Daniyɛli 11:33 - ALA KA KUMA

³³ «Minw ye hakilitigiw ye u cɛma, olu bena mɔgɔ caaman kalan. Nga waati dɔ la, u bena u dɔw faga ni murujan ye, ka dɔw jɛni, ka dɔw minɛ jɔnya la, ka dɔw bololafɛnw ta.

Jula NT of Côte d’Ivoire

³³ Olugu ra minw ye kolɔnbagaw ye, olugu bɛna mɔgɔ tɔw caman karan Ala ta sariya ra. Nka o bɛna olugu dɔw faga, ka dɔw jɛni, ka dɔw borofɛnw bɛɛ bɔsi o boro, ka o bla kaso ra.

Daniyɛli 11:33 Iomraidhean Croise

Daniyɛli 12:10

Mɔgɔ caaman bena saniya, u be kɛ jalakibaliw ye, u ka koo be yɛlɛma. Mɔgɔjuguw bena taga n'u ka juguya ye ɲa, u si tena foyi faamu. Nga hakilitigiw kɔni bena faamuli kɛ.

Malaki 2:7

Bari, lɔnniyakuma be sarakalasebagaw le daa la. Mɔgɔw be ne koow lɔnniya ɲini ale lo fɛ, sabu ne Masaba, Setigi ka ciden lo.

Matiyu 10:21

Mɔgɔ dɔw bena kɛ sababu ye u balimaw be faga. Dɔw bena u deenw faga. Deen dɔw bena wili u wolobagaw kama k'u faga.

Matiyu 13:11

A y'u jaabi ko: «Aw kɛra Ala ka masaya gundo lɔnbagaw ye, nga a lɔnniya ma di tɔw ma,

Matiyu 20:23

Yezu y'a fɔ u ye ko: «Aw kɔni bena o tɔɔrɔ muɲu. Nga ka sigi ne kinibolo, walima ne numanbolo fɛ, ne t'o latigɛbaga ye. N Faa y'o yɔrɔw labɛn minw ye, u bena di olu le ma.»

Matiyu 24:9

U bena tɔɔrɔ la aw kan, u bena aw faga, Alalɔnbaliw bɛɛ bena aw kɔniya ne tɔgɔ kosɔn.

Matiyu 28:20

k'u kalan, waasa u ka ne ka kuma bato. Ne kɔni bena to n'aw ye loon o loon fɔɔ ka taga diɲɛ wili.»

Yuhana 16:2

U bena aw gwɛn ka bɔ kalansow kɔnɔ, waati dɔ bena se, mɔgɔ minw bena aw faga, olu bena miiri k'u ye Ala sago le kɛ.

Kɛwalew 11:26

A y'a ye, u nana ɲɔgɔn fɛ Antiyɔsi. U ye saan kelen kɛ ɲɔgɔn fɛ o yɔrɔ la ni Krista ka jama ye. U ye mɔgɔ caaman kalan ni Ala ka kuma ye. Ka Yezu ka kalandenw wele kretinyɛw, o daminɛna Antiyɔsi le.

Kɛwalew 14:21

Pɔli ni Barinabasi ye kibaru diman fɔ Dɛribekaw ye, ka kalanden caaman sɔrɔ. O kɔ, u segira ka taga Lisitɔrɔ, ka bɔ yen ka taga Ikoniyɔmu, ani Antiyɔsi.

Kor fɔlɔ 4:9

Bari ne be miiri ko Ala y'an cidenw kɔni bila mɔgɔ bɛɛ kɔfɛ, i n'a fɔ mɔgɔ minw ka kan ka faga. O la, an kɛra diɲɛ bɛɛ ka tolonkɛfɛn ye, k'a ta mɛlɛkɛw ma fɔɔ ka taga bila adamadenw ma.

Tim 2nan 1:12

O le kosɔn, ne be tɔɔrɔ nunu muɲuna. Nga o ma kɛ maloyako ye ne fɛ, bari ne ye n jigi la min kan, ne b'ale lɔn, ani ne lanin b'a la ko ne jigi be min kan, see b'a ye k'o mara n ye fɔɔ laban loon na.

Tim 2nan 4:6

Ne yɛrɛ kɔni, ne kɛra saraka ye Ala ma ka ban, waati sera ne ka bɔ diɲɛ na.

Heburuw 11:34

tasuma dɛsɛra u kɔrɔ, u kisira murujan ma, u ye barika sɔrɔ bana sɔrɔnin kɔ. U kɛra kɛlɛdenŋanaw ye, u y'u juguw gwɛn.

Yirari 1:9

An minw kɛra masadenw ye n'an be tɔɔrɔ muɲuna Yezu kosɔn, ne Zan, aw baden, ne tun be jamanadennin dɔ la kɔgɔji cɛma min tɔgɔ ko Patimɔsi, Ala ka kuma ni Yezu seereya kama.

Yirari 17:6

Ne y'a ye ko muso nin tun fanin lo Ala ka mɔgɔw ni Yezu seerew joli la. O tun ye ne kabakoya fɔɔ ka tɛmɛ.

Yirari 2:13

Aw be dugu min na, ne y'a lɔn ko Sutana ka masasigilan b'o yɔrɔ la. O n'a ta bɛɛ, aw nɔrɔnin bɛ ne la, aw ma tigɛ ne la. U ye ne ka seereɲuman Antipasi faga aw fɛ loon min na, hali o waati la, aw m'aw jigi bɔ ne kan k'aw to Sutana ka sigiyɔrɔ nin na.

Yirari 6:9

Sagaden ye taamasiɲɛ duurunan bɔ tuma min na, u tun ye mɔgɔ minw faga Ala ka kuma, n'u ka seereya kosɔn, ne ye olu ye sarakabɔlan jukɔrɔ.

Yirari 7:14

N y'a jaabi ko: «E le b'o lɔn matigi.» A ko ne ma: «Minw bɔra tɔɔrɔba nin na, n'u y'u ka faniw ko ka gwɛ Sagaden joli la, olu lo.