Daniyɛli 10:8 - ALA KA KUMA

⁸ Ne kelen tora yen, ka to ka koba nin filɛ. Ne fanga bɛɛ banna. Ne ɲada yɛlɛmana ka fin cogo dɔ la. Barika si tun te ne la tugu.

Jula NT of Côte d’Ivoire

⁸ Ne kelen le lɔnin tora ka kɛ o tagamasiyɛnba flɛ ye. Ne fari bɛɛ nana kɛ magaya ye, ka ne ɲada cogo yɛlɛma, ka ne baraka bɛɛ ban.

Daniyɛli 10:8 Iomraidhean Croise

Damina 32:31

Yakuba y'o yɔrɔ tɔgɔ la ko Penuyɛli, bari a ko: «Ne ɲaa lara Ala yɛrɛ le kan, o bɛɛ n'a ta, ne ma sa.»

Bɔri 3:3

O la, a ko: «Ne bena taga kabako nin filɛ k'a lɔn mun kama tuu te jɛnina.»

Daniyɛli 10:16

Nga, dɔ magara ne dagolo la. Ale tun bɔnin be adamaden fɛ. Ne sera ka kuma. Min tun lɔnin be ne ɲafɛ, n y'a fɔ ale ye ko: «Ne matigi, ne ye yelifɛn min ye, o ye n dusu kasi fɔɔ ne fanga bɛɛ banna.

Daniyɛli 10:17

Ne min ye i ka jɔncɛ ye, ne bena se ka mun le fɔ n matigi ɲakɔrɔ? Sabu, barika si te ne la, ne ninakili degunnin lo.»

Daniyɛli 7:28

«O kuma nin danna yan. O miiriya nunu ye ne Daniyɛli hakili ɲagami kojugu fɔɔ n ɲaa cogo yɛlɛmana. Nga ne y'o mara n kɔnɔ.»

Daniyɛli 8:27

O ye ne Daniyɛli barika ban, fɔɔ ka ne bana tile fila. Ne wilinin kɔ, ne tora ka baara kɛ masacɛ ye. Siranya tun be ne la kosɔbɛ yelifɛn nin kama, ne tun te foyi faamuyara.

Daniyɛli 8:7

A gwɛrɛl'a la tuma min na, a dimin'a kɔrɔ kosɔbɛ. A y'a tufa k'a gɔɔn fila kari. Sagajigi ma fanga sɔrɔ ka lɔ a ɲa. A y'a ta k'a ben, k'a dɔn. Mɔgɔ si ma sɔrɔ min be se k'a bɔsi a fɛ.

Habakuki 3:16

Ne y'o mɛn, ne kamana gwanna. Mankan nin fɛ, ne daa tora ka yɛrɛyɛrɛ. Ne kolow bɛɛ magayara, n seen tora ka yɛrɛyɛrɛ. Ala bena an tɔɔrɔbagaw ɲaa gwan loon min na, ne ka kan ka n hakili sigi k'o loon nin kɔnɔ.

Matiyu 17:6

Kalanden saba nunu y'o kuma mɛn minkɛ, u lara k'u ɲaa biri duguma, bari u tun siranna kosɔbɛ.

Marika 9:6

Piyɛri tun ka kan ka min fɔ, a m'o lɔn bari olu kalandenw tun siranna kosɔbɛ.

Yuhana 16:32

Ayiwa, waati dɔ bena se, o waati nin yɛrɛ sera ka ban, aw bena jɛnsɛn, bɛɛ n'a taayɔrɔ, ka ne kelen to, nga ne tena to n kelen bari n Faa be ni n ye.

Kor 2nan 12:7

Balabu dɔ ye ne sɔrɔ, a nana i n'a fɔ Sutana ka ciden waasa ne ye kabako minw ye, ne kana se ka ne yɛrɛ boɲa olu kosɔn.

Yirari 1:17

Ne ɲaa lara a kan tuma min na dɔrɔn, ne benn'a kɔrɔ ka kirin. Nga a y'a kinibolo la ne kan k'a fɔ ko: «Kana siran, ne le ye fɔlɔ ani laban ye.