Daniyɛli 11:36 - ALA KA KUMA

³⁶ «Koo o koo ye masacɛ nin diya, a ben'o le kɛ. A ben'a yɛrɛ boɲa! O yɛrɛboɲa nin na, a ben'a yɛrɛ fisaya ni batofɛnw bɛɛ ye. Ala min ka bon ni batofɛn bɛɛ ye, a bena kabakokuma fɔ ale kama. A ka koo bena taga ɲa fɔɔ ka taga se Ala ka dimi danyɔrɔ la. Bari, min latigɛra, o bena kɛ cɔ!

Jula NT of Côte d’Ivoire

³⁶ « ‹Ni fɛn o fɛn kɔni ka o masacɛ diya a bɛna o le kɛ. A bɛna a yɛrɛ kɔrɔta, ko ale ka bon ni batofɛnw bɛɛ ye. Kumajugu minw ɲɔgɔn ma deri ka mɛn fɔlɔ, a bɛna o le fɔ Ala kɔrɔtaninba yɛrɛ ma. A bɛna tɔgɔ sɔrɔ fɔ ka taga Ala ta dimi wagati se; sabu Ala ka min latigɛ a kama, a bɛna o kɛ a ra.

Daniyɛli 11:36 Iomraidhean Croise

Zaburu 136:2

Aw ka Ala tanu, ale min ka bon ni batofɛn tɔw bɛɛ ye, a ka ɲumanya te ban abada.

Zaburu 33:10

Masaba be siya wɛrɛw ka koo labɛnnin yɛlɛma, a b'u ka kolatigɛninw cɛn.

Zanaw 19:21

Mɔgɔ kɔnɔnako ka ca. Nga Masaba sago ye min ye, o le be kɛ.

Ezayi 10:23

O halakili nin ŋaniyara cogo min na, Matigi, Masaba, Setigi ben'a kɛ o cogo la jamana kɔnɔ yɔrɔ bɛɛ la.

Ezayi 10:25

Yanni dɔɔni, dɔɔni dɔrɔn, ne dusu bena suma aw kɔrɔ. N bena yɛlɛma ka dimi u kɔrɔ k'u halaki.»

Ezayi 10:5

Bɔnɛ ye Asirikaw ta ye! N diminin be mɔgɔ minw kɔrɔ, ne be Asirikaw kɛ i ko bere k'o tigiw ɲaa gwan.

Ezayi 14:13

Ele min tun b'a fɔ ko: «Ne bena yɛlɛ ka taga sankolo la ka n ka masasigilan bila Ala ka lolow sanfɛ. Ne bena taga sigi kɔgɔdugu ɲafan kulu kan, sankololafɛnw b'u ka ɲɔgɔnye kɛ min kan.

Ezayi 14:14

Ne bena yɛlɛ ka taga sankabaw sanfɛ, ne bena kɛ i ko Fɛɛn bɛɛ kuntigi Ala.»

Ezayi 26:20

Ne ka jama, aw ka don aw ka soow kɔnɔ, ka daaw tugu. Aw ka dogo waati kunkurunnin kɔnɔ, fɔɔ Masaba ka dimi waati ka tɛmɛ.

Ezayi 30:33

Tasuma manayɔrɔ labɛnna a mɛnna, a labɛnna masacɛ kama. Yɔrɔba le labɛnna, a fana ka dun. Lɔgɔ caaman labɛnna yen. Masaba dafiɲɛ ben'a mana ka kɛ tasumaba ye.

Ezayi 46:10

Koo min bena kɛ, ne y'o koo fɔ kabini a daminɛ. Koo min ma kɛ fɔlɔ, ne y'o fɔ ka tɛmɛ kabini tumajan. Ne ko: N ye koo min latigɛ, o be kɛ le. Koo min bɛɛ ka di ne ye, n b'o kɛ.

Ezayi 57:9

Aw be taga ni tulu ye *Milikɔmu fɛ, aw y'aw yɛrɛ mɔ kosɔbɛ ni tulu kasadimanw ye. Aw ye cidenw ci yɔrɔjan. Aw y'a kɛ u tagara fɔɔ lahara!

