Damina 39:3 - ALA KA KUMA

³ A kuntigi y'a ye ko Masaba be ni Yusufu ye, ko n'a ko a be koo o koo kɛ, o be ɲa a fɛ.

Jula NT of Côte d’Ivoire

³ A matigicɛ nana a ye ko Matigi Ala bɛ ni Yusufu ye; ko ni a k’a boro don fɛn o fɛn na, Ala bɛ o ɲa a boro.

Damina 39:3 Iomraidhean Croise

Damina 21:20

Ala tora deen nin fɛ, a boɲana. A siginin tun be kongokolon kɔnɔ, a kɛra mɔgɔ ye min be se biɲɛbon na kosɔbɛ.

Damina 21:22

O waati la, Abimelɛki n'a ka kɛlɛdenw kuntigi Pikɔli nana Ibrayima fɛ k'a fɔ a ye ko: «Ala b'i fɛ i ka koo kɛtaw bɛɛ la.

Damina 21:23

Ayiwa, sisan i ka kali Ala tɔgɔ la ko i tena ne janfa, ko i tena ne deenw, walima ne mamadenw fana janfa. Ne ye koɲuman kɛ i ye cogo min na, i ka o ɲɔgɔn kɛ ne ni jamana mɔgɔw ye, i siginin be min kɔnɔ.»

Damina 26:24

O loon sufɛ, Masaba y'a yɛrɛ yira a la k'a fɔ a ye ko: «Ne y'i faa Ibrayima ka Ala ye. Kana siran, bari ne be n'i ye. Ne bena i ta ɲa k'i kɔmɔgɔw caya ne ka jɔncɛ Ibrayima kosɔn.»

Damina 26:28

U y'a jaabi ko: «An y'a ye tiɲɛ na ko Masaba be n'i ye. O le y'a to an ko an ka kan ka bɛɛn ka kali ɲɔgɔn ye. I kali

Damina 30:27

Laban y'a fɔ a ye ko: «Ni ne koo diyara i ye, to ne fɛ yan, bari ne ye lagwɛli kɛ k'a lɔn ko Masaba ye ne dɛmɛ i kosɔn.

Damina 30:30

Sanni ne ka na, dɔɔni lo tun be i bolo, sisan a cayara kosɔbɛ ne bolo, Masaba y'i dɛmɛ ne kosɔn. N'o tɛ, ne bena se ka baara kɛ ne yɛrɛ ka somɔgɔw ye tuma jumɛn?»

Damina 39:2

Yusufu tor'a kuntigi ka soo. Masaba tun b'a fɛ kosɔbɛ.

Damina 39:21

Masaba tor'a fɛ, k'a koo diya kasobon kɔlɔsibaga ye.

Damina 39:23

Ni kasobon kɔlɔsibaga tun ye min to Yusufu bolo, a tun te o filɛ tugu, bari Masaba tun be ni Yusufu ye, ka to ka koo bɛɛ ɲa a bolo.

Mas 2nan 18:7

Masaba fana tor'a fɛ. A ye see sɔrɔ a ka koo bɛɛ la. A murutira Asiri masacɛ ma, a ma kolo a ye tugu.

Lok fɔlɔ 22:13

Masaba y'a ka sariya n'a ka cii minw di Musa ma Isirayɛlidenw kosɔn, i ka olu kɔlɔsi k'o bato, i bena se ka taga ɲa. O la, barika don i yɛrɛ la k'i jaa gwɛlɛya! Kana siran, i jaa kana tigɛ.

Lok fɔlɔ 9:20

Eleyazari dencɛ Pinasi le tun y'u kuntigi ye fɔlɔfɔlɔ. Masaba tun be n'a ye.

Lok 2nan 1:1

Dawuda dencɛ Solomani ka masaya sabatira. Masaba a ka Ala tun be n'a ye, k'a kɛ mɔgɔbaba ye kosɔbɛ.

Lok 2nan 26:5

Ka Zakariyawu to sii la, min tun be to k'a ladi Alaɲasiran la, Oziyasi tun be Ala ɲini. K'a to Masa Ala ɲini la, ale tun b'a ka koo yiriwa.

Nehemi 2:20

Ne y'u jaabi ko: «Sankolotigi Ala le bena an dɛmɛ an ka baara be ɲa. An minw y'a ka baarakɛlaw ye, an bena wili ka baara nin kɛ. Aw kɔni, niyɔrɔ si t'aw fɛ yan. Aw fana tena kuntigiya sɔrɔ yan. Aw koo fana kana fɔ Zeruzalɛmu.»

Zaburu 1:3

A tigi be i ko yiri min tutunin be kɔda la, a be den a dentuma na, a furaburu fana te fɔnsɔnfɔnsɔn. A be koo o koo kɛ, o be ɲa.

Jakariya 8:23

Masaba, Setigi ko: «O waati la, siya wɛrɛw mɔgɔ tan bena zuwifu kelen ka fani dagolo minɛ ka to k'a fɔ ko: ‹An b'a fɛ ka taga n'aw ye, bari an y'a mɛn ko Ala b'aw le fɛ.› »

Matiyu 5:16

Aw ka kɛwaliɲumanw kɛ ka yeelen bɔ mɔgɔw ye ten, waasa u ka aw sankolo la Faa boɲa.

Kor fɔlɔ 16:2

Lɔgɔkun loon fɔlɔ bɛɛ, mɔgɔ kelen kelen bɛɛ ka fɛɛn dɔ bɔ a ka sɔrɔta la k'o mara gɛrɛfɛ. Aw kana ne kɔnɔ, ni ne nana tuma min na, an ka sɔrɔ k'o bolomafara minɛ.

Sariya 2:7

Bari ne Masaba aw ka Ala y'aw ta ɲa aw ka kokɛtaw bɛɛ la. Ne y'aw kɔlɔsi aw ka taama na kongokolonba nin kɔnɔ. A saan bi naani filɛ nin ye ni ne Masaba aw ka Ala be n'aw ye, aw ma dɛsɛ foyi si la.› »

Yosuwe 1:9

Ne le m'a fɔ i ye ko i ka barika don i yɛrɛ la k'i jaa gwɛlɛya wa? Ko i kana siran, i jaa kana tigɛ, bari ne Masaba i ka Ala le bena to i fɛ i taayɔrɔw bɛɛ la.»

Yirari 3:9

Ayiwa, n bena Sutana batobagaw karaba aw ye, olu minw k'u ye zuwifuw ye k'a sɔrɔ zuwifuw tɛ, galontigɛlaw lo. N bena u wajibiya ka na u kunbiri gwan aw kɔrɔ. O la, u ben'a lɔn ko aw koo ka di ne ye.

Sam fɔlɔ 18:14

Dawuda tun be see sɔrɔ a ka koo bɛɛ la, bari Masaba fana tun be n'a ye.

Sam fɔlɔ 18:28

Sayuli y'a ye, ani k'a lɔn ko Ala be ni Dawuda ye, Dawuda koo tun ka di a denmuso Mikali ye fana.

Sam fɔlɔ 3:19

Samuyɛli tun be boɲana ka taga ɲa, Masaba tun be n'a ye. Masaba ye kuma min bɛɛ fɔ, o bɛɛ tun be kɛ.