Daniyɛli 2:45 - ALA KA KUMA

⁴⁵ O la, i ye kabakuru ye min bɔra kulu kan mɔgɔ bolo ma maga min na, ka na nigɛ, ni zira, ni bɔgɔ, ni warigwɛ ani sanu mugumugu. Ala, min ka bon, a ye koo nata yira ele masacɛ la. Siko nin ye tiɲɛ ye. Mɔgɔ ka kan ka la a kɔrɔ la.»

Jula NT of Côte d’Ivoire

⁴⁵ I ka kabakuru min ye, min wɔrɔra a yɛrɛ ma ka bɔ kuru ra, k’a sɔrɔ mɔgɔ boro ma maga a ra, ka na nɛgɛ ni siranɛgɛ ni bɔgɔ ni warigbɛ ni sanin ci, o kabakuru bɛ o masayakura tagamasiyɛn le ye. «Ayiwa, Alaba le ka o fɛn nataw yira masacɛ ra. I ta siko ye can le ye, a kɔrɔ fɔra cogo min na, a bɛna kɛ ten le fana, sigiya t’a ra.»

Daniyɛli 2:45 Iomraidhean Croise

Damina 41:26

Misi wolonwula minw ka ɲi, olu ye saan wolonwula ye. Suman kuun wolonwula minw ka ɲi, olu fana ye saan wolonwula ye, siko kelen lo.

Damina 41:28

I n'a fɔ ne y'a fɔ ka ban e, masacɛ ye cogo min na, Ala b'a fɛ ka koo min kɛ, a ye o le yira i la.

Damina 41:32

Ni masacɛ y'a ye ko a ye siko nin kɛ siɲɛ fila, o kɔrɔ ko Ala ye o koo nin latigɛ ka ban, a tena mɛn k'o kɛ.

Sam 2nan 7:22

«Matigi, Masaba, i ka bon, i ɲɔgɔn te yen! Ka kɛɲɛ n'an ka mɛnta ye, Ala wɛrɛ te yen ni ele tɛ.

Lok fɔlɔ 16:25

Bari Masaba ka bon, a ka kan ka tanu kosɔbɛ, siranyafɛn lo ka tɛmɛ batofɛnw bɛɛ kan.

Nehemi 4:14

N'aw ye buru kaan mɛn k'aw to yɔrɔ o yɔrɔ, aw ye na ɲɔgɔn lajɛn an gɛrɛfɛ buru fiyɛyɔrɔ la. An ka Ala bena an dɛmɛ ka kɛlɛ kɛ!»

Nehemi 9:32

«O la sisan, an ka Ala, e min ka bon, see fana b'i ye ani mɔgɔ ka kan ka siran i ɲa, e min be to i ka layidu kan kantigiya la, an n'an ka masacɛw, n'an kuntigiw, n'an ka sarakalasebagaw, n'an ka kiraw, n'an faaw, n'i ka jama bɛɛ ye tɔɔrɔ minw sɔrɔ Asirikaw ka masacɛw ka tile la fɔɔ ka na se bii ma, i kana u filɛ kofitini ye.

Ayuba 36:26

Ala ka bon, an te se k'a ka boɲa daan lɔn, an te se k'a sanda lɔn.

Zaburu 135:5

Tiɲɛ na, ne y'a lɔn ko Masaba ka bon, ko an ka Matigi tɛmɛna batofɛn tɔw bɛɛ kan.

Zaburu 145:3

Masaba ka bon, a ka kan ni tanuli ye kosɔbɛ. Daan t'a ka boɲa na.

Zaburu 2:9

I bena nigɛbere kɛ k'u halaki. Dagadilanbaga ka daga be ci ka mugumugu cogo min na, i bena u kɛ ten.»

Zaburu 48:1

Kore kɔmɔgɔw ka dɔnkili dɔ.

Zaburu 96:4

Bari Masaba ka bon, a ka kan ni tanuli ye kosɔbɛ. Siranyafɛn lo ka tɛmɛ batofɛn tɔw bɛɛ kan.

Ezayi 28:16

O kama, Matigi, Masaba ko: «A filɛ, ne be kabakuru barikaman bila *Siyɔn, boon nɔnkɔn ta. Ni mɔgɔ min tintinn'a kan, o tigi jigi te tigɛ.

