Damina 4:7 - ALA KA KUMA

⁷ N'i ye koɲuman kɛ, i kuun bena kɔrɔta. Nga n'i te koɲuman kɛ, hakɛ yɔrɔ man jan i la. A b'i dɛndɛna, nga e kɔni ka ban.»

Jula NT of Côte d’Ivoire

⁷ Ni i ka kɛwaleɲumanw kɛ, i kun bɛ kɔrɔta. Nka ni i ta kɛwalew juguyara, o tuma jurumun bɛna kɛ i kɔ tuma bɛɛ; a b’a fɛ ka se i ra, nka ele le ka kan ka se jurumun na.»

Damina 4:7 Iomraidhean Croise

Damina 19:21

Mɛlɛkɛ y'a fɔ Lɔti ye ko: «Ayiwa, ne bena o koo nin kɛ i ye fana. I ye dugu min koo fɔ, ne tena o halaki.

Damina 3:16

Ala y'a fɔ muso ye ko: «Ne bena i ka deen woloko gwɛlɛya kosɔbɛ. I bena tɔɔrɔ wolowaati la. I cɛɛ nigɛ bena kɛ i la, ale bena kɛ i kuntigi ye.»

Sam 2nan 24:23

A ye fɛɛn bɛɛ nin masacɛ la, k'a fɔ a ye ko: «Masaba i ka Ala k'i ka saraka minɛ.»

Mas 2nan 8:28

A tagara ni Akabu dencɛ Zoramu ye ka kɛlɛ kɛ ni Siri masacɛ Azayɛli ye Aramɔti, Galaadi mara la. Sirikaw ye Zoramu mandimi.

Ayuba 11:14

Ni e te sɔn ka kojugu kɛ, ni e te sɔn ka to tilenbaliyako la,

Ayuba 11:15

i bena se k'i kuun kɔrɔta ni kunko t'i kunna, o le ben'a kɛ i jaa be gwɛlɛya e te siran tugu.

Ayuba 29:4

Ni ne tun be se ka kɛ i ko n kanbelenwaati kɔni, Ala tun ye ne ka soo teri ye waati min na,

Ayuba 42:8

«Sisan, aw ka taga tura wolonwula ani sagajigi wolonwula ɲini ka na ne ka baarakɛla Zɔbu fɛ, k'o kɛ saraka jɛnita ye aw ka fili kosɔn. A bena ne daali aw ye. Ne bena sɔn a daalikan na, n tena kojugu kɛ aw la tugu ka kɛɲɛ n'aw ka nalomanya ye. Aw ma tiɲɛ fɔ ne ka koo la i ko ne ka baarakɛla Zɔbu y'a kɛ cogo min na.»

Zanaw 18:5

Ka fara kojugukɛla kan, ka mɔgɔtilennin jalaki kiti la, o ma ɲi!

Zanaw 21:27

Mɔgɔjuguw ka saraka ye fɛnjugu ye, sankofɛrɛ n'u y'a bɔ ni miiriyajugu ye.

Yeremi 3:12

Taga wango la kɔgɔdugu ɲafan fɛ ko: Isirayɛli mara mɔgɔ tilenbaliw, sɔn ne ma. Ne Masaba le ko ten. Ne tena n ɲaa sisi aw ma tugu, bari, ne ye makaritigi ye. Ne Masaba le ko ten. Ne diminin tena to kudayi.

Yeremi 6:20

Ne bena mun kɛ n'o ka wusulanw ye? Minw bɔra Saba jamana la, ani yiri kasadiman min be bɔ jamanajan la. Aw ka saraka jɛnitaw man di ne ye fewu, aw ka sarakaw te n dusu diya.»

Mise 7:18

Ala, i ɲɔgɔn te batofɛnw cɛma, ele min be hakɛ yafa, ni min filila, e b'o ye k'a to yen. I ka mɔgɔw tɔɔ min tora, olu kanu kama, olu minw ye i ta ye, i diminin tena to u kɔrɔ tuma bɛɛ, nga ka makari u la, o ka d'i ye.

Malaki 1:10

«Ee! Mɔgɔ kelen jumɛn le bena n ka soo daa tugu sa? Waasa aw kana tasuma mana n ka sarakabɔyɔrɔ la gwansan! Aw nigɛ te n na hali dɔɔni! Ne Masaba, Setigi le ko ten. Aw be saraka minw bɔ, n t'u minɛ.

