Daniyɛli 2:9 - ALA KA KUMA

⁹ n'aw ma siko nin ɲafɔ n ye, koo kelen le bena aw bɛɛ sɔrɔ. Aw ye ɲɔgɔn ye waasa ka galon tigɛ ka ne namara sanni yɛlɛmani ka don koow la. Ayiwa, aw ka siko nin ɲafɔ ne ye. Ne ben'a lɔn ko aw be se k'a kɔrɔ fɔ ne ye.»

Jula NT of Côte d’Ivoire

⁹ Ayiwa, ni aw ma siko fɔ ne ye, min fɔra, o le bɛna kɛ aw bɛɛ ra. Aw b’a fɛ ka bɛn a ra ka na faninyakumaw ni nanbarakuma dɔw le fɔ ne ye, janko sani wagati dɔ cɛ, ne ye ne ta miiriya yɛlɛma. Aw ye siko fɔ ne ye; ni o kɛra, ne bɛna a lɔn ko can ra, aw bɛ se k’a kɔrɔ fana fɔ ne ye.»

Daniyɛli 2:9 Iomraidhean Croise

Mas fɔlɔ 22:22

A ko: ‹Ne bena bɔ ka ne yɛrɛ kɛ nii galontigɛla ye ka don a ka kiraw bɛɛ daa la.› Masaba y'a fɔ k'o nii nin bena se k'a nigɛnigɛ k'a sɔrɔ. Ko a ka ta'a kɛ ten.

Mas fɔlɔ 22:6

Isirayɛli mara masacɛ ye kiraw lajɛn minw tun be mɔgɔ kɛmɛ naani ɲɔgɔn bɔ, k'u ɲininga ko: «N ka taga Aramɔti kɛlɛ, min be Galaadi mara la wa, walima n kana taga?» Olu y'a jaabi ko a ka taga, ko Masaba bena dugu nin don masacɛ bolo.

Ɛsitɛri 4:11

«Masacɛ ka baaradenw n'a ka mara mɔgɔw bɛɛ b'a lɔn ko sariya dɔ be yen min b'a yira ko cɛɛ fara muso kan, ni mɔgɔ min donna masacɛ ka luu ɲafɛla la ni masacɛ m'a tigi wele, u b'o tigi faga, fɔɔ n'a y'a ka bere sanulaman wili ka sin min ma, o tigi le be kisi. A tile bi saba do ye nin ye, masacɛ ma ne wele ka ta'a fɛ.»

Zanaw 12:19

Tiɲɛfɔla ka kuma be to kudayi. Nga galontigɛla ta ye ɲatugu ni ɲayɛlɛ ta ye.

Ezayi 41:23

Koo minw be nana, aw ka olu fɔ an ye, o la, an ben'a lɔn ko aw ye batofɛnw ye sɔbɛ la. Ɔnhɔn, aw ka koɲuman dɔ kɛ, walima kojugu, janko an bɛɛ k'o filɛ ka kabakoya.

Ezayi 44:25

Ne be kira galontigɛlaw ka fɔtaw ɲagami ka lagwɛlikɛlaw kɛ nalomanw ye. Ne be lɔnnikɛlaw wajibiya ka segi kɔfɛ, k'a yira k'u ka lɔnniya ye nalomanya ye.

Ezekiyɛli 13:17

«Adamaden, Isirayɛli muso minw be kiraya kɛ k'u yɛrɛ ka miiriya fɔ, i k'i ɲaa sin olu ma ka kiraya kɛ u kama

Ezekiyɛli 13:19

Aw ye ne tɔgɔ cɛn ne ka mɔgɔw cɛma bolo ɲaa damani suman ni buru kunkurun damani kosɔn. Mɔgɔ minw man kan ka faga, aw be olu faga, minw ka kan ka sa, aw be olu to yen, ka ne ka mɔgɔw nigɛ, minw be galon lamɛn.›

Ezekiyɛli 13:6

U ka yelifɛnw ye fɛnkolonw ye, u ka kirayakuma ye galon ye. U b'a fɔ ko: Masaba kumana, k'a sɔrɔ Masaba ma u ci. O bɛɛ n'a ta, u be miiri ko u be min fɔ, k'o bena kɛ.

Daniyɛli 2:16

O la, Daniyɛli tagara masacɛ daali ko a ka muɲu ale bena siko nin kɔrɔ fɔ a ye.

Daniyɛli 2:21

Ale lo be koow n'u waatiw yɛlɛmayɛlɛma. Ale lo be masaw sigi masaya la, ale lo b'u bɔ a la fana. Ale lo be lɔnniya di lɔnnikɛlaw ma, ka faamuli di hakilitigiw ma.

Daniyɛli 2:8

Masacɛ y'a fɔ u ye ko: «Ne y'a ye tiɲɛ na ko aw b'a fɛ ka cogo le ɲini waasa ka n jaabi. Bari aw y'a ye ko ne y'a latigɛ sɔbɛ la ko

Daniyɛli 3:15

Ayiwa, aw k'aw yɛrɛ labɛn ni buru kaan bɔra, ni filejan, ni gɔni ani kolonjo, ni soku, ni filesurun ani fɔliminan sifa bɛɛ kaan bɔra tuma min na, aw ka biri ka n ka jaa bato ne ye min dilan. N'aw m'a bato, o yɔrɔnin bɛɛ, aw bena fili dibi tasumaman kɔnɔ! Batofɛn jumɛn le bena aw bɔsi ne bolo?»

Daniyɛli 5:28

Parisin kɔrɔ ko: tilan. O kɔrɔ ko i ka mara tilanna ka di mɛdiw ni pɛrɛsiw ma.»

Daniyɛli 7:25

Ale bena Fɛɛn bɛɛ kuntigi tɔgɔ cɛn k'a ka jama tɔɔrɔ. A ben'a ŋaniya ka waati jaticogo ni sariya yɛlɛma. Ala ka jama bena to a ka fanga kɔrɔ fɔɔ saan saba ni tilan.

Kor 2nan 2:17

Mɔgɔ caaman be Ala ka kuma kɛ jagokun ye. An te i n'a fɔ olu. Ala le y'an ci, o la, an be kuma a ɲakɔrɔ ni kɔnɔgwɛ ye Krista barika la.