Daniyɛli 3:17 - ALA KA KUMA

¹⁷ Ni u y'an fili tasuma kɔnɔ, anw be Ala min bato, ale be se k'an kisi tasuma nin ma, ani k'an bɔsi ele masacɛ bolo.

Jula NT of Côte d’Ivoire

¹⁷ Nka hali ni o ka anw firira tasumaba cɛ ma, anw ta Ala, an bɛ Ala min bato, ale bɛ se ka an kisi tasumaba ma; ale bɛna an kisi fana ka bɔ ele masacɛ boro.

Daniyɛli 3:17 Iomraidhean Croise

Damina 17:1

Abramu saan bi kɔnɔntɔn ni kɔnɔntɔnnan na, Masaba y'a yɛrɛ yira a la k'a fɔ a ye ko: «Ne le ye Setigi Ala ye. I ka taama ne ɲakɔrɔ cogoɲuman na.

Damina 18:14

Ne, Masaba be dɛsɛ koo dɔ la wa? Ne bena kɔsegi ka na i fɛ saan wɛrɛ, nin waati ɲɔgɔn na, k'a sɔrɔ dencɛ be Sara bolo.»

Ayuba 34:29

N'a te foyi kɛ, jɔn be se k'a jalaki? N'a y'a yɛrɛ dogo, jɔn be se k'a ye? A be siyaw kɔlɔsi ani adamadenw,

Ayuba 5:19

A b'i kisi dusukasi ma siɲɛ caaman, o la, tɔɔrɔ tena i sɔrɔ tugu.

Zaburu 115:3

An ka Ala be sankolo la. Min y'a diya, a be o le kɛ.

Zaburu 37:39

Masaba le ye mɔgɔtilenninw kisibaga ye. A kɛra u dogoyɔrɔ ye dusukasi waati la.

Zaburu 37:40

Masaba b'u dɛmɛ k'u bɔsi. A b'u bɔsi mɔgɔjuguw bolo k'u kisi, bari u y'u yɛrɛ kalifa a ma.

Zaburu 73:20

Matigi, ni ele wilila dɔrɔn, u ta be ban pewu. A be kɛ i ko siko, i kununtɔ, u tɛmɛtɔ.

Ezayi 12:2

Ala ye ne kisibaga ye. Ne jigi b'ale lo kan, n te siran tugu. Bari, Masaba le be ne barika boɲa kosɔbɛ. Ale ye ne kisi.»

Ezayi 54:14

I sigicogo bena ɲa. Benkanni yɔrɔ bena jaɲa i la, i tena siran tugu. Jatigɛko yɔrɔ bena jaɲa i la, o tena se i ma tugu.

Yeremi 1:8

I kana siran mɔgɔ si ɲa, bari ne be n'i ye k'i kisi. Ne Masaba le ko ten.»

Yeremi 15:20

Ne bena i kɛ nigɛkogo cibali ye mɔgɔ nunu ɲa. U bena i kɛlɛ, nga u tena se i kɔrɔ. Bari ne be n'i ye, waasa k'i kisi. Ne Masaba le ko ten.

Yeremi 15:21

Ne bena i kisi mɔgɔjuguw ma, ne bena i bɔsi mɔgɔ farimanw bolo.»

Daniyɛli 3:26

O tuma na, Nabukodonozɔri gwɛrɛla dibi tasumaman daa la. A y'a fɔ ko: «Sadiraki, Mesaki, Abɛdenego, Fɛɛn bɛɛ kuntigi Ala ka baarakɛlaw, aw ye bɔ yan!» O tuma na, Sadiraki, ni Mesaki ani Abɛdenego bɔra tasuma kɔnɔ.

Daniyɛli 6:16

Mɔgɔ nunu segira teliya la ka n'a fɔ masacɛ ye ko: «Masa, ele yɛrɛ b'a lɔn ko ka kɛɲɛ ni mɛdiw ni pɛrɛsiw ka sariya ye, ni masacɛ ye sariya min sigi, o te yɛlɛma ka ye.»

Daniyɛli 6:23

Ne ka Ala y'a ka mɛlɛkɛ ci ka na jara nunu daa siri, u ma foyi kɛ ne la, bari a y'a ye ko ne ma kojugu kɛ, ne fana ma foyi cɛn ele masacɛ fɛ.»

Daniyɛli 6:27

Ne ka mara faan bɛɛ la, ne b'a fɔ ko bɛɛ ka boɲa la Daniyɛli ka Ala kan, ani ka siran a ɲa. Bari Ala lo, a be yen kudayi! A ka masaya te nagasi abada. A ka fanga ye waati bɛɛ koo ye.

Mise 7:7

Nga, ne kɔni ɲaa sinnin be Masaba le ma. Ne jigi be Ala le kan, ne kisibaga, a bena mɛnni kɛ ne fɛ.

Luka 1:37

Ala te dɛsɛ foyi la.»

Kɛwalew 20:24

Ne ka bɔnɔ n nii na, o te foyi ye ne ɲana. A daan ye Matigi Yezu ye baara min don ne bolo, ne k'o kɛ ka ban. Fɔɔ ne ka se ka Ala ka nɛɛma kibaru diman nin fɔ mɔgɔw ye le.

Kɛwalew 21:13

Nga a y'an jaabi ko: «Mun na aw be kasira ten, n'aw b'a fɛ ka ne jigi tigɛ? Ka ne siri, o te foyi ye ne fɛ. Ne ka sa yɛrɛ Zeruzalɛmu, Matigi Yezu tɔgɔ kosɔn, ne labɛnnin lo o kama.»

Rɔmukaw 8:31

An be mun fɔ tugu? Ni Ala b'an fɛ, jɔn be wili an kama tugu?

Kor 2nan 1:10

Ale lo y'an kisi o sayajugu nin ma, a bena an kisi tugu. An jigi b'a kan, ko a bena an kisi halibi.

Heburuw 7:25

O kama, mɔgɔ minw be gwɛrɛ Ala la ale sababu la, see b'a ye k'olu kisi bii ani sini, bari a be yen tuma bɛɛ ka Ala dali u ye.

Sam fɔlɔ 17:37

Masaba min ye ne bɔsi jara ni wara bolo, ale kelen le bena ne bɔsi filisicɛ nin bolo.» Sayuli y'a fɔ a ye ko a ka taga, ko Masaba ka to n'a ye.

Sam fɔlɔ 17:46

Bii Masaba bena i di ne ma, n b'i faga k'i kuun tigɛ, ne bena i ka mɔgɔw faga k'u suuw fili kɔnɔw ni kongosogow ye. O la, mɔgɔ bɛɛ ben'a lɔn ko Ala be Isirayɛlidenw fɛ.