Daniyɛli 10:16 - ALA KA KUMA

¹⁶ Nga, dɔ magara ne dagolo la. Ale tun bɔnin be adamaden fɛ. Ne sera ka kuma. Min tun lɔnin be ne ɲafɛ, n y'a fɔ ale ye ko: «Ne matigi, ne ye yelifɛn min ye, o ye n dusu kasi fɔɔ ne fanga bɛɛ banna.

Jula NT of Côte d’Ivoire

¹⁶ Ne ka cɛ dɔ ye tuun, a bɛ i ko adamaden, a nana maga ne dagbolow ra. O kɛra minkɛ, ne sera ka kuma. Ne kumana o tigi fɛ k’a fɔ a ye ko: ‹Ne matigicɛ, ne ka fɛn min ye o ka siranya bla ne ra, fɔ ka ne baraka ban.

Daniyɛli 10:16 Iomraidhean Croise

Bɔri 4:10

Musa y'a fɔ Masaba ye ko: «Ee, Masaba! Kabini waatijan, ne te se kuma na kosɔbɛ. Kabini i kumana i ka jɔɔn fɛ fana, ne te se ka kuma. Ne nɛnkun ka gwili.»

Bɔri 4:13

Nga Musa ko: «Ee, Masaba, i ka mɔgɔ wɛrɛ ci min ka d'i ye.»

Waajurikɛbaga 1:18

Bari lɔnniyaba be na ni sigɛnba ye. Mɔgɔ min ka lɔnniya boɲana, o ka tɔɔrɔ fana be boɲa.

Ezayi 6:7

A y'a maga ne daa la k'a fɔ ko: «Nin magara i daa la minkɛ, kabini sisan i ka kojuguw kunko bɔra i kan. I filila koo minw na, i y'o yafa sɔrɔ.»

Yeremi 1:9

O kɔfɛ, Masaba y'a bolo kɛ ka maga ne daa la k'a fɔ ko: «O la, ne be ne ka kuma don i daa la.

Ezekiyɛli 1:26

Fɛɛn dɔ tun be furancɛ nin sanfɛ. O tun be i n'a fɔ masasigilan min dilanna ni kabakuru bulaman ye. Sigilan nin kan, fɔɔ sanfɛ, fɛɛn dɔ tun be yen i n'a fɔ adamaden.

Ezekiyɛli 3:27

Nga ni ne nana kuma i fɛ tuma min na, ne bena i nɛɛn foni, i ben'a fɔ u ye ko: ‹Matigi, Masaba ko: Mɔgɔ o mɔgɔ b'a fɛ ka mɛnni kɛ, o tigi k'a tulo malɔ. Ni min t'a fɛ ka mɛnni kɛ, o tigi kan'a tulo malɔ. Bari siya murutinin lo.›

Ezekiyɛli 33:22

Sanni cɛɛ nin ka se ne fɛ, o y'a sɔrɔ Masaba ka sebagaya tun sera ne ma ka ne daa foni kunu wulafɛ ɲɔgɔn. Dugu gwɛra sɔgɔma, cɛɛ nin nana tuma min na, ne bɔra boboya la, ne sera ka kuma.

Daniyɛli 12:8

Ne Daniyɛli kɔni tun be kuma nunu mɛnna. Nga ne tun ma u faamu. O la, ne ye ɲiningali kɛ ko: «N matigi, o koo nunu bɛɛ bena laban cogo di?»

Daniyɛli 4:19

o yiri nin ye ele masacɛ le ye! Bari, i kɛra mɔgɔbaba ye, ka kɛ fangatigi ye. I jaɲana ka se sankolo ma, i ka masaya sera fɔɔ dugukolo daan na.

Daniyɛli 7:15

«Ne Daniyɛli nii tɔɔrɔla, n ka fɛɛn yeta nunu ye n hakili ɲagami.

