Daniyɛli 1:15 - ALA KA KUMA

¹⁵ O dafara tuma min na, u y'a kɔlɔsi k'a ye k'u ɲaa tun be manamana ka tɛmɛ kanbelen tɔ nunu kan. U boɲana ka tɛmɛ masacɛ ka dumuni ɲɔgɔn dumubaga nunu kan.

Jula NT of Côte d’Ivoire

¹⁵ Ayiwa, tere tan bɛ dafa tuma o tuma, o bonyara, o ɲadaw fana tun flɛ ka di ka tɛmɛ o tɔɲɔgɔn ta kan, minw tun bɛ masacɛ ta domuniw kɛra.

Daniyɛli 1:15 Iomraidhean Croise

Zaburu 37:16

Mɔgɔtilennin ka fɛɛn fitini sɔrɔ, o ka fisa ni mɔgɔjuguw ka sɔrɔ caaman ye.

Bɔri 23:25

Aw ka baara kɛ ne Masaba aw ka Ala ye. N'aw y'o kɛ, ne bena aw ka dumuniko, n'aw ka jiko nɔgɔya, ani k'aw kisi bana ma.

Zanaw 10:22

Masaba ka dɛmɛ be mɔgɔ kɛ fɛntigi ye. Yɛrɛsigɛn te foyi fara sɔrɔta kan.

Daniyɛli 1:14

U ye koo min ɲini a fɛ, a sɔnna, a y'o kɛ k'a filɛ fɔɔ tile tan.

Hagize 1:6

Aw ye suman caaman dan, nga aw ye fitini dama tigɛ. Aw be dumuni kɛ, nga aw te fa. Aw be minni kɛ, k'a sɔrɔ aw nisɔn te diya. Aw be faniw don, nga nɛnɛ te bɔ aw la. Sara tabagaw ka sara kɛra i n'a fɔ u y'u don bɔɔrɔ jusɔgɔninw kɔnɔ.»

Hagize 1:9

Aw be fɛɛn caaman koo miiri, nga aw be fitini dama le sɔrɔ. Aw ye min sɔrɔ fana ka don n'a ye, ne y'o fiyɛ. O kuun ye mun ye? Ne Masaba, Setigi le ko ten. Bari ne ka soo kɛnin be bonkolon ye, k'a sɔrɔ aw kelen kelen bɛɛ cɛɛ sirinin b'aw taw la.

Malaki 2:2

N'aw ma mɛnni kɛ, ka boɲa la n tɔgɔ kan ni sɔbɛ ye, n bena aw danga, aw ka duba tena minɛ. Ne Masaba, Setigi le ko ten. Tiɲɛ na, ne bena aw danga, bari aw si te koo ta sɔbɛ la.

Matiyu 4:4

Yezu y'a jaabi ko: «A fɔra Ala ka kuma na ko: ‹Mɔgɔ te balo ni dumunifɛn dama ye, nga a be balo ni Ala ka kuma fana ye.› »