Daniyɛli 10:1 - ALA KA KUMA

¹ Pɛrɛsi masacɛ Sirusi ka masaya saan sabanan na, kuma dɔ fɔra Daniyɛli ye, u be min wele fana ko Bɛlitasari. Kuma nin tun ye tiɲɛkuma ye. A be gwɛlɛya le koo fɔ. Daniyɛli miirila kuma nin na. A y'a faamu koo yirata seen fɛ.

Jula NT of Côte d’Ivoire

¹ Pɛrɛsikaw ta masacɛ Sirusi ta masaya san sabanan na, Ala ka kuma dɔ fɔ Daniyɛli ye, o tun bɛ Daniyɛli min wele ko Bɛlisasari. O kuma ye cankuma le ye; a bɛ wagatigbɛlɛn dɔw ta ko le fɔ. Daniyɛli ka o kuma lamɛn ka ɲa; Ala ka o kuma kɔrɔ yira a ra janko a ye a faamu.

Daniyɛli 10:1 Iomraidhean Croise

Damina 41:32

Ni masacɛ y'a ye ko a ye siko nin kɛ siɲɛ fila, o kɔrɔ ko Ala ye o koo nin latigɛ ka ban, a tena mɛn k'o kɛ.

Lok 2nan 36:22

Kira Zeremi tun ye kuma min fɔ Masaba barika la, janko o koow ka kɛ, Masaba ye hakili di Pɛrɛsi masacɛ Sirusi ma, a ka masaya saan fɔlɔ la ko a ka nin kuma nin fɔ ani k'a kɛ sɛbɛ ye k'a ci a ka mara bɛɛ la ko:

Ɛsidarasi 3:7

U ye wari di kabakurulɛsɛbagaw ni yirilɛsɛbagaw ma, ka dumuni ni minnifɛn ani tulu di Sidɔnkaw ni Tirikaw ma janko olu ka sɛdiriyiriw ta Liban k'o don kurun kɔnɔ ka na n'o ye fɔɔ Zafa, ka kɛɲɛ ni Pɛrɛsi masacɛ Sirusi ka fɔta ye.

Ɛsidarasi 4:3

Nga Zorobabɛli ni Zozuwe ni Isirayɛlidenw ka gwatigi tɔw y'a fɔ u ye ko: «Aw tena fara an kan ka kori ka soo lɔ an ka Ala ye. An le ka kan k'a lɔ Masaba, Isirayɛli ka Ala ye an yɛrɛ ma, ka kɛɲɛ ni Pɛrɛsi masacɛ Sirusi ka kuma ye an fɛ.»

Ɛsidarasi 4:5

U ye wari di mɔgɔ dɔw ma janko olu ka se ka kɛ sababu ye u ka kolatigɛnin kana se ka kɛ. U tun y'a kɛ ten fɔɔ ka taga se Pɛrɛsi masacɛ Sirusi ka saya ma ani fɔɔ Pɛrɛsi masacɛ Dariyusi ka tile la fana.

Ɛsidarasi 6:14

Zuwifuw ka cɛkɔrɔbaw tagara ɲa ka soo nin lɔ ka kɛɲɛ ni kira Aze ni Ido dencɛ Zakari ka kuma ye. U ye soo nin lɔ ka ban ka kɛɲɛ ni Isirayɛli ka Ala ka fɔta ye, ani Pɛrɛsi masacɛ Sirusi ni Dariyusi ani Aritasɛrisɛsi ka fɔtaw ye.

Ɛsidarasi 6:3

«Masacɛ Sirusi ka masaya saan fɔlɔ la, a ye sira di ko Ala ka soo ka lalaga ka lɔ Zeruzalɛmu, ka kɛ sarakabɔyɔrɔ ye, a tun be yɔrɔ min na ka kɔrɔ. A jaɲa sanfɛ ka kɛ mɛtɛrɛ bi saba ye, a kɔnɔ boɲa ka kɛ mɛtɛrɛ bi saba ye fana.

Ezayi 44:28

Ne b'a fɔ Sirusi koo la, ko: ‹N ka jama kɔlɔsibaga lo.› A bena ne diyanako bɛɛ kɛ. Ale ben'a fɔ ko Zeruzalɛmu ni ne batoso ka lɔ kura ye.»

Daniyɛli 1:17

Ala ye sɛbɛ sifa bɛɛ lɔnniya di kanbelen mɔgɔ naani nunu ma, ni faamuli ani hakilitigiya. Daniyɛli tun be yelifɛn, ni siko bɛɛ kɔrɔ lɔn.

