Daniyɛli 11:35 - ALA KA KUMA

³⁵ Hakilitigi nunu dɔw bena sa, janko mɔgɔ dɔw ka koo be yɛlɛma, u be saniya, u be kɛ jalakibaliw ye fɔɔ ka taga se laban waati ma. Bari o loon bena se a sewaati la.

Jula NT of Côte d’Ivoire

³⁵ O kolɔnbaga minw tugura Ala kɔ, o bɛna olugu dɔw faga. Olugu ta saya le bɛna kɛ sababu ye, ka Ala ta mɔgɔw saninya, ka o gbɛ, fɔ ka taga wagati laban se; sabu wagati min latigɛra, o ma se ban.

Daniyɛli 11:35 Iomraidhean Croise

Lok 2nan 32:31

Kabako min tun kɛra jamana kɔnɔ, Babilɔni ɲamɔgɔw y'u kuntigi dɔw ci Ezekiyasi fɛ ka ɲiningali kɛ o la tuma min na, Ala y'a to a yɛrɛ ma k'a kɔrɔbɔ ka se k'a kɔnɔnako bɛɛ lɔn.

Zanaw 17:3

Warigwɛ ni sanu be sɛgɛsɛgɛ tasuma kɔnɔ. Nga Masaba le be adamaden dusu sɛgɛsɛgɛ.

Ezayi 27:9

A kɛra ten, Isirayɛlidenw ka kojugu bɛɛ bena yafa u ma. U ka hakɛw yafako bena na ni fɛɛn min ye, o filɛ: U bena sɔnnikɛyɔrɔw kabakuruw bɛɛ mugumugu i ko u be bɔgɔgwɛ kɛ cogo min na. *Asera jaa si tutunin tena ye tugu, wusulan jɛniyɔrɔ si tena to yen.

Daniyɛli 11:27

Masacɛ fila nunu bena sigi dumuni kelen kunna. U kɔnɔ finnin bena galon tigɛ ɲɔgɔn ye. Nga u ka kolatigɛninw tena u si nafa, bari labanlon min sigira, o bena se a waati la.

Daniyɛli 11:29

«Ni waati sera, a bena kɔsegi ka taga worodugu ɲafan kɛlɛ. Nga o ni fɔlɔta tena kɛ kelen ye.

Daniyɛli 11:33

«Minw ye hakilitigiw ye u cɛma, olu bena mɔgɔ caaman kalan. Nga waati dɔ la, u bena u dɔw faga ni murujan ye, ka dɔw jɛni, ka dɔw minɛ jɔnya la, ka dɔw bololafɛnw ta.

Daniyɛli 11:40

«Ni laban waati sera, worodugu ɲafan fɛ masacɛ bena kɛlɛ daminɛ n'a ye. Nga kɔgɔdugu ɲafan fɛ masacɛ bena girin a kan ni kɛlɛkɛwotorow ye, ni sotigiw, ani kurun caaman ye. U bena yɛrɛkɛ ka taga don jamana caaman na i n'a fɔ baa min fara ka yɛrɛkɛ.

Daniyɛli 12:3

Minw ye lɔnnikɛlaw ye, ani minw be mɔgɔw kalan tilenninya la, olu ka koo bena ɲa kosɔbɛ, u bena manamana tuma bɛɛ i n'a fɔ lolow.

Daniyɛli 12:4

Ele Daniyɛli kɔni ka kuma nin kɛ gundo ye. I kana sɛbɛ nin kɔnɔnakuma fɔ mɔgɔ si ye fɔɔ laban waati ka se. Mɔgɔ caaman ben'a kalan ka hakili sɔrɔ.»

Daniyɛli 8:10

A boɲana ten fɔɔ ka se sankolo kɔnɔ fɛɛnw ma, k'o dɔw ben, ani lolo dɔw k'u dɔndɔn.

Daniyɛli 8:17

Ne lɔnin tun be yɔrɔ min na, a gwɛrɛla ne la o tuma na. A setɔ, ne benna ka n ɲaa biri duguma siranyakojugu fɛ. A y'a fɔ n ye ko: «Adamaden, i k'a faamu ko i ye koo min ye, o be laban waati le koo fɔra.»

Daniyɛli 8:19

A ko: «Koo min bena kɛ Ala ka dimi banwaati la, n bena o fɔ i ye. Bari, o labanlon sigira ka ban.

