nunu ye tile saba ye.

Mas fɔlɔ 18:7

Ka Obadiyawu to sira kan, a tagara bɛɛn ni Eli ye. Obadiyawu y'a lɔn. A y'a ɲaa biri duguma k'a fɔ ko: «Ele yɛrɛ lo wa, ne matigi Eli?»

Bɔri 32:32

O bɛɛ n'a ta, ne b'a ɲini i fɛ i ka sɔn k'u ka hakɛ yafa. N'o tɛ, i ye kitabu min sɛbɛn, i ka ne tɔgɔ jɔsi ka bɔ o kɔnɔ.»

Yeremi 29:7

Ne y'aw bɔ ka taga dugu min kɔnɔ, aw k'o ɲa ɲini. Aw ka ne daali a ye. Bari n'a ɲana, aw fana ta le ɲana.›

Yeremi 4:19

Kɔnɔgwan, o kɔnɔgwan! Tɔɔrɔ be n kan. N dusu tɔɔrɔnin be! N kɔnɔ gwannin lo, n te se ka je. Bari, ne ye buru fiyɛkan mɛn, kɛlɛdenw pɛrɛnkan.

Daniyɛli 1:7

Baaradenw ɲamɔgɔ ye tɔgɔkura la u kan. A ye Daniyɛli wele ko Bɛlitasari, ka Ananiya wele ko Sadiraki, ka Mikayɛli wele ko Mesaki, ka Azariya wele ko Abɛdenego.

Daniyɛli 2:26

Masacɛ ye Daniyɛli ɲininga, u be min wele ko Bɛlitasari, ko: «Yala, ne ye siko min kɛ, i be se k'o fɔ ne ye wa, a n'a kɔrɔ?»

Daniyɛli 2:37

Ele, masacɛ! Masaw ka masa! Sankolotigi Ala ye masaya d'i ma, ka setigiya ni fanga ani tɔgɔba d'i ma.

Daniyɛli 4:24

Masacɛ, n bena ladili min d'i ma, i ka sɔn o ma. Ayiwa, e ka hakɛkɛ dabila ka tilenninyakow kɛ. I ka juguya dabila ka koɲuman kɛ fantanw ye. O la, n'a sɔrɔ i ka lafiya bena taga ɲafɛ.»

Daniyɛli 5:12

Bari, a lɔnna ko hakili ɲanaman b'ale Daniyɛli tɔgɔla nin fɛ. Masacɛ ye min tɔgɔ la ko Bɛlitasari. Lɔnniya tun b'a fɛ kosɔbɛ, a tun be koo faamu, ani ka se ka sikow kɔrɔ fɔ, ka kodogoninw yira, ani ka koo gwɛlɛmanw ɲanabɔ. O la, i ka Daniyɛli wele, a ben'a kɔrɔ fɔ i ye.»

Daniyɛli 5:18

Fɛɛn bɛɛ kuntigi Ala tun y'i facɛ Nabukodonozɔri kɛ masa ye, k'a kɛ mɔgɔbaba ye, ka kunkɔrɔta ni dawula d'a ma.

Daniyɛli 5:19

A ye boɲa min d'a ma, o le kɛra sababu ye siyaw bɛɛ, ni maraw bɛɛ mɔgɔw tun be yɛrɛyɛrɛ a ɲafɛ siranya bolo. N'a tun b'a fɛ ka mɔgɔ min faga, a b'o faga. N'a tun b'a fɛ ka min to nii na, a b'o to. N'a tun b'a fɛ ka mɔgɔ min kɛ mɔgɔbaba ye, a b'o kɛ. N'a tun b'a fɛ ka min majigi, a b'o majigi.

Daniyɛli 7:15

«Ne Daniyɛli nii tɔɔrɔla, n ka fɛɛn yeta nunu ye n hakili ɲagami.

Daniyɛli 7:28

«O kuma nin danna yan. O miiriya nunu ye ne Daniyɛli hakili ɲagami kojugu fɔɔ n ɲaa cogo yɛlɛmana. Nga ne y'o mara n kɔnɔ.»

Daniyɛli 8:27

O ye ne Daniyɛli barika ban, fɔɔ ka ne bana tile fila. Ne wilinin kɔ, ne tora ka baara kɛ masacɛ ye. Siranya tun be ne la kosɔbɛ yelifɛn nin kama, ne tun te foyi faamuyara.

Habakuki 3:10

Kuluw yɛrɛyɛrɛla i ɲafɛ, sanjiba benna! Badingɛ fara jii la ka mankan bɔ fɔɔ a be wiliwili sanfɛ!

Sam fɔlɔ 1:15

Annɛ y'a fɔ a ye ko: «Ayi ne matigi, ne ye muso dusukasinin ye, ne ma duvɛn min, walima minnifɛn fariman wɛrɛ, ne tun be ne dusuko le yirala Masaba la.

Sam fɔlɔ 24:8

Dawuda y'o kuma le kɛ k'a kɔmɔgɔ nunu bali. A ma sɔn u ka Sayuli kɛlɛ. Sayuli tilara tuma min na, a wilila ka bɔ k'a ka sira minɛ.

Sam fɔlɔ 26:15

Dawuda y'a fɔ Abinɛri ye ko: «I te cɛɛ ye wa? I ɲɔgɔn yɛrɛ te sɔrɔ Isirayɛlidenw cɛma. Mun na i ma masacɛ, i matigi kɔlɔsi? Mɔgɔ dɔ nana ko a ben'a faga.

Sam fɔlɔ 3:17

Eli y'a fɔ a ye ko: «Ala ye kuma jumɛn le fɔ i ye? Kana foyi dogo ne la. Ala ye koo minw bɛɛ fɔ i ye, n'i ye dɔ dogo ne la, Ala kan'a diya i la.»