Daniyɛli 7:28

«O kuma nin danna yan. O miiriya nunu ye ne Daniyɛli hakili ɲagami kojugu fɔɔ n ɲaa cogo yɛlɛmana. Nga ne y'o mara n kɔnɔ.»

Daniyɛli 8:15

Ka ne Daniyɛli to yelifɛn nin filɛli n'a kɔrɔ jatiminɛ na, ne ye fɛɛn dɔ lɔnin ye n ɲakɔrɔ. A tun be i n'a fɔ mɔgɔ.

Daniyɛli 8:17

Ne lɔnin tun be yɔrɔ min na, a gwɛrɛla ne la o tuma na. A setɔ, ne benna ka n ɲaa biri duguma siranyakojugu fɛ. A y'a fɔ n ye ko: «Adamaden, i k'a faamu ko i ye koo min ye, o be laban waati le koo fɔra.»

Daniyɛli 8:18

A tun be kumana ne fɛ tuma min na, ne tun kirinna ka n ɲaa birinin to duguma. Nga a magara ne la, ka ne minɛ ka wili ka lɔ.

Daniyɛli 8:27

O ye ne Daniyɛli barika ban, fɔɔ ka ne bana tile fila. Ne wilinin kɔ, ne tora ka baara kɛ masacɛ ye. Siranya tun be ne la kosɔbɛ yelifɛn nin kama, ne tun te foyi faamuyara.

Daniyɛli 9:21

Ka n to daalili la, ne tun kɔnna ka mɛlɛkɛ Gabiriyɛli min ye n ka koyeta fɔlɔ la, ale vanna ni barika ye ka na se n fɛ wulafɛ sarakabɔtuma ɲɔgɔn na.

Luka 1:64

O yɔrɔnin bɛ, Zakari ka boboya banna, a y'a daminɛ ka kuma ka Ala tanu.

Luka 21:15

bari ne yɛrɛ bena hakilitigiya kuma don aw daa la fɔɔ aw jugu si tena se k'aw sɔsɔ, walima k'aw ka kuma kɔɔ kari.

Yuhana 20:28

Toma y'a fɔ a ye ko: «Ne Matigi ni n ka Ala!»

Yosuwe 5:14

Cɛɛ ye Zozuwe jaabi ko: «Ayi, ne ye Masaba ka kɛlɛdenw ɲamɔgɔ ye, ne nana sisan le.» Zozuwe y'a kunbiri gwan k'a ɲaa biri duguma, k'a boɲa ani k'a fɔ a ye ko: «Ne Matigi b'a fɛ ka mun le fɔ a ka baarakɛla ye?»

Yirari 1:13

Fɛɛn dɔ tun be fitinɛ nunu cɛma, o fɛɛn nin bɔnin tun be adamaden fɛ. Foroca tun b'a kaan na, sanu cɛsirilan tun b'a disi la.

Kititigɛbagaw 13:8

O tuma na, Manowa ye Masaba daali ko: «Masaba, i k'a kɛ Ala ka mɔgɔ nin ka kɔsegi ka na an fɛ tugu, e tun ye min ci, janko deen min bena wolo, a k'ale balocogo yira an na.»

Kititigɛbagaw 6:13

Zedeyɔn y'a fɔ a ye ko: «N matigi, ni Masaba be ni anw ye, mun na koo nunu y'an sɔrɔ? An faaw ye kabako minw bɛɛ fɔ an ye, o be min? U tun be to k'a fɔ ko Masaba le ye olu bɔ Ezipiti jamana na. Masaba do y'an bila sisan, k'an don Madiyanw bolo.»

Kititigɛbagaw 6:15

Zedeyɔn y'a fɔ a ye ko: «Matigi, ne bena se ka Isirayɛlidenw bɔsi cogo di? Ne ka fadenyabolo mɔgɔw le ka dɔgɔ Manase kɔmɔgɔw la, ne fana le ye dɔgɔ ye n faa ka somɔgɔw cɛma.»