Daniyɛli 2:44 - ALA KA KUMA

⁴⁴ «Ayiwa, o masa nunu ka tile la, Sankolotigi Ala ben'a kɛ masacɛ wɛrɛ be wili min ka masaya tena nagasi abada, a ka masaya tena bɔ a bolo ka di siya wɛrɛ ma. Ale bena masa tɔ nunu bɛɛ ka koo nagasi ka ban pewu. Ale bena to a ka masaya la tuma bɛɛ.

Jula NT of Côte d’Ivoire

⁴⁴ «Nka o masayaw wagati ra, sankolo tigi Ala bɛna masaya wɛrɛ sigi. O masaya tɛna ban ka ye, siya wɛrɛ si tɛna se ka fanga bɔsi o masacɛ ra fana. A bɛna masaya tɔw bɛɛ ci ka bɔ yi; a yɛrɛ bɛna sigi a ta fanga ra wagati bɛɛ.

Daniyɛli 2:44 Iomraidhean Croise

Damina 49:10

Masaya tena bɔ Zuda ka somɔgɔw bolo, masabere tena bɔ u bolo, fɔɔ ni a tigi yɛrɛ yɛrɛ nana, siyaw ka kan ka sɔn ale min ta ma.

Sam 2nan 7:13

Ko ale lo bena soo lɔ ne ye, ani ne ben'a ka masaya sabati kudayi.

Sam 2nan 7:16

Kɔmɔgɔw bena sɔrɔ e fɛ tuma bɛɛ, ani masaya bena to e bolo, a bena sabati tuma bɛɛ.»

Zaburu 145:13

E ka masaya ye waati bɛɛ ta ye. E ka kuntigiya bena kɛ waati nata mɔgɔw bɛɛ kan.

Ezayi 60:12

«Ni siya min, walima jamana min banna ka baara kɛ i ye, ale be halaki, a bena cɛn pewu.

Ezekiyɛli 37:25

Ne ye jamana min di ne ka baarakɛla Yakuba ma, n'aw bɛmaw siginin tun be o kɔnɔ, u bena sigi yen. U n'u deenw n'u mamadenw bena sigi yen kudayi. Ne ka baarakɛla Dawuda le bena kɛ u ka ɲamɔgɔ ye kudayi.

Daniyɛli 2:28

Nga, Ala min be sankolo la, n'a be kodogoninw yira, a ye koo nata yira masacɛ Nabukodonozɔri la. I ka siko, n'i ye fɛɛn minw ye k'i to i ka dilan kan, o filɛ nin ye:

Daniyɛli 2:34

K'i to a filɛli la, kabakuru dɔ bɔra kulu kan ka n'a sentigɛw gosi, min ye nigɛ ni bɔgɔ ye, k'a bɛɛ mugumugu! Mɔgɔ si tun ma maga kabakuru nin la.

Daniyɛli 2:35

O la, a yɔrɔ min ye nigɛ ye wo, bɔgɔ wo, zira wo, warigwɛ wo, sanu wo, a bɛɛ mugumugura ɲɔgɔn fɛ, ka kɛ i n'a fɔ sumanɲaga. Fɔɲɔ y'a bɛɛ ta ka taga, hali a nɔɔ ma ye. Nga kabakuru min tun ye jaa nin gosi, ale boɲana ka kɛ kuluba ye ka dugukolo bɛɛ fa.

Daniyɛli 2:37

Ele, masacɛ! Masaw ka masa! Sankolotigi Ala ye masaya d'i ma, ka setigiya ni fanga ani tɔgɔba d'i ma.

Daniyɛli 2:43

I ye nigɛ ni bɔgɔjɛninin ɲagaminin ye ɲɔgɔn na cogo min na, o cogo kelen la, masaw bena jɛn furu barika la. Nga o jɛɛn nin tena fanga sɔrɔ, bari nigɛ ni bɔgɔ te ɲɔgɔn minɛ.

