Daniyɛli 10:14 - ALA KA KUMA

¹⁴ Ayiwa, e ka siya ka koo bena kɛ cogo min na loon nataw la, ne nana yan waasa k'o yira i la e k'a faamu, bari koo yirata kelen be yen o loonw kama.»

Jula NT of Côte d’Ivoire

¹⁴ Min bɛna kɛ i yɛrɛ ta jamana mɔgɔw ra kɔ fɛ, ne nana o le fɔ i ye, sabu nin kow ye ko nataw le ye.›

Daniyɛli 10:14 Iomraidhean Croise

Damina 49:1

Yakuba ye cii sama a dencɛw ma k'u ka na. U nana tuma min na, a ko u ka lajɛn a kɔrɔ. Koo min bena kɛ u la sini, ale b'o fɔ u ye.

Ezayi 2:2

Loon dɔ bena se, Masaba ka soo be kulu min kan, o bena jaɲa ni kulu tɔw ye, a bena tɛmɛ kulu tɔw kan. Siyaw bɛɛ bena girin ka taga yen.

Ezekiyɛli 12:27

«Adamaden, Isirayɛlidenw b'a fɔra ko: ‹Kira be fɛɛn min ye, o tena kɛ yanni sini cɛ. A be kirayakuma minw fɔ, olu ye waatijan koo ye.›

Ezekiyɛli 38:16

Gɔgi, i bena na ne ka jama Isirayɛli kɛlɛ i n'a fɔ sankaba be dugukolo datugu cogo min na. O bena kɛ waatijan nata la. Ne bena i ci ka taga ne ka jamana kɛlɛ janko siyaw ka ne lɔn ni ne tɛmɛna i fɛ k'a yira ko ne ye senuman ye tuma min na.› »

Daniyɛli 10:1

Pɛrɛsi masacɛ Sirusi ka masaya saan sabanan na, kuma dɔ fɔra Daniyɛli ye, u be min wele fana ko Bɛlitasari. Kuma nin tun ye tiɲɛkuma ye. A be gwɛlɛya le koo fɔ. Daniyɛli miirila kuma nin na. A y'a faamu koo yirata seen fɛ.

Daniyɛli 12:4

Ele Daniyɛli kɔni ka kuma nin kɛ gundo ye. I kana sɛbɛ nin kɔnɔnakuma fɔ mɔgɔ si ye fɔɔ laban waati ka se. Mɔgɔ caaman ben'a kalan ka hakili sɔrɔ.»

Daniyɛli 12:9

A ye ne jaabi ko: «Daniyɛli, taga, o kuma nunu ka kan ka to dogo la, u man kan ka mɛn, fɔɔ laban waati ka se.

Daniyɛli 2:28

Nga, Ala min be sankolo la, n'a be kodogoninw yira, a ye koo nata yira masacɛ Nabukodonozɔri la. I ka siko, n'i ye fɛɛn minw ye k'i to i ka dilan kan, o filɛ nin ye:

Daniyɛli 8:16

N ye kumakan dɔ mɛn ka bɔ Ulayi baji la ko: «Gabiriyɛli, yelifɛn nin kɔrɔ fɔ cɛɛ nin ye.»

Daniyɛli 8:26

I ye fɛɛn minw ye sufɛ ni tilefɛ kosɔn min koo fɔra i ye, o ye tiɲɛ yɛrɛ le ye. Nga, o yelifɛn nin ka koo to i kɔnɔ. Bari, o ye lonjanko ye.»

Daniyɛli 9:22

A kumana ne fɛ k'a fɔ ko: «Daniyɛli, ne nana sisan waasa ka hakili d'i ma.

Oze ta kitabu 3:5

O kɔ, Isirayɛlidenw bena segi ka Masaba u ka Ala yɔrɔ yaala, n'u ka masacɛ Dawuda. U yɛrɛyɛrɛtɔ bena kɔsegi Masaba ma, ka hɛrɛ ɲini a fɛ labanlon na.

Mise 4:1

Waati dɔ bena se, Masaba ka soo be kulu min kan, ale bena kɛ kuluw ni tintinw bɛɛ ɲa. O tuma na, siya caaman bena to ka na ale kan.

Habakuki 2:3

Bari, koo min lo, a n'a kɛwaati lo, waati surunyana ka ban, siga t'a la. Hali n'a mɛnnin be i ɲana, e k'a kɔnɔ. A bena na se wajibi, siga t'a la.

Jateri 24:14

Ayiwa, sisan ne be segi ka taga n ka mɔgɔw fɛ. Nga mɔgɔ nunu bena min kɛ i ka mɔgɔw la sini, ne b'a fɛ k'i lasɔmi o la fɔlɔ.»

Sariya 31:21

Ni kojugu ni tɔɔrɔ caaman sera u ma tuma min na, u kɔmɔgɔw tena ɲinɛ nin dɔnkili nin kɔ, o bena kɛ seereya ye u kama. Ne b'u ka miiriyaw lɔn ka ban, yanni ne ka don n'u ye jamana nin kɔnɔ, ne ye min layidu ta.»

Sariya 31:29

Bari ne b'a lɔn ko ne sanin kɔ, aw bena kɛ mɔgɔjuguw yɛrɛ yɛrɛ ye. Ne ye sira min yira aw la, aw bena aw yɔrɔ jaɲa o la. Kojugu bena aw sɔrɔ waati nata la bari aw bena kojugu kɛ Masaba aw ka Ala ɲakɔrɔ, k'a dusu dimi n'aw ka kɛwaliw ye.»

Sariya 4:30

N'aw nana to dusukasi la, ni o koo nunu bɛɛ sera aw ma tuma min na, waati nataw la, aw bena kɔsegi ka na Masaba aw ka Ala ma ka mɛnni kɛ a fɛ.

Tim 2nan 3:1

I hakili ka to a la ko laban tuma na, waati bena gwɛlɛya.

Heburuw 2:3

Matigi kɔnna ka kisili min koo fɔ, n'o mɛnbagaw nana o gwɛya an ye, min ye koba ye, n'an m'o jati, an bena se ka kisi cogo di?