Ezekiyɛli 28:2

«Adamaden, a fɔ Tiri dugu ɲamɔgɔ ye ko ne Matigi, Masaba ko: Yɛrɛboɲa kosɔn, a ko ale ye batofɛn ye, ko a siginin be batofɛn sigilan kan kɔgɔji cɛma. K'a sɔrɔ adamaden lo, batofɛn tɛ, hali n'a b'a yɛrɛ suma ni batofɛn ye.

Ezekiyɛli 35:13

Aw kumana ne fɛ ni ɲadonya ye, aw ye kumajugu fɔ ne koo la. Ne yɛrɛ le y'o mɛn!›

Daniyɛli 11:16

Kɛlɛtigɛla nin ben'a sago kɛ, mɔgɔ si tena se ka lɔ a ɲa. A bena taga sigi jamana diman na, min ka di ni jamanaw bɛɛ ye. O y'a sɔrɔ a ye cɛnni kɛ ka tɛmɛ.

Daniyɛli 11:3

Kɛlɛmasa dɔ bena kɛ jamanaba dɔ ka masa ye. Koo min man'a diya, a bena o le kɛ.

Daniyɛli 11:37

Masacɛ nin ten'a faaw ka joow boɲa, joo min koo ka di musow ye, a fana tena o boɲa, walima batofɛn wɛrɛ si. A ben'a yɛrɛ boɲa ni batofɛnw bɛɛ ye.

Daniyɛli 12:7

Faniɲumantigi min tun lɔnin be baji sanfɛ, ne y'ale kaan mɛn. A y'a kinibolo, n'a numanbolo kɔrɔta sanfɛ ka kali ko: «Ala kama! Ale min be yen tuma bɛɛ, koo minw be kɛra, o bena kɛ fɔɔ saan saba ni tilan. Ni Ala ka jama barika dɛsɛra pepewu tuma min na, koo nunu bɛɛ bena kɛ ka ban o tuma na le.»

Daniyɛli 2:47

Masacɛ y'a fɔ a ye ko: «Tiɲɛ na, aw ka Ala ka bon ni batofɛnw bɛɛ ye, masaw ka Masa lo. Kodogoninw yirabaga lo. Bari, i y'o koo kodogonin nin yira ne la.»

Daniyɛli 5:19

A ye boɲa min d'a ma, o le kɛra sababu ye siyaw bɛɛ, ni maraw bɛɛ mɔgɔw tun be yɛrɛyɛrɛ a ɲafɛ siranya bolo. N'a tun b'a fɛ ka mɔgɔ min faga, a b'o faga. N'a tun b'a fɛ ka min to nii na, a b'o to. N'a tun b'a fɛ ka mɔgɔ min kɛ mɔgɔbaba ye, a b'o kɛ. N'a tun b'a fɛ ka min majigi, a b'o majigi.

Daniyɛli 5:20

Nga a dusu nana gwɛlɛya, yɛrɛboɲa donn'a la. O tuma na, a gwɛnna ka bɔ masaya la, a ka dawula banna.

Daniyɛli 7:8

Ka n to o gɔɔn nunu filɛli la, gɔnfitini dɔ bɔra u cɛma. Ale kosɔn, gɔɔn nunu saba bɔnna ka bɔ yen. Ɲadenw tun be ale gɔɔn nin fɛ i n'a fɔ mɔgɔ ɲadenw. Daa tun b'a fɛ ka kumababaw fɔ.

Daniyɛli 8:19

A ko: «Koo min bena kɛ Ala ka dimi banwaati la, n bena o fɔ i ye. Bari, o labanlon sigira ka ban.

Daniyɛli 8:4

Sagajigi nin tun be tufari kɛ n'a gɔɔnw ye tileben, ni kɔgɔdugu ɲafan na, ani worodugu ɲafan fɛ. Sogo si tun te se ka lɔ a ɲa, mɔgɔ si tun te se k'u bɔsi a fɛ. Koo min tun ka d'a ye, a tun b'o le kɛ. A fana tun be see sɔrɔla ka taga.