Daniyɛli 4:3

Ne ye cii bila ka Babilɔni lɔnnikɛlaw bɛɛ wele waasa ka siko nin kɔrɔ fɔ n ye.

Daniyɛli 4:34

Sisan, ne Nabukodonozɔri be sankolo Masa fo k'a tanu, k'a boɲa kosɔbɛ. A ka kɛta bɛɛ tilennin lo. A ka koo bɛɛ ye tiɲɛ ye. Minw b'u yɛrɛ boɲa, a be se ka olu dɔgɔya.»

Daniyɛli 6:26

O kɔ, masacɛ Dariyusi ye sɛbɛ ci siyaw bɛɛ ma, maraw bɛɛ kɔnɔ dugukolo faan bɛɛ la ko: «Hɛrɛ ka kɛ aw ye kosɔbɛ!

Daniyɛli 6:27

Ne ka mara faan bɛɛ la, ne b'a fɔ ko bɛɛ ka boɲa la Daniyɛli ka Ala kan, ani ka siran a ɲa. Bari Ala lo, a be yen kudayi! A ka masaya te nagasi abada. A ka fanga ye waati bɛɛ koo ye.

Daniyɛli 7:27

Mara minw bɛɛ be dugukolo kan, olu ka masaya, n'u ka fanga, n'u ka boɲa bena di Fɛɛn bɛɛ kuntigi ka jama ma. O jama nin ka masaya bena kɛ waati bɛɛ koo ye. Faamaw bɛɛ bena baara kɛ o ye, ani ka mɛnni kɛ o fɛ.›

Daniyɛli 8:25

A ka cekuya kama, a bena se janfa la kosɔbɛ. A ben'a yɛrɛ boɲa ka mɔgɔ caaman halaki minw tun be ɲasuma na. A bena wili masaw ka Masa kama. Nga a bena halaki ni mɔgɔ bolo ma se a ma.

Mise 4:7

Tɔɔ bena sɔrɔ senkelenninw na. Minw tun gwɛnna ka taga fɔɔ yɔrɔjan, n bena olu kɛ siya barikaman ye. Masaba bena kɛ u ka masa ye *Siyɔn kulu kan k'a ta o waati ma, ni tuma bɛɛ.

Hagize 2:22

Ne bena masaw ka masayaw ɲagami, ka siyaw ka fanga cɛn. Ne bena kɛlɛkɛwotorow n'u bolibagaw la duguma, soow n'u bolibagaw bena ben u badenw ka murujanjanw fɛ.»

Hagize 2:7

Ne bena siyaw bɛɛ ɲagami, u ka nafolow bena yɛlɛma ka na yan. Ne bena nɔɔrɔ la soo nin kan. Ne Masaba, Setigi le ko ten.

Matiyu 28:18

Yezu gwɛrɛla u la k'a fɔ u ye ko: «Ala ye sebagaya bɛɛ di ne ma sankolo la ani dugukolo kan.

Yuhana 12:34

Jama y'a fɔ a ye ko: «An y'a mɛn sariya la ko Ala ka Mɔgɔ wolomanin nin bena to yen kudayi, e do b'a fɔ cogo di ko Mɔgɔ Dencɛ ka kan ka kɔrɔta sanfɛ? Jɔn le y'o Mɔgɔ Dencɛ ye?»

Heburuw 12:28

Ayiwa, Ala bena sigiyɔrɔ d'an ma min te se ka cɛn, o la, an k'a fo k'a bato, ka kɛɲɛ n'a yɛrɛ sago ye, ni yɛrɛmajigi ni siranya ye.

Yirari 11:15

Mɛlɛkɛ wolonwulanan y'a ka buru fiyɛ, kumakanbabaw bɔra sankolo la ka to k'a fɔ ko: «Sisan, diɲɛ ka masaya kɛra an Matigi n'a ka Mɔgɔ wolomanin ta ye. A bena to masaya la tuma bɛɛ.»

Yirari 2:27

A bena u mara ni nigɛbere ye k'u ci, i n'a fɔ mɔgɔ be daga ci cogo min na.