Daniyɛli 3:1 - ALA KA KUMA

¹ Masacɛ Nabukodonozɔri ye mɔgɔja dɔ dilan ni sanu ye. Jaa nin jaɲa tun ye mɛtɛrɛ bi saba ye, a boɲa tun ye mɛtɛrɛ saba ye. A tun y'a lɔ Dura kɔkɛnɛ na Babilɔni mara la.

Jula NT of Côte d’Ivoire

¹ Ayiwa, masacɛ Nebukadinɛsari nana batofɛn saninlaman dɔ lalaga. A janya tun ye nɔngɔn ɲa biwɔɔrɔ k’a bonya kɛ nɔngɔn ɲa wɔɔrɔ ye. O ka o batofɛn saninlaman lɔ Dura kɛnɛgbɛba ra, Babilɔni mara ra.

Daniyɛli 3:1 Iomraidhean Croise

Mas fɔlɔ 12:28

Masacɛ ye ladili ɲini ka sɔrɔ ka misiden jaa fila dilan ni sanu ye. O kɔ, a y'a fɔ jama ye ko a mɛnna, u be to ka taga Zeruzalɛmu, k'olu ka Ala le ye nin ye, min y'u bɔ Ezipiti jamana na.

Ɛsitɛri 1:1

Masacɛ Sɛrisɛsi min tun be mara kɛmɛ ni mugan ni wolonwula kunna, k'a ta Ɛndi jamana na fɔɔ ka ta'a bila Etiyopi jamana na, koo nin tun kɛra ale lo ka tile la.

Zaburu 135:15

Siya wɛrɛw ka joow dilannin be ni sanu ye, dɔw dilanna ni warigwɛ ye. Adamaden bulonɔ lo.

Bɔri 20:23

Aw kana joo si dilan aw yɛrɛ ye ni warigwɛ, walima sanu ye ka fara ne kan.

Bɔri 32:31

Musa segira ka taga Masaba fɛ, k'a fɔ ko: «Jama nin ye hakɛba kɛ dɛ! U ye joow dilan ni sanu ye.

Ezayi 2:20

O loon na, adamadenw bena u ka joow fili yɔrɔjan. U ye minw dilan ni warigwɛ ni sanu ye ka to k'u bato.

Ezayi 30:22

O tuma na, aw ka joo minw mɔnna ni warigwɛ ye, n'aw ka jaa minw mɔnna ni sanu ye, aw bena o jati fɛnnɔgɔnin ye. Aw bena u fili i ko fɛɛn nɔgɔnin, k'a fɔ u ma ko: «Aw ye tunu ka bɔ yan.»

Ezayi 46:6

Mɔgɔ dɔw be sanu bɔ bɔɔrɔdenninw kɔnɔ. U be warigwɛ suma, ka sanufagala sara ko a k'o kɛ joo ye. U be biri a ɲafɛ k'a bato.

Yeremi 10:9

U be bɔ ni warigwɛ pɛnpɛrɛninw ye Tarisisi, ka bɔ ni sanu ye Ufazi. Nigɛbaarakɛla b'o baara, numu b'o lalaga, a b'o masiri ni jese bulalaman, ani jesewulen ye. O bɛɛ ye baaralɔnbaga bulonɔ ye.

Yeremi 16:20

Mɔgɔ te se ka batofɛn dilan a yɛrɛ ye. A be min dilan, batofɛn halala tɛ.»

Daniyɛli 2:48

O kɔ, masacɛ ye Daniyɛli kɛ mɔgɔbaba ye, ka fɛɛn barikaman caaman d'a ma, k'a sigi Babilɔni mara bɛɛ kunna, ani k'a kɛ Babilɔni lɔnnikɛlaw bɛɛ ɲamɔgɔba ye.

Daniyɛli 2:49

Daniyɛli y'a ɲini masacɛ fɛ ko a ka Babilɔni mara ka koow ɲamɔgɔya kalifa Sadiraki ni Mesaki ani Abɛdenego ma. Masacɛ sɔnna. Daniyɛli yɛrɛ tora masacɛ ka luu kɔnɔ.

