Daniyɛli 12:3 - ALA KA KUMA

³ Minw ye lɔnnikɛlaw ye, ani minw be mɔgɔw kalan tilenninya la, olu ka koo bena ɲa kosɔbɛ, u bena manamana tuma bɛɛ i n'a fɔ lolow.

Jula NT of Côte d’Ivoire

³ Mɔgɔ minw kɛra mɔgɔ hakirimanw ye, olugu bɛna manamana i ko sankolo nɔɔrɔ; minw ka mɔgɔ caman karan terenninya sira ra, olugu fana bɛna manamana i ko sankolo lolow, wagati bɛɛ, ani tuma bɛɛ.

Daniyɛli 12:3 Iomraidhean Croise

Bɔri 34:35

Isirayɛlidenw b'a ye ko a ɲada be manamana. O kɔ, a be to k'o fani biri a ɲada kan tugu, fɔɔ n'a be don ka kuma ni Masaba ye tugu.

Zanaw 11:30

Mɔgɔtilennin ka kɛwaliw be sii di mɔgɔ ma. Lɔnnikɛla ka kuma be mɔgɔ hakili yɛlɛma.

Zanaw 3:35

Kunkɔrɔta bena kɛ lɔnnikɛla ta ye. Nga naloman ta bena kɛ maloya ye.

Zanaw 4:18

Mɔgɔtilennin ka sira be i ko dugugwɛda yeelen, dɔ be to ka fara min kan fɔɔ ka taga tile gwan.

Waajurikɛbaga 12:9

Waajulikɛla tun te hakilitigi dama ye. A ye mɔgɔw kalan lɔnniya la fana. A ye talen caaman kɔrɔ ɲini, k'u sɛgɛsɛgɛ, k'u tugutugu ɲɔgɔn na.

Ezayi 53:11

Masaba ko: «N'a ye tɔɔrɔba nin muɲu, a ben'a diya bɔ. Ne ka baarakɛla tilennin sababu la, mɔgɔ caaman bena tilenninya sɔrɔ, ale min y'u ka kojugu kunko ta.

Yeremi 23:22

N'u tun sigira ni ne ye ka n ka kuma mɛn, u tun bena o fɔ n ka mɔgɔw ye. O la, olu tun bena u ka sirajuguw bila, ani k'u ka kɛwalijuguw dabila.»

Daniyɛli 11:33

«Minw ye hakilitigiw ye u cɛma, olu bena mɔgɔ caaman kalan. Nga waati dɔ la, u bena u dɔw faga ni murujan ye, ka dɔw jɛni, ka dɔw minɛ jɔnya la, ka dɔw bololafɛnw ta.

Daniyɛli 11:35

Hakilitigi nunu dɔw bena sa, janko mɔgɔ dɔw ka koo be yɛlɛma, u be saniya, u be kɛ jalakibaliw ye fɔɔ ka taga se laban waati ma. Bari o loon bena se a sewaati la.

Daniyɛli 12:10

Mɔgɔ caaman bena saniya, u be kɛ jalakibaliw ye, u ka koo be yɛlɛma. Mɔgɔjuguw bena taga n'u ka juguya ye ɲa, u si tena foyi faamu. Nga hakilitigiw kɔni bena faamuli kɛ.

Matiyu 13:43

O kɔ, mɔgɔ minw be Ala sago kɛ, olu bɛɛ bena boɲa sɔrɔ ka manamana i n'a fɔ tile, u Faa Ala ka masaya yɔrɔ la. Tulo be min fɛ, o ka mɛnni kɛ.

Matiyu 19:28

Yezu y'a fɔ u ye ko: «Tiɲɛ na, ne b'a fɔ aw ye ko ni diɲɛ nana kɛ diɲɛkura ye tuma min na, Mɔgɔ Dencɛ bena sigi a ka masasigilan kan. Aw minw tugura a kɔ, aw fana bena sigi masasigilan tan ni fila kan, ka Isirayɛli ka deen tan ni fila kɔmɔgɔw kiti.

Matiyu 24:45

«Baaraden tilennin hakiliman jumɛn be yen, n'a kuntigi y'a sigi a ka baaraden tɔw kunna waasa a ka dumuni d'u ma a diwaati la?

Yuhana 4:36

Mɔgɔ min y'o tigɛbaga ye, o tigi be sumankisɛ lajɛn sini kama. A b'a ka sara sɔrɔla ka ban. Min ye nii banbali ye. O be kɛ, waasa sumantigi ni sumantigɛbaga bɛɛ ka jɛn ka nisɔndiya ɲɔgɔn fɛ.

Yuhana 5:35

Zan kɛra fitinɛ ye min be yeelen bɔ. Aw tun b'a fɛ ka nisɔndiya a ka yeelen fɛ waatinin kɔnɔ.

Kɛwalew 13:1

Kira ni karamɔgɔw tun be Krista ka jama cɛma Antiyɔsi. Olu tun ye: Barinabasi, ni Simeyɔn, min be wele ko Nizɛri, ani Lusiyusi ka bɔ Sirɛni, ni Manayɛn, min ni *Erɔdi ye denmisɛnya kɛ ɲɔgɔn fɛ. Sɔli ka fara u kan.

Kor fɔlɔ 3:10

Ala ka nɛɛma barika la a ye min kɛ ne ye, ne kɛra solɔlaɲuman ye, ne ye soo juu sigi, mɔgɔ dɔ wɛrɛ be lɔli kɛ a kan, nga mɔgɔ kelen kelen bɛɛ ka kan k'a ka lɔcogo kɔlɔsi,

Ɛfɛsikaw 4:11

Ale Krista kelen le ye mɔgɔw boɲa ka seko d'u ma, dɔw ka kɛ cidenw ye, dɔw ka kɛ kiraw ye, dɔw ka kɛ a ka kibaru diman fɔbagaw ye, dɔw fana ka kɛ Krista ka jama kɔlɔsibagaw ni karamɔgɔw ye.

Heburuw 5:12

Kabini tumajan, aw tun ka kan ka kɛ tɔw kalanbagaw ye. Nga Ala ka koo minw faamu man gwɛlɛ, aw b'a fɛ mɔgɔ k'aw kalan n'o ye halibi. Aw kɛra denɲɛninw ye minw be siin min. Aw te se dumuni gwiliman kɔrɔ!

Piy 2nan 3:15

N'aw y'a ye ko Matigi te kɔsegira ka na joona, o kɛra aw ka kisili kosɔn le. An balimacɛ n'an tericɛ Pɔli ye sɛbɛ ci aw ma o la. Ala ye lɔnniya min d'a ma, a y'o kɛ k'aw ladi.

Yirari 1:20

I tun ye lolo wolonwula minw ye n bolo, ani sanu fitinɛ wolonwula nunu u kɔrɔ filɛ: Lolo nunu ye Ala ka jamakulu wolonwula ka mɛlɛkɛw ye. Fitinɛ nunu ye u yɛrɛw ye.

Kititigɛbagaw 5:31

Masaba, i juguw bɛɛ ka halaki ten! E koo ka di mɔgɔ minw ye, olu ka kɛ i ko tile, a gwantuma papapa.» O kɔ, jamana nin tora hɛrɛ la saan bi naani kɔnɔ.