Daniyɛli 3:28 - ALA KA KUMA

²⁸ O tuma na, Nabukodonozɔri kumana. A y'a fɔ ko: «Sadiraki, ni Mesaki ani Abɛdenego ka Ala ka tanu! Ale min y'a ka mɛlɛkɛ ci ka n'a ka baarakɛlaw kisi. Minw y'u jigi la ale kan, ka ban masacɛ darakan na, ka sɔn saya ma waasa u kana fɛɛn wɛrɛ bato n'a ma kɛ u ka Ala ye.

Jula NT of Côte d’Ivoire

²⁸ Nebukadinɛsari ka kuma ta, k’a fɔ ko: «An ye Sadaraki ni Mesaki ni Abɛdi Nego ta Ala tando. Ale le k’a ta mɛlɛkɛ ci ka na a ta baaradenw bɔsi, sabu o lara o ta Ala ra. O banna ne masacɛ ta kuma ma, ka sɔn ka o farikolo di a ye jɛni, sani o ye ala wɛrɛ bonya, ka ala wɛrɛ bato, min tɛ o ta Ala ye!

Daniyɛli 3:28 Iomraidhean Croise

Damina 9:26

A y'a fɔ tugu ko: «Masaba, Sɛmu ka Ala ka tanu, Kanaan ka kɛ Sɛmu ka jɔɔn ye.

Lok fɔlɔ 5:20

U tun ye dɛmɛ sɔrɔ, Ala ye agariw don u bolo, ani minw bɛɛ tun be ni olu ye. Bari k'u to kɛlɛ la, u ye Ala daali. A fana y'u jaabi, bari u tun y'u jigi la a kan.

Lok 2nan 20:20

U wilila sɔgɔma joona ka taga Tekowa kongokolon faan fɛ. U tun be bɔra tuma min na, Zozafati wilila ka lɔ k'a fɔ ko: «Zeruzalɛmukaw, ni Zuda mara mɔgɔw, aw ye mɛnni kɛ ne fɛ! Aw k'aw jigi la Masaba aw ka Ala kan, o la, mɔgɔ tena se aw kɔrɔ! Aw ka l'a ka kiraw ka kuma na, o la, aw ta bena ɲa!»

Lok 2nan 32:21

Masaba ye mɛlɛkɛ dɔ ci, ale nana kɛlɛdenŋanaw, ni ɲamɔgɔw ani kɛlɛkuntigiw bɛɛ faga Asiri masacɛ ka kɛlɛdenw ka sigiyɔrɔ la. O la, masacɛ kɔsegir'a ka jamana na ni maloya ye. A donn'a ka joso kɔnɔ, a yɛrɛ deenw y'a faga ni murujan ye.

Ɛsidarasi 1:3

Aw jamanadenw cɛma, mɔgɔ o mɔgɔ y'a ka mɔgɔ ye, aw ka taga Zeruzalɛmu, Zuda mara la ka Masaba, Isirayɛli ka Ala ka soo lɔ, ale Ala min be Zeruzalɛmu. Aw ka Ala ka to n'aw ye.

Ɛsidarasi 6:11

Mɔgɔ min bena ban n ka kuma nunu na, ne be sariya nin le sigi olu kama: u ben'a ka soo kɔnɔ lɔgɔ dɔ bɔ k'a dulon o kan, ani a ka soo bena yɛlɛma ka kɛ ɲamabɔnyɔrɔ ye.

Zaburu 103:20

Masaba ka mɛlɛkɛw, aw ka barika la a ye, aw minw b'a ka fɔta kɛ ni barika ye, aw minw b'a ka kuma bato tigitigi.

Zaburu 147:11

Mɔgɔ minw be siran Masaba ɲa, minw jigi b'a ka ɲumanya kan, a be janto olu la.

Zaburu 33:18

Mɔgɔ minw be siran Masaba ɲa, a be olu mara. Mɔgɔ minw jigi b'a ka ɲumanya kan, a be olu dɛmɛ.

Zaburu 33:21

An be nisɔndiya ale lo sababu la, bari an jigi be ale lo kan.

Zaburu 34:22

Gwɛlɛya le bena tɛmɛ ni mɔgɔjugu ye, mɔgɔtilennin juguw bena halaki.

Zaburu 62:8

Ne ka kisi ni ne ka kunkɔrɔta be bɔ Ala le fɛ. Ale lo ye ne tangakabakuru ni ne dogoyɔrɔ ye.

Bɔri 20:5

Aw kana aw kunbiri gwan o kɔrɔ, aw kana u bato, bari ne Masaba aw ka Ala, keliya be ne la. Ne be faaw ka tilenbaliyako hakɛ bɔ u deenw na fɔɔ ka ta'a bila ne kɔniyabagaw mamadenw n'u ka tulomasamaw na.

Ezayi 12:2

Ala ye ne kisibaga ye. Ne jigi b'ale lo kan, n te siran tugu. Bari, Masaba le be ne barika boɲa kosɔbɛ. Ale ye ne kisi.»

