Daniyɛli 2:48 - ALA KA KUMA

⁴⁸ O kɔ, masacɛ ye Daniyɛli kɛ mɔgɔbaba ye, ka fɛɛn barikaman caaman d'a ma, k'a sigi Babilɔni mara bɛɛ kunna, ani k'a kɛ Babilɔni lɔnnikɛlaw bɛɛ ɲamɔgɔba ye.

Jula NT of Côte d’Ivoire

⁴⁸ O kɔ, masacɛ ka Daniyɛli bonya kosɛbɛ, ka fɛnɲanaman caman di a ma. A ka Daniyɛli sigi Babilɔni* mara bɛɛ kunna, k’a kɛ lɔnnikɛbagaw bɛɛ ta ɲamɔgɔba ye.

Daniyɛli 2:48 Iomraidhean Croise

Sam 2nan 19:32

Galaadika Barizilayi bɔra Orogɛlimu, ka na Zurudɛn baji tigɛ ni masacɛ ye, janko a k'a bila sira Zurudɛn baji kɔfɛ.

Mas 2nan 5:1

Naaman tun ye Siri masacɛ ka kɛlɛdenw kuntigi ye. A koo tun ka di a matigi ye kosɔbɛ, a tun b'a jati fana, bari Masaba tun ye see di Sirikaw ma ale lo barika la. Nga cɛɛ nin n'a ka kɛlɛden fariya bɛɛ, farisogobana tun b'a la.

Ayuba 1:3

Saga waa wolonwula (7 000) tun b'a fɛ, ni ɲɔgɔmɛ waa saba (3 000), ni sɛnɛkɛmisi waa kelen (1 000), ni fali kɛmɛ duuru. A ka baaradenw tun ka ca kosɔbɛ. Mɔgɔba tun lo ka tɛmɛ kɔrɔn fɛ mɔgɔw bɛɛ kan.

Yeremi 5:5

O la, n bena taga mɔgɔbabaw fɛ, ka kuma ni olu ye. Olu kɔni be Masaba ka sira lɔn, u ka Ala be min fɛ, u b'o lɔn.» Nga olu fana tun murutinin lo. U ma sɔn ka kolo Ala ye.

Daniyɛli 2:6

Nga n'aw ye siko nin, n'a kɔrɔ fɔ, ne bena aw sɔn fɛɛn caaman na, ani ka lɔyɔrɔbabaw d'aw ma. Ayiwa, aw ye ne ka siko n'a kɔrɔ fɔ n ye.»

Daniyɛli 3:1

Masacɛ Nabukodonozɔri ye mɔgɔja dɔ dilan ni sanu ye. Jaa nin jaɲa tun ye mɛtɛrɛ bi saba ye, a boɲa tun ye mɛtɛrɛ saba ye. A tun y'a lɔ Dura kɔkɛnɛ na Babilɔni mara la.

Daniyɛli 3:12

Ayiwa, Zuwifu dɔw be yan, Sadiraki, ni Mesaki ani Abɛdenego, i ye Babilɔni mara ka koow ɲamɔgɔya kalifa minw ma, u ma sɔn i darakan na. Batofɛn minw b'i fɛ, u te olu batora, i ye jaa sanulaman min dilan, u ma sɔn k'o bato.»

Daniyɛli 3:30

O kɔ, masacɛ ye lɔyɔrɔ di Sadiraki, ni Mesaki ani Abɛdenego ma ka tɛmɛ fɔlɔta kan Babilɔni mara kɔnɔ.

Daniyɛli 4:6

‹Bɛlitasari, ne ka jotigiw ɲamɔgɔ, ne y'a lɔn ko batofɛnsɔbɛw ka nii b'i la. O kodogonin si te yen min be tɛmɛ i ka lɔnniya kan. Ne ye fɛɛn minw ye n ka siko la, o kɔrɔ fɔ n ye.

