Daniyɛli 10:5 - ALA KA KUMA

⁵ Ne ye n ɲaa kɔrɔta ka filɛli kɛ, ne ye cɛɛ dɔ lɔnin ye. Faniɲuman b'a kaan na, a ka cɛsirilan ye sanu yɛrɛyɛrɛ ye.

Jula NT of Côte d’Ivoire

⁵ Ne ka ne ɲa kɔrɔta ka flɛri kɛ minkɛ, ne ka cɛ dɔ lɔnin ye, lɛnfani derege b’a ra, a cɛsirinin bɛ ni cɛsirinan min ye, o ye Ufazi sanin yɛrɛworo ye.

Daniyɛli 10:5 Iomraidhean Croise

Ezayi 11:5

Tilenninya bena kɛ a ka cɛsirilan ye, kantigiya bena kɛ a cɛsirifɛn ye.

Yeremi 10:9

U be bɔ ni warigwɛ pɛnpɛrɛninw ye Tarisisi, ka bɔ ni sanu ye Ufazi. Nigɛbaarakɛla b'o baara, numu b'o lalaga, a b'o masiri ni jese bulalaman, ani jesewulen ye. O bɛɛ ye baaralɔnbaga bulonɔ ye.

Ezekiyɛli 9:2

Ayiwa, Alabatoso donda min be sanfɛ, kɔgɔdugu ɲafan fɛ, ne ye mɔgɔ wɔɔrɔ natɔ ye ka bɔ o faan fɛ, u kelen kelen bɛɛ n'a ka kɛlɛkɛminan ye u bolo. Mɔgɔ dɔ tun be u cɛma, fani ɲanaman be o kaan na, sɛbɛnnikɛminanw tun b'a gɛrɛn na. U donna ka lɔ sarakabɔyɔrɔ ziralaman gɛrɛfɛ.

Jakariya 1:8

Ne ye koo dɔ ye o loon sufɛ. Cɛɛ dɔ tun be soo wuleman kan. A lɔnin tun be yirininw cɛma, minw be wele ko miriti, kɔkɛnɛ dɔ la. Soo wɛrɛw tun b'a kɔfɛ: dɔw ye wulemanw ye, dɔw ma wulen kosɔbɛ, dɔw ye gwɛmanw ye.

Ɛfɛsikaw 6:14

Aw ye jija ka tiɲɛ kɛ aw ka cɛsirilan ye, ani tilenninya ka kɛ aw ka nigɛkunbɛnnan ye.

Yosuwe 5:13

Zozuwe tun be Zeriko gɛrɛfɛ, a ko a be filɛli kɛ dɔrɔn, a ye mɔgɔ dɔ lɔnin ye a gɛrɛfɛ, murujan b'a bolo, a foroko b'a gɛrɛn na. Zozuwe gwɛrɛl'a la k'a ɲininga ko: «I be anw kɔ wa, walima anw jugu kɔ?»