Daniyɛli 3:14

Nabukodonozɔri y'u ɲininga ko: «Sadiraki, Mesaki, Abɛdenego, tiɲɛ na, aw y'a latigɛ ko aw te ne ka batofɛnw bato wa? Ani ka ban ka jaa sanulaman nin bato ne ye min dilan k'a lɔ?

Daniyɛli 3:30

O kɔ, masacɛ ye lɔyɔrɔ di Sadiraki, ni Mesaki ani Abɛdenego ma ka tɛmɛ fɔlɔta kan Babilɔni mara kɔnɔ.

Daniyɛli 5:23

I wilila Matigi le kama, Sankolotigi. I k'u ka na n'a ka soo kɔnɔ minanw ye. Aw ye duvɛn min n'u ye, ele n'i ka mɔgɔbabaw, n'i ka musow n'i ka gɛrɛfɛmusow, ka dɔnkili la ka batofɛn warigwɛlamanw tanu, ni sanulamanw, ni ziralamanw, ni nigɛlamanw, ni lɔgɔlamanw, ani kabakurulamanw. Minw te yeli kɛ, u te mɛnni kɛ, u te foyi lɔn. I nii be Ala min bolo n'i ka koow bɛɛ, i ma sɔn k'ale boɲa.

Daniyɛli 5:4

U ye duvɛn min ka ban tuma min na, u ye dɔnkili daminɛ ka batofɛn sanulamanw, ni warigwɛlamanw, ni ziralamanw, ni nigɛlamanw, ni lɔgɔlamanw ani kabakurulamanw tanu.

Oze ta kitabu 2:8

O kama, ne ben'a ka sira datugu ni ŋɔni ye, ne bena kogo kɛ k'a lamini, a tena sira sɔrɔ ka bɔ.

Oze ta kitabu 8:4

U ye masaw sigi k'a sɔrɔ u ma ne ɲininga, u ye ɲamɔgɔw sigi n ɲinɛ ma. U y'u ka warigwɛw n'u ka sanuw ta k'o lalaga joow ye. O be na n'u ka halakili ye.

Habakuki 2:19

Mɔgɔ min b'a fɔ lɔgɔkuru ye: ‹Wili!› walima k'a fɔ kabakuru ye: ‹Kunun!› bɔnɛ ye o tigi ta ye! Yala a bena fɛɛn dɔ ye k'a fɔ wa? Hali n'a mɔnin be ni sanu ye, ani warigwɛ, a te ninakili do.

Kɛwalew 17:29

Ayiwa, an kɛra Ala deenw ye minkɛ, an man kan k'a miiri ko Ala bɔnin be joo sanulaman fɛ, walima warigwɛlaman, walima kabakuruɲuman lɛsɛnin fɛ! O fɛɛn nunu bɛɛ ye an adamadenw ka miiriya, n'an bulonɔ ye!

Kɛwalew 19:26

Nga Pɔli tɔgɔla nin be min fɔra, ani a be min kɛra, aw b'o mɛnna, aw b'o yera fana. A ko adamadenw be fɛɛn minw lalaga n'u bolo ye, k'olu te batofɛn ɲanamanw ye. A jijara fɔɔ ka mɔgɔ caaman kuun yɛlɛma n'o ye. Efɛzi kɔnɔ yan dɔrɔn tɛ! Nga a be ɲini ka Azi mara bɛɛ sɔrɔ!

Sariya 7:25

Aw ka kan k'u ka joow jɛni. Warigwɛ ni sanu min b'u ka joo nunu kan, aw kana aw ɲaa bɔ o fɛ, k'o ta ka kɛ aw ta ye. N'o tɛ, o bena kɛ jaan ye aw fɛ, bari o fɛɛn nunu koo ka go Masaba aw ka Ala ye.

Yirari 9:20

Mɔgɔ minw tora n'u ma sɔrɔ ka sa balawu nin na, sanni u ka nimisa k'u ka kɛwalijuguw dabila, u tora ka jinaw bato, ka joow sɔn. O joow tun ye sanu ye, dɔw warigwɛ, dɔw zira, dɔw kabakuru, dɔw lɔgɔkuru, k'a sɔrɔ o batofɛn nunu te yeli kɛ, u te mɛnni kɛ, u te se ka taama.