Malaki 1:13

Aw b'a fɔ ko: ‹Nin ye sɛgɛn ye dɛ!› Aw be n ka koo lɔgɔbɔ ten le. Ne le ko ten. Aw be na ni begɛn soɲaninw ye, ni senkelenninw ani bananinw ye, k'u saraka ne ye. Ne be se k'olu minɛ aw fɛ wa?

Malaki 1:8

Aw be na ni begɛn ɲaa fiɲɛnninw ye k'u kɛ saraka ye ne ye. O ka ɲi wa? Aw be na ni dɔw senkelenninw ye, dɔw banabagatɔlaman, o ka ɲi wa? Aw k'o ɲɔgɔnw di aw ka jamanatigi ma sa, yala a bena diy'a ye wa? Yala a bena i kunbɛn ka ɲa wa? Ne Masaba, Setigi le ko ten.

Jateri 32:23

Nga n'aw m'o kɛ, o tuma na, aw be Masaba hakɛ tara. Aw ka hakɛ juru bena bɔ aw la, siga t'o la.

Kɛwalew 10:35

i mana kɛ siya o siya ye, n'i be siran Ala ɲa ka to ka tilenninyakow kɛ, i koo be diya a ye.

Rɔmukaw 12:1

N balimaw, ne b'aw daali Ala ka makari kosɔn ko aw k'aw yɛrɛ kɛ saraka ɲanaman ye, min saniyanin lo, n'a ka di Ala ye: o le bena kɛ aw ka batoli ɲanaman ye.

Rɔmukaw 14:18

Bari mɔgɔ min be baara kɛ Krista ye ten, o tigi le koo ka di Ala ye, mɔgɔw fana b'a tɔgɔɲuman fɔ.

Rɔmukaw 15:16

a ye min kɛ ne ye ka ne kɛ Yezu Krista ka baarakɛla ye siya wɛrɛw cɛma. Ne be Ala ka kibaru diman fɔ u ye, janko olu fana ka kɛ saraka diman ye Ala fɛ, min saniyanin be Nii Senuman barika la.

Rɔmukaw 6:12

O la, aw farisogo min bena toli, aw kana sɔn hakɛ ka kuntigiya kɛ ale la tugu. Aw kana sɔn nigɛjugu ma.

Rɔmukaw 6:16

Yala aw m'a lɔn ko n'aw y'aw yɛrɛ di fɛɛn min ma ka kɛ i n'a fɔ a ka jɔɔn, ka to ka mɛnni kɛ a fɛ, aw be kɛ o fɛɛn nin ka jɔɔn ye wa? N'a kɛra hakɛko ye, o laban ye halakili ye. Nga Ala sago kɛli be na ni tilenninya ye.

Ɛfɛsikaw 1:6

An ka Ala tanu a ka nɛɛma kosɔn a ye min kɛ an ye, a Deen kanunin barika la.

Tim fɔlɔ 5:4

Nga ni deenw, walima mamadenw be firiyamuso min fɛ, o deen nunu le ka kan k'a dɛmɛ u ka Alaɲasiran kosɔn. O la, u ben'a yira u wolobagaw la k'olu le ka kan ka lɔ n'u ka koo ye, bari o le ka di Ala ye.

Heburuw 11:4

Abɛli lara Ala la minkɛ, o le y'a to a ye saraka bɔ min diyara Ala ye ka tɛmɛ a kɔrɔcɛ Kayɛn ta kan. A lara Ala la minkɛ, o le y'a to, Ala y'a jati mɔgɔtilennin ye ka sɔn a ka saraka ma. Abɛli ka lanaya kosɔn, a ka kuma be seen kan halibi k'a sɔrɔ a yɛrɛ te nii na.

Yakuba 1:15

Ayiwa, ni kojugu nigɛ jiidira mɔgɔ kɔnɔ, a be na ni hakɛ ye. Ni hakɛ ye fanga sɔrɔ a kan, a be na ni saya ye.

Piy fɔlɔ 2:5

O la, aw be kɛ a bɔɲɔgɔnko kabakuru ɲanamanw ye, minw bena kɛ ka Nii Senuman ka soo lɔ, ani ka kɛ sarakalasebagaw ye, k'aw yɛrɛ di Ala ma Yezu Krista barika la. O ka d'a ye.