Daniyɛli 4:9

A furaburu tun ka ɲi, a deen ka ca fana. Bɛɛ ka dumuni tun be bɔ a la. Kongosogow tun be l'a kɔrɔ. Kɔnɔw tun be l'a kan. Danfɛnw bɛɛ ka balo tun be bɔ ale la.

Daniyɛli 5:11

Cɛɛ dɔ b'i ka mara kɔnɔ, batofɛnsɔbɛw ka nii b'a la. I faa ka tile la, ale lo tun be yeli kɛ, hakilitigi ni lɔnnikɛla lo i n'a fɔ batofɛn. O kama masacɛ, i faa Nabukodonozɔri y'a kɛ a ka jotigiw, ni lagwɛlikɛlaw, ni sankolo kan taamasiɲɛlɔnbagaw ani kirisitigiw ɲamɔgɔ ye.

Daniyɛli 5:16

Ayiwa, ne y'a mɛn ko i be se ka sikow kɔrɔ fɔ, ani ka koo gwɛlɛmanw ɲanabɔ. Sisan, n'i ye sɛbɛ nin kalan k'a kɔrɔ fɔ n ye, delekeba wuleman, ni kannakɔnɔ sanulaman bena don i kaan na, i fana be kɛ mɔgɔ sabanan ye fanga nin kɔnɔ.»

Daniyɛli 5:29

O yɔrɔnin bɛɛ, Balitazari ko u ka deleke wuleman ɲanaman ni kannakɔnɔ sanulaman don Daniyɛli kaan na, ani k'a wango la ko a bena kɛ mɔgɔ sabanan ye ale ka fanga kɔnɔ.

Daniyɛli 5:7

A kulera kosɔbɛ, ka lagwɛlikɛlaw, ni sankolo kan taamasiɲɛlɔnbagaw, ni kirisitigiw wele. A ye kuma ta k'a fɔ Babilɔni lɔnnikɛla nunu ye ko: «Ni mɔgɔ o mɔgɔ sera ka sɛbɛ nin kalan ani k'a kɔrɔ fɔ n ye, delekeba wuleman ɲanaman bena don o tigi kaan na, ni kannakɔnɔ sanulaman. A tigi bena kɛ mɔgɔ sabanan ye ne ka fanga kɔnɔ.»

Daniyɛli 8:27

O ye ne Daniyɛli barika ban, fɔɔ ka ne bana tile fila. Ne wilinin kɔ, ne tora ka baara kɛ masacɛ ye. Siranya tun be ne la kosɔbɛ yelifɛn nin kama, ne tun te foyi faamuyara.

Jateri 24:11

Wili ka taga i ka soo sisan! Ne tun ko n bena i boɲa fɔɔ ka ɲa, nga Masaba y'i bali k'o boɲa sɔrɔ.»

Sam fɔlɔ 17:25

U tun b'a fɔra ɲɔgɔn ye ko: «Aw ye cɛɛ nin ye min bɔra ka lɔ kɛ? A be bɔ ka Isirayɛlidenw darabɔ le. Ni mɔgɔ dɔ sera k'a faga, masacɛ bena o tigi kɛ fɛntigi ye. A ben'a denmuso d'a ma. Ani o tigi ka mɔgɔw bena lafiya Isirayɛlidenw cɛma.»

Sam fɔlɔ 2:8

Ale lo be dɛsɛbagatɔ wili ka bɔ duguma, a be fantan sama ka bɔ ɲamaɲama la, ka sigiyɔrɔ d'u ma mɔgɔbabaw cɛma, ka masasigilan nɔɔrɔman kɛ u niyɔrɔ ye. Dugukolo ye Masaba ta ye, ale lo y'a juu sigi a ka tutunanw kan.

Sam fɔlɔ 25:2

Cɛɛ dɔ tun be Maŋɔn dugu kɔnɔ, baara dɔ tun b'a fɛ Karimɛli, nafolo tun b'a fɛ kosɔbɛ, saga waa saba ni baa waa kelen tun b'a fɛ. A tun tagara Karimɛli janko a k'a ka sagaw sii tigɛ.