Daniyɛli 2:11 - ALA KA KUMA

¹¹ Masacɛ be min ɲinina, o ka gwɛlɛ kojugu. Batofɛn minw te adamadenw cɛma, ka olu niin bɔ a la, mɔgɔ te yen min be se k'a jaabi di masacɛ ma.»

Jula NT of Côte d’Ivoire

¹¹ Masacɛ, i ka min fɔ, o ka gbɛlɛn. Mɔgɔ si tɛ se ka nin ko fɔ masacɛ ye, ni an ta alaw tɛ, k’a sɔrɔ olugu fana tɛ adamadenw cɛ ra yan.»

Daniyɛli 2:11 Iomraidhean Croise

Damina 41:39

A y'a fɔ Yusufu ye ko: «Ala sɔnna ka o lɔnniya nin bɛɛ d'i ma minkɛ, mɔgɔ wɛrɛ te yan min hakili n'a ka lɔnniya sera i ta ma.

Damina 41:8

Dugu gwɛra, masacɛ hakili ɲagamina, a y'a ka jamana kɔnɔ lagwɛlikɛlaw ni lɔnnikɛlaw bɛɛ wele ka siko nunu fɔ u ye, nga u si ma se k'u kɔrɔ fɔ a ye.

Mas fɔlɔ 8:27

«Ala, i bena sɔn ka to dugukolo kan sɔbɛ la wa? I te kun sankolo kɔnɔ, sankofɛrɛ ne ka soo lɔnin nin kɔnɔ!

Lok 2nan 6:18

«Ala, i bena sɔn ka to adamadenw cɛma dugukolo kan sɔbɛ la wa? I te kun sankolo mumɛ bɛɛ kɔnɔ, sankofɛrɛ ne ka soo lɔnin nin kɔnɔ!

Zaburu 132:14

A ko: «Ne sigiyɔrɔ lo kudayi. Ne bena to yen bari ne b'a le lo fɛ.

Zaburu 68:18

Ala ka wotoro ye waa caaman ye. Matigi b'u cɛma, a nana n'u ye Yɔrɔ Senuman na ka bɔ Sinayi kulu kan.

Bɔri 29:45

O tuma na, ne bena sigi Isirayɛlidenw cɛma ka kɛ u ka Ala ye.

Bɔri 8:19

Ko ne bena faranfasili kɛ a ka mɔgɔw ni ne ka mɔgɔw cɛ. K'o taamasiɲɛ kabakoman nin bena kɛ sini le.»

Ezayi 47:12

Banba i ka kirisi koow n'i ka subagaya la sa! I y'i yɛrɛ sɛgɛn minw kalan la kabini i sungurutuma. N'a sɔrɔ i bena nafa sɔrɔ a la, walima ka se ka mɔgɔw jaa tigɛ!

Ezayi 57:15

Bari, min siginin be fɔɔ sanfɛ, fɛɛn bɛɛ sanfɛ, ale min be yen tuma bɛɛ, ale min tɔgɔ ko Senuman, ale lo ko: Ne sigiyɔrɔ be fɔɔ sanfɛ, yɔrɔ senuman na. O bɛɛ n'a ta, ne be ni nimisabaga ye, min majiginin be, waasa ka barika don a la k'a jaa gwɛlɛya.

Ezayi 8:18

Masaba ye deen minw di ne ma, ne ni olu kɛnin be taamasiɲɛw ye Isirayɛlidenw fɛ, ani koo nata yirafɛnw ye Masaba, Setigi tɔgɔ la. Min sigiyɔrɔ be *Siyɔn kulu kan.

Daniyɛli 4:4

O tuma na, jotigiw ni lagwɛlikɛlaw ni sankolo kan taamasiɲɛlɔnbagaw ani kirisitigiw nana lajɛn. N ye siko nin fɔ u ye. U ma se k'a kɔrɔ fɔ n ye.

Daniyɛli 5:11

Cɛɛ dɔ b'i ka mara kɔnɔ, batofɛnsɔbɛw ka nii b'a la. I faa ka tile la, ale lo tun be yeli kɛ, hakilitigi ni lɔnnikɛla lo i n'a fɔ batofɛn. O kama masacɛ, i faa Nabukodonozɔri y'a kɛ a ka jotigiw, ni lagwɛlikɛlaw, ni sankolo kan taamasiɲɛlɔnbagaw ani kirisitigiw ɲamɔgɔ ye.

Jateri 35:34

Aw siginin be jamana min kɔnɔ, ne fana be o kɔnɔ, aw kan'o nɔgɔ, bari ne Masaba le be aw Isirayɛlidenw cɛma.»

Matiyu 19:26

Yezu y'u filɛ k'a fɔ u ye ko: «Adamadenw kɔni te se k'o kɛ, nga Ala be se koo bɛɛ la.»

Yuhana 1:14

O kuma nin kɛra mɔgɔ ye, ka na sigi n'an ye. An y'a ka nɔɔrɔ ye, dencɛ kelen be min sɔrɔ a Faa fɛ. Ale lo ye tiɲɛtigi ni nɛɛmatigi ye.

Yuhana 14:17

Ale lo ye Nii Senuman ye, Tiɲɛtigi. Diɲɛ mɔgɔw te se ka sɔn a ma bari u t'a yera, u fana m'a lɔn. Aw kɔni b'a lɔn, bari a be n'aw ye, a bena sigi aw kɔnɔ.

Yuhana 14:23

Yezu y'a jaabi ko: «Ni mɔgɔ min be ne kanu, o tigi bena ne ka kuma bato, n Faa bena o tigi kanu fana, anw bena na o tigi fɛ ka to n'a ye.

Kor 2nan 6:16

Bɛɛn jumɛn le be sɔrɔ Ala ka soo ni joow cɛ? Bari an ye Nitigi Ala ka soo ye i ko Ala yɛrɛ y'a fɔ cogo min na, a ko: «Ne bena sigi u cɛma ka to n'u ye. Ne bena kɛ u ka Ala ye, u bena kɛ ne ka mɔgɔw ye.»

Yirari 21:3

O waati yɛrɛ la, ne ye kumakanba dɔ mɛn ka bɔ masasigilan yɔrɔ la ko: «Ala sigiyɔrɔ filɛ nin ye adamadenw cɛma. A bena to u cɛma, u bena kɛ a ka mɔgɔw ye, ale bena kɛ u ka Ala ye.