Daniyɛli 1:21

Daniyɛli tora ten masacɛ ka luu kɔnɔ fɔɔ Sirusi sigira masaya la saan min na.

Daniyɛli 1:7

Baaradenw ɲamɔgɔ ye tɔgɔkura la u kan. A ye Daniyɛli wele ko Bɛlitasari, ka Ananiya wele ko Sadiraki, ka Mikayɛli wele ko Mesaki, ka Azariya wele ko Abɛdenego.

Daniyɛli 10:14

Ayiwa, e ka siya ka koo bena kɛ cogo min na loon nataw la, ne nana yan waasa k'o yira i la e k'a faamu, bari koo yirata kelen be yen o loonw kama.»

Daniyɛli 11:2

Sisan, ne bena tiɲɛ min fɔ i ye, o filɛ: «Ayiwa, masacɛ saba dɔ wɛrɛw bena sigi Pɛrɛsi kunna. Naaninan bena nafoloba sɔrɔ ka tɛmɛ tɔw kan. N'a ka nafolo nana barika don a la tuma min na, a bena koo bɛɛ kɛ ka kɛlɛ wili Gɛrɛsi masacɛ kama.

Daniyɛli 12:4

Ele Daniyɛli kɔni ka kuma nin kɛ gundo ye. I kana sɛbɛ nin kɔnɔnakuma fɔ mɔgɔ si ye fɔɔ laban waati ka se. Mɔgɔ caaman ben'a kalan ka hakili sɔrɔ.»

Daniyɛli 12:9

A ye ne jaabi ko: «Daniyɛli, taga, o kuma nunu ka kan ka to dogo la, u man kan ka mɛn, fɔɔ laban waati ka se.

Daniyɛli 2:21

Ale lo be koow n'u waatiw yɛlɛmayɛlɛma. Ale lo be masaw sigi masaya la, ale lo b'u bɔ a la fana. Ale lo be lɔnniya di lɔnnikɛlaw ma, ka faamuli di hakilitigiw ma.

Daniyɛli 4:8

Yiri nin boɲana ka kɛ yiriba ye! A kuun sera sankolo ma. A be ye fɔɔ diɲɛ daan na.

Daniyɛli 5:12

Bari, a lɔnna ko hakili ɲanaman b'ale Daniyɛli tɔgɔla nin fɛ. Masacɛ ye min tɔgɔ la ko Bɛlitasari. Lɔnniya tun b'a fɛ kosɔbɛ, a tun be koo faamu, ani ka se ka sikow kɔrɔ fɔ, ka kodogoninw yira, ani ka koo gwɛlɛmanw ɲanabɔ. O la, i ka Daniyɛli wele, a ben'a kɔrɔ fɔ i ye.»

Daniyɛli 5:17

O tuma na, Daniyɛli ye masacɛ jaabi ko: «Masacɛ, to n'i ka boɲafɛnw ye. I bena fɛɛn minw di, o di mɔgɔ wɛrɛw ma. N kɔni bena sɛbɛ nin kalan i ye, ani k'a kɔrɔ fɔ i ye fana.

Daniyɛli 6:28

A be mɔgɔ tanga, a be mɔgɔ kisi. A be taamasiɲɛw ni kabakow kɛ sankolo la, ani dugukolo kan. A ye Daniyɛli tanga jaraw ma.»

Daniyɛli 8:16

N ye kumakan dɔ mɛn ka bɔ Ulayi baji la ko: «Gabiriyɛli, yelifɛn nin kɔrɔ fɔ cɛɛ nin ye.»

Daniyɛli 8:26

I ye fɛɛn minw ye sufɛ ni tilefɛ kosɔn min koo fɔra i ye, o ye tiɲɛ yɛrɛ le ye. Nga, o yelifɛn nin ka koo to i kɔnɔ. Bari, o ye lonjanko ye.»

Luka 1:20

Ayiwa, i bena kɛ bobo ye, fɔɔ ka taga se nin koow kɛwaati ma, bari i ma la ne ka kuma na, k'a sɔrɔ o koow bena kɛ n'u kɛlon sera.»

Yirari 19:9

Mɛlɛkɛ y'a fɔ n ye ko: «A sɛbɛn ko: ‹Mɔgɔ minw welela Sagaden ka kɔɲɔya dumuni na, olu dagamuna.› » O kɔ, a ko n ma: «Nin ye Ala yɛrɛ ka kuma ye.»