Daniyɛli 12:11 - ALA KA KUMA

¹¹ Saraka min be bɔ Ala ye loon o loon, k'a ta ale dabilawaati ma, ani fɛnjugu cɛnnikɛla bilawaati la, tile waa kelen ni kɛmɛ fila ni bi kɔnɔntɔn (1 290) le bena tɛmɛ.

Jula NT of Côte d’Ivoire

¹¹ Saraka min tun bɛ bɔ lon o lon, o dablara wagati min na, k’a ta o wagati ra fɔ ka taga se lon min cɛnrikɛbaga ka fɛn haramunin bla sarakabɔnan kan, o bɛna kɛ tere waga kelen ni tere kɛmɛ fla ni tere bikɔnɔntɔn.

Daniyɛli 12:11 Iomraidhean Croise

Bɔri 29:38

«I ka kan ka sankelensaga fila bɔ saraka ye ne ye sarakabɔyɔrɔ kan loon o loon, o kana dabila fewu.

Ezekiyɛli 4:6

O loon nunu mana dafa, i be yɛlɛma ka la i kinibolo kan, ka Zuda mara mɔgɔw ka kojuguw doni ta. Ne y'a latigɛ ko tile bi naani kɔnɔ, loon kelen be jati u ka saan kelen kojugu nɔɔ na.

Daniyɛli 1:12

«Ne b'i daali, i ka to ka ɲugu ni jii gwansan d'an ma, k'an filɛ yanni tile tan.

Daniyɛli 11:31

Alabatoso be dugu barikaman min kɔnɔ, a bena kɛlɛdenw bila ka na o ɲagami, saraka min be bɔ loon o loon, k'o koo ban. A bena fɛnjugu cɛnnikɛla bila sarakabɔyɔrɔ kan.

Daniyɛli 7:25

Ale bena Fɛɛn bɛɛ kuntigi tɔgɔ cɛn k'a ka jama tɔɔrɔ. A ben'a ŋaniya ka waati jaticogo ni sariya yɛlɛma. Ala ka jama bena to a ka fanga kɔrɔ fɔɔ saan saba ni tilan.

Daniyɛli 8:26

I ye fɛɛn minw ye sufɛ ni tilefɛ kosɔn min koo fɔra i ye, o ye tiɲɛ yɛrɛ le ye. Nga, o yelifɛn nin ka koo to i kɔnɔ. Bari, o ye lonjanko ye.»

Daniyɛli 9:27

Saan wolonwula kɔnɔ, a ben'a ka fanga la mɔgɔ caaman kan, o saan wolonwula tilancɛ kɔnɔ, a bena saraka bɔko daa faga, suman saraka bɔko bena dabila. Cɛnnikɛla nin ben'a ka baarajugu kɛ teliya la, fɔɔ halakili min tun latigɛra ka na cun a kan.»

Oze ta kitabu 3:4

O la, Isirayɛlidenw bena waatijan kɛ, masa tena sɔrɔ u fɛ, ni ɲamɔgɔ. Saraka bɔko bena dabila, ni jokabakuru sɔn. U be minan minw kɛ ka Ala sago lɔn, o bena dɛsɛ u la.

Matiyu 24:15

«Kira Daniyɛli tun ye fɛnjugu cɛnnikɛla min koo fɔ, n'aw y'o ye Alabatosoba yɔrɔ senuman na tuma min na, (mɔgɔ min be nin kalan, a ka kan k'a faamu),

Marika 13:14

«Fɛnjugu cɛnnikɛla man kan ka ye yɔrɔ min na, aw bena o siginin ye o yɔrɔ la. (Mɔgɔ min be nin kalan, o ka kan k'a faamu.) O tuma na, mɔgɔ minw be Zude mara la, olu ka boli ka taga kuluyɔrɔw la.

Yirari 11:2

Nga i kana Alabatosoba lukɛnɛ suma, i b'o to yen, bari o yɔrɔ dira siya wɛrɛw ma, minw bena dugu senuman halaki kalo bi naani ni fila kɔnɔ.

Yirari 12:6

Muso bolila ka taga kongokolon kɔnɔ yɔrɔ dɔ la, Ala tun ye min labɛn a ye ani a daradumuni bɛɛ. A bena to yen fɔɔ tile waa kelen ni kɛmɛ fila ni bi wɔɔrɔ (1 260).

Yirari 13:5

Daa dir'a ma waasa ka to k'a yɛrɛ wanso ani ka Ala tɔgɔ cɛn. Fanga dir'a ma waasa a k'a seko kɛ kalo bi naani ni fila kɔnɔ.