Daniyɛli 12:2 - ALA KA KUMA

² O tuma na, mɔgɔ caaman minw be sinɔgɔra bɔgɔ jukɔrɔ, olu bena kunun. U dɔw niyɔrɔ bena kɛ nii banbali ye, dɔw ta bena kɛ maloyaba ye min te ban.

Jula NT of Côte d’Ivoire

² Minw bɛ sunɔgɔra bɔgɔ ra, dugukolo jukɔrɔ, olugu caman bɛna kunu. Dɔw bɛna kunu ka ɲanamanya banbari sɔrɔ, dɔw fana bɛna kunu ka kɛ maroya ni tɔɔrɔ banbari ra.

Daniyɛli 12:2 Iomraidhean Croise

Zanaw 12:8

U be mɔgɔ tanu a ka lɔnniya le kama. Nga mɔgɔjugu kɔni be lɛɛbu le.

Ezayi 26:19

Ne ka jama, aw ka mɔgɔ saninw bena kunun, u suuw bena kunun. Aw minw be kaburu la, aw ye kunun ka nisɔndiyapɛrɛnkan bɔ! Bari, ne bena dugukolo fa komiji la, dugukolo be suuw to u be kunu.

Ezayi 66:24

Ni mɔgɔw bɔra, minw tun murutira ne ma, u bena olu suuw lalanin ye. Tumu minw bena don u la, olu tena sa. Tasuma min bena u jɛni, o tena faga. U bena kɛ fɛnjugu ye mɔgɔ bɛɛ fɛ.»

Yeremi 20:11

Nga Masaba be ni ne ye i ko kɛlɛmasaŋana! Ne tɔɔrɔbagaw bena talon, u te na see sɔrɔ. U bena dɛsɛ, o maloya bena to u kunna fɔɔ tuma bɛɛ, mɔgɔw tena ɲinɛ a kɔ ka ye.

Ezekiyɛli 37:12

O kosɔn, kirayakuma fɔ u ye ko, Matigi, Masaba ko: ‹Ne ka mɔgɔw, ne bena aw ka kaburuw dayɛlɛ k'aw bɔ u kɔnɔ ka kɔsegi n'aw ye Isirayɛli jamana na.

Oze ta kitabu 13:14

Ne ka kan ka Isirayɛlidenw bɔsi lahara bolo wa? Ne ka kan k'u kisi saya ma wa? Saya, e ka balawu be min? Lahara, e ka cɛnni be min? Ne tena makari fewu!

Matiyu 25:46

Yezu y'o kuma laban ko: «O mɔgɔjugu nunu bena taga tɔɔrɔ banbali yɔrɔ la, mɔgɔtilenninw bena don Ala ka hɛrɛ banbali yɔrɔ la.»

Kɛwalew 24:15

Ne ni olu bɛɛ jigi be Ala kan ko a bena mɔgɔɲumanw ni mɔgɔjuguw bɛɛ kunun loon dɔ.

Kɛwalew 7:60

O kɔ, a y'a kunbiri gwan ka pɛrɛn ko: «Matigi, kana u ka hakɛ nin jati u kun.» A y'o fɔ ka ban minkɛ, a nii bɔra.

Rɔmukaw 9:21

Bɔgɔmana te dagadilanbaga ta ye wa? A be se k'o bɔgɔ kelen nin ta ka dagaɲuman dilan n'a ye, a be se k'o bɔgɔ kelen nin ta ka daga wɛrɛ dilan n'a ye, min ma ɲi kosɔbɛ.

Tes fɔlɔ 4:14

N'an lanin b'a la tiɲɛ na ko Yezu sara ka kunun, o cogo la mɔgɔ minw sara k'u jigi lanin to Yezu kan, Ala bena olu kunun fana u ka to ni Yezu ye.

Yirari 20:12

O kɔ, ne ye suuw ye, u bɛɛ kununna, denmisɛn fara mɔgɔkɔrɔbaw kan, u tagara lɔ masasigilan ɲafɛ. Ayiwa, sɛbɛ dɔw dayɛlɛla. Nii banbali sɛbɛ fana dayɛlɛla. O tuma na, u ye mɔgɔw kiti ka kɛɲɛ n'u ka kɛwaliw ye.