Daniyɛli 2:49 - ALA KA KUMA

⁴⁹ Daniyɛli y'a ɲini masacɛ fɛ ko a ka Babilɔni mara ka koow ɲamɔgɔya kalifa Sadiraki ni Mesaki ani Abɛdenego ma. Masacɛ sɔnna. Daniyɛli yɛrɛ tora masacɛ ka luu kɔnɔ.

Jula NT of Côte d’Ivoire

⁴⁹ Nka Daniyɛli ka masacɛ daari ko a ye Babilɔni mara kuntigiya di Sadaraki ni Mesaki ni Abɛdi Nego ma. Ale yɛrɛ tora masacɛ ta masaso lu kɔnɔ.

Daniyɛli 2:49 Iomraidhean Croise

Ɛsitɛri 2:19

U tun be sunguruw lajɛnn'a siɲɛ filanan na tuma min na, o y'a sɔrɔ Maridose tun be masacɛ ka baara la.

Ɛsitɛri 2:21

Maridose tun be baara la masacɛ ka luu kɔnɔ tuma min na, masacɛ ka luu daa kɔlɔsibaga Bigitan ni Tɛrɛsi dimina kosɔbɛ k'a latigɛ k'u bena masacɛ Sɛrisɛsi faga.

Ɛsitɛri 3:2

Mɔgɔ minw bɛɛ tun be baara kɛ masacɛ ka luu kɔnɔ, olu bɛɛ tun be to k'u kunbiri gwan Aman ɲakɔrɔ k'a boɲa, bari masacɛ le tun y'o latigɛ, nga Maridose tun te sɔn k'o kɛ.

Zanaw 28:12

Ni mɔgɔtilennin ye see sɔrɔ, o boɲa be se bɛɛ ma. Ni mɔgɔjugu ye fanga ta, bɛɛ b'a yɛrɛ ɲini.

Yeremi 39:3

Babilɔni masacɛ ka kɛlɛkuntigiw bɛɛ donna ka taga sigi dugu kɔnɔ forobayɔrɔ la. Nɛrigali Sarɛsɛri ka bɔ Samugari tun be yen, ni kuntigiba dɔ min tɔgɔ ko Nebo Saasekimu, ani Nɛrigali Sarɛsɛri, ale ye kɛlɛkuntigi dɔ ye fana. Masacɛ ka kɛlɛkuntigi tɔ nunu bɛɛ tun be yen.

Daniyɛli 1:17

Ala ye sɛbɛ sifa bɛɛ lɔnniya di kanbelen mɔgɔ naani nunu ma, ni faamuli ani hakilitigiya. Daniyɛli tun be yelifɛn, ni siko bɛɛ kɔrɔ lɔn.

Daniyɛli 1:7

Baaradenw ɲamɔgɔ ye tɔgɔkura la u kan. A ye Daniyɛli wele ko Bɛlitasari, ka Ananiya wele ko Sadiraki, ka Mikayɛli wele ko Mesaki, ka Azariya wele ko Abɛdenego.

Daniyɛli 2:17

O kɔ, Daniyɛli bɔra ka taga soo, a ye koo nin ɲafɔ a tɔɲɔgɔn Ananiya ni Mikayɛli ani Azariya ye,

Daniyɛli 3:1

Masacɛ Nabukodonozɔri ye mɔgɔja dɔ dilan ni sanu ye. Jaa nin jaɲa tun ye mɛtɛrɛ bi saba ye, a boɲa tun ye mɛtɛrɛ saba ye. A tun y'a lɔ Dura kɔkɛnɛ na Babilɔni mara la.

Daniyɛli 6:2

Dariyusi y'a ye ko a ka ɲi a be marakuntigiw sigi jamana kɔnɔ yɔrɔ bɛɛ la, o la, a ye mɔgɔ kɛmɛ ni mugan sigi,

Amɔsi 5:15

Aw kana kojugu koo diya aw yɛrɛ ye, nga, aw ka koɲuman le kanu. Tilenninya ka sɔrɔ aw ka kitikow la. N'a sɔrɔ Masaba, Setigi Ala bena makari Yusufu kɔmɔgɔw tɔɔ la.