Jakariya 11:16

Bari, ne bena sagadɛndɛbaga dɔ bila jamana kunna. Saga minw be ɲini ka sa, a ten'a janto olu la, minw mana tunu, a tena olu ɲini, minw mana mandimi, a tena olu furakɛ, minw ka kɛnɛ, a tena janto olu la. Minw tulɔtulɔnin lo, a bena olu le faga k'o ɲimi fɔɔ k'u sɔnnifara ci.

Yuhana 5:30

Ne te se ka foyi kɛ n yɛrɛ ma. Ne be min mɛn, ne be kiti tigɛ ka kɛɲɛ n'o le ye. Ne ka kiti fana tilennin lo. Bari ne te n yɛrɛ sago kɛra fɔɔ ne cibaga sago.»

Yuhana 6:38

Ne bɔra sankolo la ka na diɲɛ na n cibaga sago kɛli kama, n'o tɛ ne ma na n yɛrɛ sago kama.

Kɛwalew 4:28

Ayiwa, i tun ye koo minw bɛɛ latigɛ, u y'o bɛɛ kɛ.

Sariya 10:17

bari batofɛn bɛɛ ka Ala lo, matigiw ka Matigi lo, a ka bon, see b'a ye, siranyafɛn lo. A te mɔgɔ woloma, boɲafɛn t'a ɲagami.

Tes 2nan 2:3

Aw kana la u la, bari murutili bena kɛ Ala ma fɔlɔ, mɔgɔjugu k'a yɛrɛ yira, ale min labɛnnin be halakili kama.

Tes 2nan 2:4

Ale bena wili batofɛnw bɛɛ kama k'a yɛrɛ boɲa ka taga sigi Alabatosoba kɔnɔ k'a yɛrɛ kɛ Ala ye.

Tes 2nan 2:8

O la, mɔgɔjugu nin b'a yɛrɛ yira, an Matigi Yezu ben'a halaki a dalafɔɲɔ fɛ, k'a kɛ a be tunu pewu n'a ka nali nɔɔrɔ ye.

Yosuwe 22:22

«Setigi Ala, Masaba! Setigi Ala, Masaba b'a lɔn, ani Isirayɛlidenw ben'a lɔn fana. Ni murutiko lo, walima ni kojugu lo n'an y'a kɛ Masaba la, a kana an to bii.

Yirari 10:7

Nga ni mɛlɛkɛ wolonwulanan y'a ka buru fiyɛ loon min na, Ala ben'a ka koo dogonin dafa o loon na, i n'a fɔ a tun ya fɔ a ka kiraw ye cogo min na.»

Yirari 12:14

Nga Ala ye gaman di muso ma, ko a ka van ka taga kongokolon kɔnɔ yɔrɔ dɔ la, min tun labɛnna a ye. A bena to yen n'a b'a daradumuni sɔrɔ fɔɔ saan saba ni tilan. Ale ni saa yɔrɔ jaɲanin bena to ɲɔgɔn na.

Yirari 13:1

N ye Sogo dɔ bɔtɔ ye kɔgɔji la, a kungolo ye wolonwula ye, a gɔɔn ye tan ye. Masafugulan b'a gɔɔn nunu kelen kelen bɛɛ la. Ala tɔgɔcɛn kuma sɛbɛnnin b'a kuun kelen kelen bɛɛ kan.

Yirari 17:17

Bari, Ala le ye ŋaniya kelen d'u ma waasa u k'u ka fanga fara ɲɔgɔn kan ka baara kɛ sogo nin ye fɔɔ Ala ka kuma fɔnin bɛɛ ka dafa.

Yirari 17:3

O tuma na, Nii Senuman jigira ne kan, mɛlɛkɛ ye ne ta ka taga ni ne ye fɔɔ kongokolon dɔ la. O yɔrɔ la, ne ye muso dɔ siginin ye sogo wuleman dɔ kan. Sɛbɛli tun b'a yɔrɔ bɛɛ la, minw ye Ala tɔgɔcɛn kuma ye. A kuun tun ye wolonwula ye, gɔɔn tan.