Daniyɛli 1:17 - ALA KA KUMA

¹⁷ Ala ye sɛbɛ sifa bɛɛ lɔnniya di kanbelen mɔgɔ naani nunu ma, ni faamuli ani hakilitigiya. Daniyɛli tun be yelifɛn, ni siko bɛɛ kɔrɔ lɔn.

Jula NT of Côte d’Ivoire

¹⁷ Ala ka lɔnniya ni faamuri di o kanbelen naani ma o ta karan na, ka hakiritigiya fana di o ma. Ka fara o kan, Daniyɛli tun bɛ se ka ko yiraninw, ani sikow bɛɛ kɔrɔ lɔn k’a fɔ mɔgɔw ye.

Daniyɛli 1:17 Iomraidhean Croise

Mas fɔlɔ 3:12

ne bena i ka ɲinita le kɛ i ye. N be hakilitigiya d'i ma, fɔɔ i ɲɔgɔn ma sɔrɔ ka ye, a fana tena sɔrɔ abada.

Mas fɔlɔ 3:28

Isirayɛlidenw bɛɛ y'o kitiko mɛn tuma min na, a tun ye min tigɛ, u sirann'a ɲa, bari u y'a ye ko a ka lɔnniya tun bɔra Ala fɛ n'a be se ka jama mara tilenninya la.

Lok 2nan 1:10

Hakilitigiya ni lɔnniya di ne ma, janko ne ka se ka jama nin maracogo lɔn. Bari jɔn le be se k'i ka jama mara, nin jamaba nin?»

Lok 2nan 1:12

O kosɔn, ne bena hakilitigiya ni lɔnniya d'i ma. Ne bena nafolo ni fɛntigiya, ani nɔɔrɔ d'i ma fana. Masa minw tɛmɛna i ɲa, olu si ma o ɲɔgɔn sɔrɔ ka ye, ani minw bena na i kɔ, olu si tena o ɲɔgɔn sɔrɔ tugu.»

Lok 2nan 26:5

Ka Zakariyawu to sii la, min tun be to k'a ladi Alaɲasiran la, Oziyasi tun be Ala ɲini. K'a to Masa Ala ɲini la, ale tun b'a ka koo yiriwa.

Ayuba 32:8

Jaa, ninakili dama le be adamaden na, Setigi le be hakili di adamaden ma.

Zanaw 2:6

Bari, Masaba le be lɔnniya di. Hakilitigiya ni lɔnniya be bɔ Ala le fɛ.

Waajurikɛbaga 2:26

Ni mɔgɔ min y'a diya, a be hakilitigiya, ni lɔnniya, ani nisɔndiya di o tigi ma. Nga, a be kojugukɛla bila baara la, a bena baara min tɔnɔ ta k'a di ale Ala diyanamɔgɔ ma. O fana ye kabako ye, a be i n'a fɔ mɔgɔ min b'a fɛ ka fɔɲɔ mara.

Ezayi 28:26

K'a sɔrɔ a ka Ala le be koo ɲayira a la, k'a lalɔnniya.

Ezekiyɛli 28:3

Ko a be miiri ko a hakili ka di ni Danɛli ta ye, ko fɛɛn si dogonin t'a la.

Daniyɛli 1:18

Masacɛ Nabukodonozɔri ye loon min latigɛ waasa u ka na ni kanbelen nunu ye a fɛ, o loon nana se, baaradenw ɲamɔgɔ tagara n'u ye a fɛ.

Daniyɛli 1:20

Masacɛ tun y'u ɲininga koo o koo la, lɔnniya, ni faamuli faan fɛ, a y'a ye k'u tɛmɛn'a ka jamana kɔnɔ jotigiw ni lagwɛlikɛlaw bɛɛ kan siɲɛ tan.

Daniyɛli 1:4

Ko u ka kɛ kanbelenw ye, fiɲɛ te minw na, u ka kɛ kanbelenɲumanɲumanw ye, minw ye hakilitigiw, ni kolɔnbagaw ye, n'u be koo faamu, u ka kɛ barikatigiw ye waasa ka to masacɛ ka luu kɔnɔ, u k'u kalan Babilɔnikaw ka kaan na, n'u ka sɛbɛncogo la.

Daniyɛli 10:1

Pɛrɛsi masacɛ Sirusi ka masaya saan sabanan na, kuma dɔ fɔra Daniyɛli ye, u be min wele fana ko Bɛlitasari. Kuma nin tun ye tiɲɛkuma ye. A be gwɛlɛya le koo fɔ. Daniyɛli miirila kuma nin na. A y'a faamu koo yirata seen fɛ.