Ezayi 37:36

O kɔ, Masaba ka mɛlɛkɛ tagara mɔgɔ waa kɛmɛ ni waa bi seegi ni duuru (185 000) faga Asiri kɛlɛdenw ka sigiyɔrɔ la. O dugusagwɛ sɔgɔmadafɛ, mɔgɔw wilila tuma min na, u ma foyi ye suuw kɔ.

Ezayi 50:10

Ni dɔ be siran Masaba ɲa aw cɛma, a ka mɛnni kɛ Masaba ka baarakɛla ka kuma na. Ni dɔ be taamana dibi la ni yeelen t'a fɛ, a k'a jigi la Masaba kan, k'a bolo la a ka Ala kan.

Daniyɛli 2:47

Masacɛ y'a fɔ a ye ko: «Tiɲɛ na, aw ka Ala ka bon ni batofɛnw bɛɛ ye, masaw ka Masa lo. Kodogoninw yirabaga lo. Bari, i y'o koo kodogonin nin yira ne la.»

Daniyɛli 3:25

Masacɛ ko: «Ne ɲaa be mɔgɔ naani na, u si sirinin tɛ, u be taamana tasuma kɔnɔ. Tasuma te foyi kɛra u la. Mɔgɔ naaninan bɔnin be batofɛn dɔ fɛ.»

Daniyɛli 4:34

Sisan, ne Nabukodonozɔri be sankolo Masa fo k'a tanu, k'a boɲa kosɔbɛ. A ka kɛta bɛɛ tilennin lo. A ka koo bɛɛ ye tiɲɛ ye. Minw b'u yɛrɛ boɲa, a be se ka olu dɔgɔya.»

Daniyɛli 6:16

Mɔgɔ nunu segira teliya la ka n'a fɔ masacɛ ye ko: «Masa, ele yɛrɛ b'a lɔn ko ka kɛɲɛ ni mɛdiw ni pɛrɛsiw ka sariya ye, ni masacɛ ye sariya min sigi, o te yɛlɛma ka ye.»

Daniyɛli 6:26

O kɔ, masacɛ Dariyusi ye sɛbɛ ci siyaw bɛɛ ma, maraw bɛɛ kɔnɔ dugukolo faan bɛɛ la ko: «Hɛrɛ ka kɛ aw ye kosɔbɛ!

Matiyu 4:10

Yezu y'a fɔ a ye ko: «Taga ka bɔ yan Sutana, bari a fɔra Ala ka kuma na ko: ‹E ka Matigi i ka Ala bato ka baara kɛ ale kelenpe ye.› »

Kɛwalew 4:19

Nga Piyɛri ni Zan y'u jaabi ko: «Jumɛn ka di Ala ye koo fila nunu na: k'a ka fɔta bato, walima k'aw ka fɔta bato? Aw yɛrɛ k'o jaabi ɲini aw yɛrɛ ma.

Kɛwalew 5:19

Nga Matigi y'a ka mɛlɛkɛ ci sufɛ ka na kasobon daa yɛlɛ ka bɔ ni ciden nunu ye k'a fɔ u ye ko

Rɔmukaw 12:1

N balimaw, ne b'aw daali Ala ka makari kosɔn ko aw k'aw yɛrɛ kɛ saraka ɲanaman ye, min saniyanin lo, n'a ka di Ala ye: o le bena kɛ aw ka batoli ɲanaman ye.

Kor fɔlɔ 13:3

Hali ni ne ye n bololafɛnw bɛɛ di k'o kɛ fantanw ka dumuni ye, hali ni ne sɔnna u ka ne jɛni yɛrɛ, ni kanuya te ne dusu la, o tena foyi ɲa ne ye.

Filipikaw 1:20

Ne jigi be min kan kosɔbɛ, ni n b'a makɔnɔna sɔbɛ sɔbɛ la, ale kama ne tena maloya fɔɔ ne be jagwɛlɛya sɔrɔ le. K'a ta sisan ma ani tuma bɛɛ, ne be nii na wo, ne sara wo, ne b'a fɛ ka boɲa la Krista tɔgɔ kan,

Heburuw 1:14

Mɛlɛkɛ bɛɛ te baara kɛra Ala le ye wa? Mɔgɔ minw bena kisi, a te to k'u ci ka olu dɛmɛ wa?

Heburuw 11:37

U ye dɔw bonbon ni bɛrɛ ye, ka dɔw cɛtigɛ ni kakanan ye, ka dɔw faga ni murujan ye. Dɔw tun be munumunu ni sagagolo, walima bagolo ye u kaan na. U dɛsɛra, u tɔɔrɔla kosɔbɛ.

Piy fɔlɔ 1:21

Ala min ye Krista kunun a sanin kɔ, ka nɔɔrɔ d'a ma, aw lara ale la Krista yɛrɛ sababu la. Aw be la Krista la cogo min na, aw jigi be Ala kan ten.

Yirari 12:11

Nga an badenw sera a kɔrɔ Sagaden ka joli bɔnnin, n'u ka seereya kosɔn, bari u ma ban k'u nii saraka.