Daniyɛli 2:24

O kɔ, masacɛ tun y'a fɔ Ariyɔki min ye ko a ka Babilɔni lɔnnikɛlaw faga, Daniyɛli tagara ale fɛ k'a fɔ a ye ko: «I kana Babilɔni lɔnnikɛlaw faga. A to an be don masacɛ fɛ, ne bena siko nin kɔrɔ fɔ a ye.»

Daniyɛli 2:28

Nga, Ala min be sankolo la, n'a be kodogoninw yira, a ye koo nata yira masacɛ Nabukodonozɔri la. I ka siko, n'i ye fɛɛn minw ye k'i to i ka dilan kan, o filɛ nin ye:

Daniyɛli 2:29

Masacɛ, k'i to i ka dilan kan, i ka miiriya sera fɛɛn min ma, o ye koo nata le ye. Koo min bena kɛ, kodogoninw yirabaga y'o le yira i la.

Daniyɛli 2:44

«Ayiwa, o masa nunu ka tile la, Sankolotigi Ala ben'a kɛ masacɛ wɛrɛ be wili min ka masaya tena nagasi abada, a ka masaya tena bɔ a bolo ka di siya wɛrɛ ma. Ale bena masa tɔ nunu bɛɛ ka koo nagasi ka ban pewu. Ale bena to a ka masaya la tuma bɛɛ.

Daniyɛli 8:25

A ka cekuya kama, a bena se janfa la kosɔbɛ. A ben'a yɛrɛ boɲa ka mɔgɔ caaman halaki minw tun be ɲasuma na. A bena wili masaw ka Masa kama. Nga a bena halaki ni mɔgɔ bolo ma se a ma.

Hagize 2:22

Ne bena masaw ka masayaw ɲagami, ka siyaw ka fanga cɛn. Ne bena kɛlɛkɛwotorow n'u bolibagaw la duguma, soow n'u bolibagaw bena ben u badenw ka murujanjanw fɛ.»

Jakariya 12:3

O loon na, ne bena Zeruzalɛmu bila siyaw bɛɛ ɲafɛ i n'a fɔ kabakuruba, min te se ka kɔrɔta. Ni min ko a b'a kɔrɔta, o tigi b'a yɛrɛ mandimi. O la, siyaw bɛɛ bena jɛn ale kelen kama.

Malaki 1:11

Bari, k'a ta kɔrɔn fɛ, ka ta'a bila tileben fɛ, ne tɔgɔ ka bon siyaw cɛma. Yɔrɔ bɛɛ la, wusulan be jɛni ne ye ani sarakafɛn saniyanin, bari ne tɔgɔ ka bon siyaw cɛma. Ne Masaba, Setigi le ko ten.

Matiyu 21:24

Yezu y'u jaabi ko: «Ne fana bena aw ɲininga koo kelen dɔrɔn na. N'aw ye ne jaabi, o tuma na, min ye sira di ne ma ka koo nunu kɛ, ne bena o fɔ aw ye.

Matiyu 24:35

Sankolo ni dugukolo bena tɛmɛ, nga ne ka kuma tena tɛmɛ.

Luka 17:20

*Fariziɲɛw ye Yezu ɲininga ko Ala ka masaya bena na tuma jumɛn. A y'u jaabi ko: «O tena kɛ i n'a fɔ mɔgɔw ta be ye cogo min na.

Sariya 10:17

bari batofɛn bɛɛ ka Ala lo, matigiw ka Matigi lo, a ka bon, see b'a ye, siranyafɛn lo. A te mɔgɔ woloma, boɲafɛn t'a ɲagami.

Yirari 1:19

Ayiwa, i ye min ye ka tɛmɛ, o sɛbɛn. Min be kɛra sisan, ani min bena na kɔfɛ, o fana sɛbɛn.

Yirari 19:17

O tuma na, ne ye mɛlɛkɛ dɔ lɔnin ye tile kan. A y'a kaan kɔrɔta k'a fɔ dugaw ye ko: «Aw ye ɲɔgɔn lajɛn ka na Ala ka dumuniba la.

Yirari 4:1

O kɔ, ne ye daa dɔ yɛlɛnin ye sankolo la: Ne tun ye kumakan min mɛn fɔlɔ la i n'a fɔ buru fiyɛkan, o kumakan nin ko ne ma: «Yɛlɛ ka na yan, n bena koo nataw yira i la.»