Daniyɛli 11:18 - ALA KA KUMA

¹⁸ O kɔ, a ben'a ɲaa sin jii cɛma dugukolow la k'u caaman minɛ. Nga kɛlɛmasa dɔ le ben'a ka yɛrɛboɲako ban, k'a ka koo kɛninw juru sara a la.

Jula NT of Côte d’Ivoire

¹⁸ O kɔ, a bɛna yɛlɛma kɔgɔji kɔfɛjamanaw kama, ka o caman kɛrɛ ka se sɔrɔ o kan. Nka jamana dɔ ta kuntigi bɛna a kɛrɛ, k’a ta mafiyɛnyari lalɔ, k’a ta wasoya ben a yɛrɛ kan.

Daniyɛli 11:18 Iomraidhean Croise

Ɛsitɛri 10:1

O kɔ, masacɛ Sɛrisɛsi ye lɛnpo dɔ sarako latigɛ a ka jamana kɔnɔ mɔgɔw ye fɔɔ ka taga se kɔgɔji cɛma dugukolow la, ani yɔrɔ wɛrɛw.

Ezayi 66:19

«Ne bena taamasiɲɛ bila u cɛma. Minw bena kisi n ka kiti kɔfɛ, n bena olu ci Tarisisi jamana la, ni Puti, ani Ludi, minw be se kalabon na, ni Tubali, ni Yaban ani jii cɛma dugukolo minw be yɔrɔjan, minw ma deli ka ne koo mɛn, u ma deli ka n ka sebagaya ye. U bena n ka sebagaya koo fɔ siya wɛrɛw ye.

Yeremi 2:10

Aw ka taga kɔlɔsili kɛ Kitimu mara la, aw ka mɔgɔw ci ka taga ɲiningali kɛ ka ɲa Kedari mara la, k'a filɛ n'u be aw ta ɲɔgɔn kɛ:

Yeremi 31:10

Siya wɛrɛw ka mɛnni kɛ Masaba ka kuma na. A ka fɔ jidala jamanajanw na ko: ‹Min ye Isirayɛlidenw jɛnsɛn, ale lo bena u lajɛn. A bena u kɔlɔsi i ko begɛndɛndɛbaga b'a ka begɛnw kɔlɔsi cogo min na.›

Ezekiyɛli 27:6

U y'i ka jifasananw dilan ni *Basan mara joyiribabaw ye, u y'i kɔnɔna yɔrɔ dilan ni sipɛrɛyiriw ye ka bɔ Sipɔrɔ dugukolo kan, jii cɛma, ka samaɲin dondon u la.

Oze ta kitabu 12:14

Nga, Masaba ye Isirayɛlidenw bɔ Ezipiti jamana na kira sababu la. Isirayɛlidenw kɔlɔsibaga tun ye kira ye.

Sofoni 2:11

Masaba ben'a ka fariya yira u la, a bena joow bɛɛ halaki ka bɔ yen. O la, jamana bɛɛ mɔgɔw bena u kunbiri gwan Masaba ye, u kelen kelen bɛɛ bena u kunbiri gwan u yɛrɛw ka dugukolo kan.

Matiyu 7:2

Aw be tɔw kiti cogo min na, Ala bena aw kiti ten. Aw be tɔw ta suma ni sumanikɛfɛn min ye, Ala fana bena aw ta suma n'o le ye.

Kititigɛbagaw 1:7

A y'a fɔ ko: «Masacɛ bi wolonwula bolokunnadenbaw ni senkunnadenbaw tigɛninw le tun be to ka ne ka dumuni murumuruw tɔmɔ duguma. Ne ye fɛɛn min kɛ, Ala y'o ɲɔgɔn le juru sara ne ye.» U y'a minɛ ka taga n'a ye Zeruzalɛmu, a sara o yɔrɔ la.