Daniyɛli 3:7 - ALA KA KUMA

⁷ O la, buru ni filejan, ni gɔni, ni kolonjo, ni soku ani fɔliminan sifa bɛɛ kaan nana bɔ dɔrɔn, siyaw bɛɛ, ni maraw bɛɛ mɔgɔw birila ka masacɛ Nabukodonozɔri ka jaa sanulaman bato, a tun ye min dilan k'a lɔ.

Jula NT of Côte d’Ivoire

⁷ O ra, mɔgɔw nana burufiyɛkan ni filenfiyɛkan ni gɔnifɔkan ni sokufɔkan ni fɔrifɛn tɔw kan mɛn minkɛ, siyaw bɛɛ, ani jamanaw bɛɛ mɔgɔw, ani kanw bɛɛ mɔgɔw bɛɛ ka o ɲa biri dugu ma ka batofɛn saninlaman bato, masacɛ Nebukadinɛsari tun ka min lalaga.

Daniyɛli 3:7 Iomraidhean Croise

Yeremi 51:7

Babilɔni tun be Masaba bolo i ko dɔrɔfiyɛ sanulaman. Min ye dugukolo bɛɛ ɲanamini. Siyaw y'a ka dɔrɔ min, fɔɔ u be ɲini ka fatɔya.

Daniyɛli 2:46

O la, masacɛ Nabukodonozɔri y'a kunbiri gwan k'a ɲaa biri duguma Daniyɛli kɔrɔ k'a boɲa. A y'a fɔ k'u ka saraka bɔ Daniyɛli ye, ani ka wusulan jɛni a ye.

Daniyɛli 3:10

Masa, e le tun m'a fɔ ko mɔgɔ o mɔgɔ mana buru kaan mɛn, ka filejan, ni gɔni, ani kolonjo, ni soku, ni filesurun ani fɔliminan sifa bɛɛ kaan mɛn tuma min na, a ka biri ka jaa sanulaman nin bato wa?

Daniyɛli 3:4

O tuma na, dalaminɛ pɛrɛnna kosɔbɛ ko: «Maraw bɛɛ kɔnɔ mɔgɔw, ni siyaw bɛɛ, a ɲininin b'aw fɛ ko

Daniyɛli 3:5

n'aw ye buru kaan mɛn, ka filejan, ni gɔni ani kolonjo, ni soku, ni filesurun ani fɔliminan sifa bɛɛ kaan mɛn dɔrɔn, aw ka biri ka masacɛ Nabukodonozɔri ka jaa bato, a ye min dilan ni sanu ye.

Daniyɛli 3:6

Ni mɔgɔ min ma biri k'a bato, o tigi bena fili dibi tasumaman kɔnɔ o waati yɛrɛ la.»

Daniyɛli 3:8

O tuma na, Babilɔnika dɔw gwɛrɛla janko ka Zuwifuw jalaki.

Kɛwalew 14:16

Fɔlɔfɔlɔ, Ala tun ye siyaw bɛɛ to yen, u y'u sago kɛ.

Zan fɔlɔ 5:19

Anw y'a lɔn ko anw ye Ala deenw ye. Nga diɲɛ kɔnɔ fɛɛn tɔw bɛɛ be Sutana sago kɔrɔ.

Yirari 12:9

Misɛli ye Sogojuguba nin n'a kɔmɔgɔw gwɛn ka jigi dugukolo kan. U b'ale Sogojugu nin le wele fana ko sakɔrɔ, jinaw kuntigi, Sutana, diɲɛ ɲagamibaga.

Yirari 13:14

Sebagaya min dir'a ma, a y'o ta ka kabakow kɛ ka mɔgɔ caaman lafili Sogo fɔlɔ nin ɲana. A y'a fɔ mɔgɔw ye k'u ka Sogo fɔlɔ nin jaa dilan k'a boɲa, Sogo min tun mandimina n'a ma sɔrɔ ka sa.

Yirari 13:3

Sogo nin kungolo kelen mandiminin tun lo kosɔbɛ i n'a fɔ a bena sa. Nga a kuun nin nana suma. Adamadenw kabakoyara kosɔbɛ ka tugu a kɔ.

Yirari 13:8

U tun ye Sagaden min faga kabini diɲɛ dantuma, mɔgɔ minw tɔgɔ te nii banbali sɛbɛ kɔnɔ, olu bɛɛ bena sogo nin bato.

Yirari 17:8

I ye sogo min ye, a tun be yen fɔlɔ la, nga sisan a te yen tugu, A bena na bɔ dingɛjugu la ka taga halakiyɔrɔ. Kabini diɲɛ dantuma, adamaden minw tɔgɔ te Ala ka sɛbɛ kɔnɔ, olu bɛɛ bena sogo nin ye, ka kabakoya a ka koo la, bari a tun be yen fɔlɔ la, nga sisan a te yen tugu. O n'a ta bɛɛ, a bena na tugu.

Yirari 19:20

Nga u ye Sogo nin kɛlɛ k'a minɛ, ka kira galontigɛla minɛ. Ale min tun be to ka kabakow kɛ a ɲana ka mɔgɔw lafili ka di Sogo nin ma, k'a kɛ Sogo nin ka taamasiɲɛ bilara mɔgɔw kan, n'u y'a bato. U ye Sogo nin, ani kira galontigɛla minɛ k'u fili jahanama na. Tasuma ni kiribi le mananin be yen.