Daniyɛli 11:40 - ALA KA KUMA

⁴⁰ «Ni laban waati sera, worodugu ɲafan fɛ masacɛ bena kɛlɛ daminɛ n'a ye. Nga kɔgɔdugu ɲafan fɛ masacɛ bena girin a kan ni kɛlɛkɛwotorow ye, ni sotigiw, ani kurun caaman ye. U bena yɛrɛkɛ ka taga don jamana caaman na i n'a fɔ baa min fara ka yɛrɛkɛ.

Jula NT of Côte d’Ivoire

⁴⁰ « ‹Ayiwa, ni sahili masacɛ ta wagati laban nana se, worodugu masacɛ bɛna wuri a kama tuun. Nka sahili masacɛ bɛna girin ka na a kama ni barakaba ye, i ko sanfɔɲɔba, ni a ta sowotorow ni a ta sotigiw ni a ta jirakurunw ye, ka na a kɛrɛ. A bɛna don jamana caman na ka o fa ni a ta kɛrɛkɛjama ye, i n’a fɔ jiba min bɛ woyo ka yɔrɔ bɛɛ fa.

Daniyɛli 11:40 Iomraidhean Croise

Ezayi 21:1

Kirayakuma min sinna kɔgɔjida la kongokolon ma: O be i ko fununfunun min be tɛmɛ worodugu ɲafan mara la, jugu nacogo lo ka bɔ kongokolon kɔnɔ, a nacogo lo ka bɔ jamanajugu la.

Ezayi 5:28

U ka biɲɛw daa labɛnnin lo kosɔbɛ, u y'u ka kalaw bɛɛ labɛn. U ka soow sensɔnniw kɛra i ko kabakuruw, u ka kɛlɛkɛwotorow seen ka teli i ko fununfunun.

Ezayi 66:15

Jaati! Masaba filɛ nin ye. A be nana tasuma kɔnɔ, a ka kɛlɛkɛwotorow ka teli i ko funufunu. A ben'a dimi bɔ ni fariya ye, a ben'a ɲaa gwan ni tasuma ye.

Yeremi 4:13

A natɔ filɛ i ko sankabaw! A ka wotorow be i ko sanfɔɲɔ. A ka soow ka teli ni sɛgɛn ye. Bɔnɛ ye anw ta ye, an ta cɛnna.

Ezekiyɛli 38:4

Ne bena i yɛlɛma ka nigɛ don i daa la, k'i wajibiya ka bɔ i ka yɔrɔ la, e n'i ka kɛlɛdenw bɛɛ lajɛnnin: soow ni sotigiw, minw labɛnnin be ka ɲa kɛlɛ kama, ani jamaba, nigɛkunbɛnnanbabatigiw ni misɛnmantigiw, u bɛɛ be se murujankɛlɛ la kosɔbɛ.

Ezekiyɛli 38:9

E n'i ka kɛlɛdenw bɛɛ ani siya caaman minw b'i fɛ, aw bena girin u kan i n'a fɔ fɔɲɔba, ka jamana bɛɛ datugu i n'a fɔ sankaba.› »

Daniyɛli 11:10

A deenw bena kɛlɛ labɛn. U bena jamaba lajɛn. U kelen bena taga u juguw kama n'a ka kɛlɛdenw ye. U bena taga don jamana nin kɔnɔ i n'a fɔ baa min fara ka yɛrɛkɛ. U kɔsegitɔ bena u juguw ka dugu fariman dɔ kɛlɛ.

Daniyɛli 11:11

«Worodugu ɲafan fɛ masacɛ dimininba bena bɔ ka kɛlɛ kɛ ni kɔgɔdugu ɲafan fɛ masacɛ ye, ale bena jamaba lajɛn a kama, nga a bena se jamaba nin kɔrɔ.

Daniyɛli 11:13

Kɔgɔdugu ɲafan fɛ masacɛ bena kɛlɛbolo wɛrɛ labɛn, min jama ka bon ni fɔlɔta ye. Saan damani tɛmɛnin kɔ, a bena na n'a ka kɛlɛboloba nin ye, ni kɛlɛkɛminan caaman.

Daniyɛli 11:22

Kɛlɛden minw yɛrɛkɛra, a bena olu halaki pewu! A bɛnna ni minw ye, a bena olu ɲamɔgɔ dɔ faga.

Daniyɛli 11:25

«A bena wili n'a barika, ni dusugwɛlɛya ye ka bila kɛlɛboloba dɔ ɲa, ka taga worodugu ɲafan masacɛ kama. Ale fana bena wili ni kɛlɛboloba ye min jama ka ca haali, barika b'u la kosɔbɛ. Nga, olu tena se. Bari, namara caaman bena kɛ u la.

Daniyɛli 11:35

Hakilitigi nunu dɔw bena sa, janko mɔgɔ dɔw ka koo be yɛlɛma, u be saniya, u be kɛ jalakibaliw ye fɔɔ ka taga se laban waati ma. Bari o loon bena se a sewaati la.

Daniyɛli 11:39

Lonanw ka joo nin sababu la, a bena dugu barikamanw kɛlɛ. Minw mana sɔn o joo nin na, a bena boɲa la olu kan, k'u kɛ kuntigiw ye jamaba kunna, ani ka forow tilan u cɛ k'o kɛ u ka tɔnɔ ye.

Daniyɛli 11:7

«A kɔmɔgɔ dɔ bena wili a kɔ k'a nɔɔ ta. Ale bena taga kɔgɔdugu ɲafan masacɛ ka kɛlɛbolo kama ka don u ka dugu fariman kɔnɔ. A bena u kɛlɛ ka se u kɔrɔ.

Daniyɛli 12:4

Ele Daniyɛli kɔni ka kuma nin kɛ gundo ye. I kana sɛbɛ nin kɔnɔnakuma fɔ mɔgɔ si ye fɔɔ laban waati ka se. Mɔgɔ caaman ben'a kalan ka hakili sɔrɔ.»

Daniyɛli 12:9

A ye ne jaabi ko: «Daniyɛli, taga, o kuma nunu ka kan ka to dogo la, u man kan ka mɛn, fɔɔ laban waati ka se.

Daniyɛli 8:17

Ne lɔnin tun be yɔrɔ min na, a gwɛrɛla ne la o tuma na. A setɔ, ne benna ka n ɲaa biri duguma siranyakojugu fɛ. A y'a fɔ n ye ko: «Adamaden, i k'a faamu ko i ye koo min ye, o be laban waati le koo fɔra.»

Habakuki 3:14

E y'u ka biɲɛw kɛ k'u kuntigiw kuun sɔgɔsɔgɔ. K'a sɔrɔ u tun be girinna an kan i ko sanfɔɲɔba ni nisɔndiya ye, k'u b'an yɛrɛkɛ k'an halaki dogo la i ko u sera an kɔrɔ ka ban yɛrɛ!

Jakariya 9:14

Masaba ben'a yɛrɛ yira sanfɛ u kunna. A ka biɲɛ be taga i ko sanmanamana. Matigi, Masaba bena buru fiyɛ, a bena na worodugu ɲafan fɔɲɔba kɔnɔ.

Yirari 16:12

Mɛlɛkɛ wɔɔrɔnan y'a ta yɛlɛma Efarati baji kɔnɔ, a jara ka tɛmɛsira di kɔrɔn ɲafan masaw ma.

Yirari 9:16

Ne y'u ka kɛlɛbolo mɔgɔda mɛn, k'u ye sotigi miliyɔn kɛmɛ fila ye.