Daniyɛli 2:34 - ALA KA KUMA

³⁴ K'i to a filɛli la, kabakuru dɔ bɔra kulu kan ka n'a sentigɛw gosi, min ye nigɛ ni bɔgɔ ye, k'a bɛɛ mugumugu! Mɔgɔ si tun ma maga kabakuru nin la.

Jula NT of Côte d’Ivoire

³⁴ Ayiwa, ka i to flɛri ra, kabakuru dɔ bɔra yi a yɛrɛ ma, ka na o mɔgɔ bisigi sen gbasi, k’a sen nɛgɛraman ni a bɔgɔraman karikari.

Daniyɛli 2:34 Iomraidhean Croise

Zaburu 118:22

Bonlɔlaw banna kabakuru min na, o nana kɛ kabakuru barikaman ye, boon nɔnkɔn ta.

Ezayi 28:16

O kama, Matigi, Masaba ko: «A filɛ, ne be kabakuru barikaman bila *Siyɔn, boon nɔnkɔn ta. Ni mɔgɔ min tintinn'a kan, o tigi jigi te tigɛ.

Ezayi 60:12

«Ni siya min, walima jamana min banna ka baara kɛ i ye, ale be halaki, a bena cɛn pewu.

Ezayi 8:9

Siya wɛrɛw, aw ka yɛrɛyɛrɛ, aw jaa ka tigɛ! Yɔrɔjan mɔgɔw bɛɛ, aw ka mɛnni kɛ. Aw y'aw ka kɛlɛkɛminanw ta, aw jaa ka tigɛ. Aw y'aw ka kɛlɛkɛminanw ta, aw jaa ka tigɛ.

Ezekiyɛli 32:28

E Ezipiti masacɛ fana bena sa, u bena i suu don kɛnɛkɛnɛbaliw cɛma minw fagara ni murujan ye.

Ezekiyɛli 47:5

A ye mɛtɛrɛ kɛmɛ duuru suma tugu. Jii tun ka dun o yɔrɔ la fɔɔ ne ma se k'a tigɛ, bari jii tun cayara, mɔgɔ tun be se ka nɔnni a kɔnɔ. Mɔgɔ tun te se ka jii nin tigɛ fewu.

Daniyɛli 2:33

A senkalaw tun ye nigɛ ye. A sentigɛw yɔrɔ dɔ tun ye nigɛ ye, dɔ ye bɔgɔ jɛninin ye.

Daniyɛli 7:27

Mara minw bɛɛ be dugukolo kan, olu ka masaya, n'u ka fanga, n'u ka boɲa bena di Fɛɛn bɛɛ kuntigi ka jama ma. O jama nin ka masaya bena kɛ waati bɛɛ koo ye. Faamaw bɛɛ bena baara kɛ o ye, ani ka mɛnni kɛ o fɛ.›

Daniyɛli 8:25

A ka cekuya kama, a bena se janfa la kosɔbɛ. A ben'a yɛrɛ boɲa ka mɔgɔ caaman halaki minw tun be ɲasuma na. A bena wili masaw ka Masa kama. Nga a bena halaki ni mɔgɔ bolo ma se a ma.

Jakariya 12:3

O loon na, ne bena Zeruzalɛmu bila siyaw bɛɛ ɲafɛ i n'a fɔ kabakuruba, min te se ka kɔrɔta. Ni min ko a b'a kɔrɔta, o tigi b'a yɛrɛ mandimi. O la, siyaw bɛɛ bena jɛn ale kelen kama.

Jakariya 4:6

A y'a fɔ ne ye ko: «Fitinɛ manayɔrɔ wolonwula nunu ye Masaba ɲadenw le ye. U be dugukolo mumɛ bɛɛ le kɔlɔsira.» Ne y'a ɲininga tugu ko: «Olivuyiri fila minw be fitinɛ kinibolo n'a numanbolo la, olu kɔrɔ ye mun ye?» Ne y'a ɲininga tugu ko: «Olivubolo fila minw be bolo sanulaman fila nunu gɛrɛfɛ, tulu be tɛmɛ minw kɔnɔ, o kɔrɔ ye mun ye?» A ye n jaabi ko: «I ma olu kɔrɔ lɔn wa?» Ne ko: «Ayi, matigi.» O la, a y'a fɔ n ye ko: «Mɔgɔ fila minw wolomana ka tulu kɛ u kuun na waasa u ka baara kɛ Matigi, dugukolo Masa ye, olu lo.» Masaba y'a fɔ Zorobabɛli ye ko: «Baara min b'i bolo, e fanga tena se k'o kɛ, i yɛrɛ seko fana tɛ, fɔɔ ne ka Nii. Ne Masaba, Setigi le ko ten. Ele kuluba min be Zorobabɛli ɲafɛ, i be se k'a bali wa? I bena kɛ yɔrɔ dakɛɲɛnin ye. A bena Alabatoso laban kabakuru la tuma min na, u ben'a fɔ soo nin ma: A ka ɲi! A ka ɲi!» Masaba kumana ne fɛ ko: «Zorobabɛli bolo le ye Alabatoso nin juu sigi, ale lo ben'a laban.» Aw ben'a lɔn o fɛ ko Masaba, Setigi le ye ne ci aw fɛ. Baara min daminɛtɔ lo dɔɔni dɔɔni, mɔgɔ man kan k'o lɔgɔbɔ. U ka kan ka nisɔndiya le ka Alabatoso lɔko ye Zorobabɛli bolo.

Matiyu 16:18

I ye Piyɛri ye, o kɔrɔ ko fara, ne bena n ka jama senu sigi min kan, saya tena se ka foyi kɛ a la.

Yuhana 1:13

O deen nunu ma sɔrɔ adamadenw sago la. Nga u sɔrɔla Ala ka sebagaya le la.

Kɛwalew 4:11

Aw bonlɔlaw banna kabakuru min na, o nana kɛ kabakuru barikaman ye, boon nɔnkɔn ta. O ye Yezu ye.

Kor 2nan 5:1

An farikolo, min ye an nii ka soo ye dugukolo kan, o bena cɛn. Nga, an b'a lɔn ko Ala ye dɔ wɛrɛ labɛn an ye arijana na, min te cɛn abada, o ma dilan adamaden barika la.

Heburuw 9:24

Tiɲɛ na, mɔgɔw bolo ye Alabatoso min lɔ k'a kɛ i n'a fɔ sankolo ta, a ma kɛ i ko Krista donna o le kɔnɔ dɛ! Krista donna arijana yɛrɛ le la, ka lɔ Ala ɲafɛ anw ka hɛrɛ kosɔn.

Piy fɔlɔ 2:7

Ayiwa, aw minw lara Yezu la, ale kɛra kabakuru nafaman ye aw fɛ. Nga minw ma la a la, olu fɛ, «bonlɔlaw banna kabakuru min na, o nana kɛ kabakuru barikaman ye, boon nɔnkɔn ta,»

Yirari 11:15

Mɛlɛkɛ wolonwulanan y'a ka buru fiyɛ, kumakanbabaw bɔra sankolo la ka to k'a fɔ ko: «Sisan, diɲɛ ka masaya kɛra an Matigi n'a ka Mɔgɔ wolomanin ta ye. A bena to masaya la tuma bɛɛ.»

Yirari 17:14

U bena Sagaden nin kɛlɛ. Nga Sagaden bena se u kɔrɔ, bari ale ye matigiw ka Matigi ye, ani masaw ka Masa. Sagaden n'a ka mɔgɔ weleninw, n'a ka wolomaninw, ni kantigiw, u bɛɛ bena see sɔrɔ.»