Damina 7:11 - ALA KA KUMA

¹¹ Nuhun sii saan kɛmɛ wɔɔrɔnan kalo filanan tile tan ni wolonwulanan loon, dugukolo kɔnɔ jii bɔyɔrɔw bɛɛ daa yɛlɛla, sanfɛ jii ta fana daa yɛlɛla.

Jula NT of Côte d’Ivoire

¹¹ O kɛra ka Nuho si to san kɛmɛ wɔɔrɔ. O san karo flanan, o karo tere tan ni wolonflanan, o lon na bunun minw bɛ dugukolo jukɔrɔ, olugu bɛɛ jiw serira ka bɔ ka kɛ dugukolo kan. Sankolo jibɔyɔrɔw fana dayɛlɛra.

Damina 7:11 Iomraidhean Croise

Damina 1:7

A kɛra ten, Ala y'a kɛ furancɛ bɔra sanfɛ jii ni duguma jii cɛ.

Damina 6:17

Ne ben'a kɛ jiba be na dugukolo kan ka diɲɛ kɔnɔ fɛɛnw bɛɛ halaki, fɛɛn minw be ninakili. Dugukolo kan fɛɛnw bɛɛ bena sa.

Damina 7:6

Nuhun tun ye saan kɛmɛ wɔɔrɔ sɔrɔ sanni jiba ka na dugukolo kan.

Damina 8:14

Kalo filanan tile mugan ni wolonwulanan loon, dugukolo yɔrɔ bɛɛ tun jara pepewu.

Damina 8:2

Dugukolo kɔnɔ jii bɔyɔrɔw ni sanfɛ jii bɔyɔrɔ datugura, sanji lɔra.

Mas 2nan 7:19

Kɛlɛdenw kuntigi nin tun y'a fɔ Ala ka mɔgɔ ye ko hali ni Masaba ye sankolo daa yɛlɛ, k'o koo nin tena se ka kɛ. O la, Elize tun y'a fɔ a ye ko: «E ɲaa bena la koo nin kan, nga e ten'a dumu fewu!»

Mas 2nan 7:2

Kɛlɛdenw kuntigi min tun ye masacɛ ka bolo layɔrɔ ye, ale y'a fɔ Ala ka mɔgɔ ye ko hali ni Masaba ye sankolo daa yɛlɛ, k'o koo te se ka kɛ. O la, Elize y'a fɔ a ye ko: «E ɲaa kɔni bena la koo nin kan, nga e ten'a dumu fewu!»

Ayuba 12:15

N'a ye sanji lɔ, o ye jaa ye. N'a y'a di, dugukolo yɔrɔ bɛɛ be fa.

Ayuba 28:4

U be lɛɛ wɔgɔbɛ fɔɔ ka jigi, adamaden te yɔrɔ min na. U te se ka lɔ seenw kan yɔrɔ min na, u be dulon juru la le o yɔrɔ la.

Ayuba 38:16

E tagara ka ye kɔgɔji bɔyɔrɔ la wa? E jigira ka ye dugukolo jukɔrɔ jii la wa?

Ayuba 38:37

Jɔn ka lɔniya sera sankabaw daa lɔnni ma? Jɔn le be kɛ sababu ye sanji be ben dugukolo kan?

Zaburu 33:7

A ye kɔgɔji lajɛn yɔrɔ kelen na, a ye jibabaw kɛ dingɛ kɔnɔ.

Zaburu 74:15

Ele le y'a kɛ jii be bɔ dugukolo kɔnɔ ka kɛ kɔɔ ye. Ele le be baa kɛ a jii be ban ka sɔrɔ a tun te ja.

Zanaw 3:20

A ka lɔnniya le barika la, jii be bɔ dugukolo jukɔrɔ, ani sankaba be jii tɔni.

Ezayi 24:18

Mɔgɔ min mana boli siranyaba mankan ɲa, ale be taga ben dingɛ kɔnɔ. Mɔgɔ min mana bɔ dingɛ kɔnɔ, jɔɔ b'o tigi minɛ. Sankolo daa yɛlɛla, dugukolo be yɛrɛyɛrɛla.

Ezayi 24:19

Dugukolo cicira, a pɛrɛnpɛrɛnna, a be yuguyugura kosɔbɛ.

Yeremi 5:22

O tuma na, aw tena siran ne ɲa wa? Ne Masaba le ko ten. Aw tena yɛrɛyɛrɛ ne ɲa wa? Ne min ye kɔgɔji daan bɔ ni cɛncɛn ye, a tena tɛmɛ o daan nin kan abada. Kɔgɔji be funu ka funu, nga a tena tɛmɛ o daan nin kan.›

Yeremi 51:16

N'a kumana, jibabaw be wuruwuru sankolo la. A be sankaba wili kabini diɲɛ daan na. A b'a kɛ saan be manamana, sanji be na. A be fɔɲɔ sama ka bɔ a marayɔrɔw la.

Ezekiyɛli 26:19

«Ne Matigi, Masaba ko: Ni ne y'i kɛ dugulakolon ye, k'i kɛ i n'a fɔ mɔgɔ te dugu min kɔnɔ, ni ne y'a kɛ kɔgɔji be wili k'i datugu ni jii caaman ye k'i tunu tuma min na,

Malaki 3:10

Aw ye na ni jakaw bɛɛ dafaninw ye n batoso nafolo marayɔrɔ la, waasa dumuni ka sɔrɔ n ka soo kɔnɔ. Aw ka ne kɔrɔbɔ ten k'a filɛ. Ne Masaba, Setigi le ko ten. Ni ne tena sankolo dayɛlɛ, n ka hɛrɛ ka jigi aw kan kosɔbɛ.

Matiyu 24:38

Bari sanni jiba ka na, mɔgɔw tun be dumunibabaw kɛ ka minni kɛ, ani ka furu fɔɔ ka taga se Nuhun donlon ma kurunba kɔnɔ.

Tes fɔlɔ 5:3

Tuma min na mɔgɔw ben'a fɔ ko hɛrɛ ni jigisigi be yen, o tuma na, tɔɔrɔ bena ben u kan fɔɔ u te se ka bɔyɔrɔ sɔrɔ, i n'a fɔ muso ka tiin be cun a kan cogo min na.

Piy 2nan 3:6

O cogo kelen na, jii fana le ye dugukolo kan fɛɛn bɛɛ dumu.