Daniyɛli 2:19

O la, koo nin yirala Daniyɛli la sufɛ siko la. A ye barika la Sankolotigi Ala ye

Daniyɛli 2:21

Ale lo be koow n'u waatiw yɛlɛmayɛlɛma. Ale lo be masaw sigi masaya la, ale lo b'u bɔ a la fana. Ale lo be lɔnniya di lɔnnikɛlaw ma, ka faamuli di hakilitigiw ma.

Daniyɛli 2:23

N bɛmaw ka Ala, ne b'i fo k'i waleɲuman lɔn. Bari i ye lɔnniya ni fanga di ne ma. An tun ye min ɲini e fɛ, i y'o yira ne la. I ye masacɛ ka koo yira an na.»

Daniyɛli 2:30

Kodogonin nin yirala ne la kɔni, a ma kɛ ko ne ye lɔnnikɛla ye ka tɛmɛ mɔgɔ tɔw kan dɛ. Nga o kɛra, waasa mɔgɔ ka sɔrɔ min ben'a kɔrɔ fɔ i ye, janko i ye koo min miiri e kɔnɔ, i ka se k'o faamu.

Daniyɛli 4:6

‹Bɛlitasari, ne ka jotigiw ɲamɔgɔ, ne y'a lɔn ko batofɛnsɔbɛw ka nii b'i la. O kodogonin si te yen min be tɛmɛ i ka lɔnniya kan. Ne ye fɛɛn minw ye n ka siko la, o kɔrɔ fɔ n ye.

Daniyɛli 5:14

Ne y'i koo mɛn, ko batofɛnw ka nii b'i la, ko i be yeli kɛ, ko hakili b'i fɛ, n'i be koo lɔn kosɔbɛ.

Daniyɛli 7:1

Babilɔni masacɛ Balitazari ka masaya saan fɔlɔ la, ka Daniyɛli to a ka dilan kan, a sikora ka fɛɛn dɔw ye. A sikora ni koo min ye, a y'o sɛbɛn.

Daniyɛli 8:1

Masacɛ Balitazari ka masaya saan sabanan na, ne Daniyɛli ye yelifɛn dɔ ye fɔlɔta tɛmɛnin kɔ.

Jateri 12:6

A ko: «Aw ye ne ka kuma lamɛn. Ni kira dɔ be aw cɛma, ne Masaba be n yɛrɛ yira a la yirali fɛ, ne be kuma a fɛ siko la.

Luka 21:15

bari ne yɛrɛ bena hakilitigiya kuma don aw daa la fɔɔ aw jugu si tena se k'aw sɔsɔ, walima k'aw ka kuma kɔɔ kari.

Kɛwalew 6:10

Nga u tun te sera Etiyɛni kɔrɔ, bari a tun be kuma ni hakilitigiya ye Nii Senuman barika la.

Kɛwalew 7:10

A y'a kunmabɔ tɔɔrɔw bɛɛ la. Ala ye Yusufu dɛmɛ, ka hakilitigiya d'a ma, a koo diyara Ezipiti masacɛ ye fɔɔ ale y'a kɛ masacɛlankan ye Ezipiti jamana bɛɛ kunna, ani k'a kɛ a yɛrɛ ka soo ɲamɔgɔ ye.

Kɛwalew 7:22

Lɔnniya min bɛɛ be Ezipiti, u ye Musa kalan n'o bɛɛ ye. A tun be se kuma ni kɛwali la.

Kɔlɔsikaw 1:9

O le y'a to, kabini an ye aw koo mɛn, an be Ala daali aw ye tuma bɛɛ. An b'a daali ko a ka hakilitigiya di aw ma Nii Senuman barika la, janko aw ka se k'a sago lɔn kosɔbɛ.

Yakuba 1:17

An be fɛnɲuman minw bɛɛ sɔrɔ n'o dafanin lo, o be bɔ Ala le fɛ min ye tile ni kalo ani lolow dan. A te yɛlɛma, dibidibi te a ka koo si la.

Yakuba 1:5

N'o y'a sɔrɔ n'aw dɔ dɛsɛnin lo hakilitigiya la, o tigi k'a daali Ala fɛ, a ben'a d'a ma. A tigɛ man gwɛlɛ, a be mɔgɔ bɛɛ sɔn ka ɲa. A t'an sɔngɔ ka sɔrɔ k'an sɔn.