Daniyɛli 9:27

Saan wolonwula kɔnɔ, a ben'a ka fanga la mɔgɔ caaman kan, o saan wolonwula tilancɛ kɔnɔ, a bena saraka bɔko daa faga, suman saraka bɔko bena dabila. Cɛnnikɛla nin ben'a ka baarajugu kɛ teliya la, fɔɔ halakili min tun latigɛra ka na cun a kan.»

Habakuki 2:3

Bari, koo min lo, a n'a kɛwaati lo, waati surunyana ka ban, siga t'a la. Hali n'a mɛnnin be i ɲana, e k'a kɔnɔ. A bena na se wajibi, siga t'a la.

Jakariya 13:9

O tilan kelen nin, n bena o don tasuma kɔnɔ. U be warigwɛ yelen k'a nɔgɔ bɔ cogo min na, ne bena u kɛ ten. Sanu be sɛgɛsɛgɛ cogo min na, ne bena u ka koo sɛgɛsɛgɛ ten. U bena ne wele, ne bena u jaabi. Ne bena u wele ko: ‹Ne ka mɔgɔw.› Olu ben'a fɔ ko: ‹Masaba le ye an ka Ala ye.› »

Matiyu 16:17

Yezu y'a fɔ a ye ko: «Zonasi dencɛ Piyɛri, i dagamunin lo, bari mɔgɔ si ma nin fɔ i ye, nga ne Faa min be sankolo la, o le y'o lɔnniya d'i ma.

Matiyu 26:56

Nga, o koo bɛɛ kɛra waasa min fɔra kiraw ka sɛbɛw kɔnɔ, o ka dafa.» O la, kalandenw bɛɛ bolila k'a to.

Yuhana 15:2

Bolo minw bɛɛ te deen kɛ, a bena olu tigɛ k'o bɔ yen. Ni bolo min be deen kɛ, a bena olu gɛrɛfɛ bolo misɛmanw bɔ, janko a ka se ka deen caaman kɛ ka tɛmɛ fɔlɔ kan.

Yuhana 20:25

Kalanden tɔw y'a fɔ a ye k'olu ye Matigi ye. Nga a y'a fɔ u ye ko n'ale ma puwɛnti nɔɔ ye a tigɛ la, k'a bolokunnaden don o woo la, k'a don a gɛrɛn ta la, ko ale tena la o la.

Kɛwalew 13:13

Pɔli n'a taamaɲɔgɔn, ye kurun ta ka taga ɲa, ka baa tigɛ ka se Pɛrize, Panfili jamana na. K'u to o yɔrɔ la, Zan Mariki kɔsegira Zeruzalɛmu.

Sariya 8:16

A ye maanɛ di aw ma o kongokolon nin kɔnɔ, aw bɛmaw tun te dumuni min lɔn, ko aw k'o dumu janko k'aw majigi ani k'aw kɔrɔbɔ, waasa ka se ka koɲuman kɛ aw ye sini.

Yakuba 1:2

N badenw, kɔrɔbɔli sifa o sifa mana se aw ma, aw k'aw yɛrɛ jati mɔgɔdagamuninw ye.

Yirari 14:15

Ayiwa, mɛlɛkɛ dɔ wɛrɛ bɔra Alabatosoba kɔnɔ, k'a kaan kɔrɔta k'a fɔ sankaba kan sigibaga ye ko: «Kanni kɛ n'i ka wɔrɔsɔ ye, bari dugukolo suman mɔna, a kantuma sera.»

Yirari 17:17

Bari, Ala le ye ŋaniya kelen d'u ma waasa u k'u ka fanga fara ɲɔgɔn kan ka baara kɛ sogo nin ye fɔɔ Ala ka kuma fɔnin bɛɛ ka dafa.

Yirari 2:10

Tɔɔrɔ min bena aw sɔrɔ, aw kana siran o ɲa. Ayiwa, aw cɛma, mɔgɔ damani bena kaso kɛ Sutana sababu la. A bena o kɛ k'aw kɔrɔbɔ. Aw bena tɔɔrɔ tile tan kɔnɔ. Aw ka kɛ kantigiw ye fɔɔ ka taga se saya ma, n'o kɛra, aw bena nii banbali sɔrɔ ne barika la.

Yirari 7:14

N y'a jaabi ko: «E le b'o lɔn matigi.» A ko ne ma: «Minw bɔra tɔɔrɔba nin na, n'u y'u ka faniw ko ka gwɛ Sagaden joli la, olu lo.