Daniyɛli 2:29 - ALA KA KUMA

²⁹ Masacɛ, k'i to i ka dilan kan, i ka miiriya sera fɛɛn min ma, o ye koo nata le ye. Koo min bena kɛ, kodogoninw yirabaga y'o le yira i la.

Jula NT of Côte d’Ivoire

²⁹ «E, masacɛ, ko minw bɛna kɛ wagati nataw ra, o le nana i ta miiriya ra, ka i to sunɔgɔ ra. Ala min bɛ gundow lɔn, ale le ka ko nataw yira i ra.

Daniyɛli 2:29 Iomraidhean Croise

Damina 41:25

Yusufu y'a fɔ masacɛ ye ko: «Faama, e ye siko minw kɛ u be fɛɛn kelen le fɔ. Ala b'a fɛ ka fɛɛn min kɛ, a y'o le yira e la ten.

Ezekiyɛli 38:10

Matigi, Masaba ko: «O loon na, i bena miiriya caaman sɔrɔ, ka dabarijugu dɔ labɛn.

Daniyɛli 2:22

Ale lo be kodogonin yira, koo minw kɔrɔ ka dun, ale lo b'o yira. Ale lo be dibikɔnɔko lɔn. Ale ka yɔrɔ ye kɛnɛ ye.

Daniyɛli 2:23

N bɛmaw ka Ala, ne b'i fo k'i waleɲuman lɔn. Bari i ye lɔnniya ni fanga di ne ma. An tun ye min ɲini e fɛ, i y'o yira ne la. I ye masacɛ ka koo yira an na.»

Daniyɛli 2:28

Nga, Ala min be sankolo la, n'a be kodogoninw yira, a ye koo nata yira masacɛ Nabukodonozɔri la. I ka siko, n'i ye fɛɛn minw ye k'i to i ka dilan kan, o filɛ nin ye:

Daniyɛli 2:45

O la, i ye kabakuru ye min bɔra kulu kan mɔgɔ bolo ma maga min na, ka na nigɛ, ni zira, ni bɔgɔ, ni warigwɛ ani sanu mugumugu. Ala, min ka bon, a ye koo nata yira ele masacɛ la. Siko nin ye tiɲɛ ye. Mɔgɔ ka kan ka la a kɔrɔ la.»

Daniyɛli 2:47

Masacɛ y'a fɔ a ye ko: «Tiɲɛ na, aw ka Ala ka bon ni batofɛnw bɛɛ ye, masaw ka Masa lo. Kodogoninw yirabaga lo. Bari, i y'o koo kodogonin nin yira ne la.»

Amɔsi 4:13

Min ye kuluw ni fɔɲɔ dan, ale min b'a ka kolatigɛninw yira adamaden na, ale min be tilefɛ yɛlɛma ka kɛ suu ye, ale min be taama tintinw kan, a tɔgɔ ko Masaba, Setigi Ala.