Daniyɛli 2:25 - ALA KA KUMA

²⁵ Ariyɔki teliyara ka don ni Daniyɛli ye masacɛ fɛ k'a fɔ a ye ko: «Masacɛ, mɔgɔ minw minɛna Zuda mara la ka na, ne ye cɛɛ dɔ sɔrɔ olu cɛma min be se k'i ka siko kɔrɔ fɔ i ye.»

Jula NT of Côte d’Ivoire

²⁵ Ariyɔki teliyara ka taga ni Daniyɛli ye masacɛ fɛ. O sera yi minkɛ, Ariyɔki k’a fɔ masacɛ ye ko: «Zuda ta mɔgɔ minw minana, ne ka cɛ kelen sɔrɔ olugu ra, min bɛ se ka i ta siko ɲafɔ i ye.»

Daniyɛli 2:25 Iomraidhean Croise

Damina 41:14

Masacɛ k'u ka na ni Yusufu ye. U y'a bɔ teliman na kaso la k'a kuun li, a ye fani wɛrɛ don, ka taga faama fɛ.

Nehemi 7:6

Babilɔni masacɛ Nabukodonozɔri tun ye mara nin mɔgɔ minw minɛ ka taga n'u ye jɔnya la a fɛ, n'u kɔsegira ka bɔ jɔnya la ka na Zeruzalɛmu, Zuda mara la, u kelen kelen bɛɛ u ka dugu kɔnɔ, olu tɔgɔ filɛ nin ye,

Zanaw 24:11

U be tagara ni mɔgɔ min ye fagayɔrɔ, o kisi. U be min talontalonna ka ta'a halaki, o bɔsi.

Waajurikɛbaga 9:10

I bolo be se ka koo o koo kɛ, o kɛ n'i yɛrɛ ka fanga ye. Bari, lahara min ye i taayɔrɔ ye, baarako, ni jatiminɛ, ni lɔnniya, ani hakilitigiya te o yɔrɔ la.

Daniyɛli 1:6

O mɔgɔ nunu cɛma, Zuda kɔmɔgɔw kanbelen dɔw tun be yen: Daniyɛli, ni Ananiya, ni Mikayɛli ani Azariya.

Daniyɛli 5:13

U nana ni Daniyɛli ye masacɛ fɛ. Masacɛ y'a ɲininga ko: «N facɛ ka masaya tile la, a bɔra ni mɔgɔ minw ye Zuda mara la ka na n'u ye yan, Daniyɛli tɔgɔla min tun b'u cɛma, o ye e le ye sɔbɛ la wa?

Daniyɛli 6:13

O la, u tagara masacɛ fɛ ka sariya nin koo fɔ a ye ko: «Masa, e ma sariya sigi k'a fɔ ko tile bi saba kɔnɔ, ko ni mɔgɔ o mɔgɔ ye fɛɛn wɛrɛ bato, walima ka mɔgɔ dɔ bato min be danna ele la, k'o tigi bena fili jaraw ma u ka dingɛ kɔnɔ wa?» Masacɛ y'u jaabi ko: «Jaati! Ka kɛɲɛ ni mɛdiw ni pɛrɛsiw ka sariya ye, min te se ka bɔ yen.»