Daniyɛli 10:12 - ALA KA KUMA

¹² A y'a fɔ ne ye ko: «Kana siran Daniyɛli. Ka koo kɔrɔ ɲini k'a lɔn, kabin'i y'o koo ta n'i sɔbɛ ye, ani ka to k'i yɛrɛ majigi e ka Ala ye, i ka kuma ser'a ma. I tun ye kuma min fɔ, ne nana o le kama.

Jula NT of Côte d’Ivoire

¹² A ko ne ma tuun ko: ‹Daniyɛli, i kana siran; sabu i ka i yɛrɛ majigi Ala ɲa kɔrɔ, ka Ala daari, janko ka faamuri sɔrɔ; ayiwa, kabini o lonw tere fɔlɔ, i ta Aladaari minana. Ne nana ka na i ta daariri kɔjaabi le fɔ i ye.

Daniyɛli 10:12 Iomraidhean Croise

Zaburu 69:10

E ka soo hami be ne tɔɔrɔ n dusu la kosɔbɛ. E nɛnibagaw ka nɛnili be sera ne ma.

Ezayi 35:4

Minw jaa tigɛnin lo, aw k'a fɔ olu ye ko: «Aw k'aw jaa gwɛlɛya, aw kana siran. Aw ka Ala filɛ nin ye. A bena na aw mɔnɛ bɔ k'aw juguw sara n'u ka kojugu ye. Ale lo be nana aw kisi.»

Ezayi 41:10

Aw kana siran, bari, ne be ni aw ye, aw hakili kana ɲagami, bari, ne le ye aw ka Ala ye. Ne be barika don aw la, ne b'aw dɛmɛ. Ne b'aw tanga ka see d'aw ma ni ne ka sebagaya ye.

Ezayi 41:14

Isirayɛlidenw, aw kana siran, u te aw minw jati ka to k'aw ɲɔɲɔ. Ne yɛrɛ le ben'aw dɛmɛ. Ne Masaba le ko ten. I kunmabɔbaga ye Isirayɛli ka Ala ye.

Ezayi 58:9

O tuma na, n'aw ye weleli kɛ, Masaba bena aw jaabi. N'aw ye dɛmɛ ɲini, a ben'a fɔ ko: «N filɛ nin ye.» N'aw ye ɲɔgɔn tɔɔrɔ dabila, ka ɲɔgɔn lɛɛbu dabila, ani ka kumajugu fɔ dabila,

Ezayi 65:24

Sanni u ka ne wele, o y'a sɔrɔ ne y'u jaabi ka ban. Sanni u ka tila u ka daalili la, o y'a sɔrɔ ne y'u lamɛn ka ban.

Daniyɛli 10:11

Cɛɛ y'a fɔ ne ye ko: «I koo diyara Ala ye Daniyɛli. Ne bena kuma min fɔ i ye, i k'o faamu. Wili ka lɔ. Ne cira ele fɛ.» K'a to o kuma na ni ne ye, ne wilila ka lɔ ni ne be yɛrɛyɛrɛla.

Daniyɛli 10:19

A y'a fɔ ko: «Kana siran, e min koo ka di Ala ye! Ala ka hɛrɛ kɛ i ye. I jaa gwɛlɛya, i jaa gwɛlɛya!» K'a to kuma na ni ne ye, ne ye fanga sɔrɔ. Ne y'a fɔ ko: «Ne matigi, kuma, sabu i ye barika don ne la.»

Sarakalasebagaw 16:29

«Nin bena kɛ sariya ye aw fɛ min tena dabila abada. Saan kalo wolonwulanan tile tannan loon, aw ka suun don, aw kana baara si kɛ o loon na, dugulen fara lonan kan, min be aw cɛma,

Sarakalasebagaw 16:31

O loon ye lafiɲɛlon ye aw fɛ, aw ka kan ka lafiɲɛ ka suun don o loon. O ye sariya ye min tena dabila abada.

Jateri 29:7

«Saan kalo wolonwulanan tile tannan loon, aw ka ɲɔgɔn lajɛn ka ne Masaba bato. Aw ka suun don, aw kana baara si kɛ o loon na.

Matiyu 28:10

Yezu y'a fɔ u ye ko: «Aw kana siran, aw ye taga fɔ n balimaw ye k'u ka taga Galile, k'u bena n ye o yɔrɔ le la.»

Matiyu 28:5

Mɛlɛkɛ y'a fɔ muso nunu ye ko: «Aw kana siran, bari ne y'a lɔn ko aw be Yezu le yɔrɔ ɲinina, u tun ye min gwengwen lɔgɔ kan.

Marika 16:6

Kanbelen nin y'a fɔ u ye ko: «Aw kana siran. U tun ye Nazarɛtika Yezu min gwengwen lɔgɔ kan, aw b'o le yɔrɔ ɲinina. A te yan. A kununna. A suu tun lara yɔrɔ min na, o filɛ nin ye.

Luka 1:13

Nga mɛlɛkɛ y'a fɔ a ye ko: «Zakari, kana siran, bari i ka daalili minɛna. I ka muso bena dencɛ wolo i ye, i k'a tɔgɔ la ko Zan.

Luka 1:30

Mɛlɛkɛ y'a fɔ a ye ko: «Kana siran, Mariyamu, bari i koo diyara Ala ye.

Luka 2:10

Nga mɛlɛkɛ y'a fɔ u ye ko: «Aw kana siran, bari ne nana kibaru diman dɔ fɔ aw ye min bena aw ka jamana mɔgɔw bɛɛ nisɔn diya.

Luka 24:38

Nga Yezu y'a fɔ u ye ko: «Mun na aw be siran? Mun y'a to aw be sigasiga ten?

Kɛwalew 27:24

k'a fɔ n ye ko: ‹I kana siran Pɔli, wajibi lo fɔɔ i ka se Ɔrɔmu masacɛ fɛ k'i ka koow ɲafɔ a ye. Ayiwa, Ala ka ɲumanya kosɔn, a ko i sababu la, i taamaɲɔgɔn nunu si nii tena to jii la.›

Yirari 1:17

Ne ɲaa lara a kan tuma min na dɔrɔn, ne benn'a kɔrɔ ka kirin. Nga a y'a kinibolo la ne kan k'a fɔ ko: «Kana siran, ne le ye fɔlɔ ani laban ye.