Damina 3:8 - ALA KA KUMA

⁸ Wuladafɛ, tile sumana waati min na, u ye Masa Ala yaalayaalatɔ mankan mɛn yɔrɔɲuman nin kɔnɔ. U dogor'a ɲa yiriw cɛma.

Jula NT of Côte d’Ivoire

⁸ Ayiwa, wuladanin fɛ, cɛ ni muso ka Matigi Ala mankan mɛn, a bɛ yaalayaalara yiritu kɔnɔ. O borira Matigi Ala ɲa ka taga dogo yiritu yiri dɔw cɛ ra.

Damina 3:8 Iomraidhean Croise

Damina 18:33

Masaba tilara kuma na Ibrayima fɛ tuma min na, a tagara. Ibrayima kɔsegira soo.

Damina 3:10

Cɛɛ y'a jaabi ko: «Ne y'i mankan mɛn yɔrɔɲuman nin na, ne siranna, ka dogo bari ne fari lakolon lo.»

Ayuba 22:14

A be sankolo yaala tuma min na, sankaba ka fin be kɛ, a te foyi ye.

Ayuba 31:33

Ne ma n ka kojugu dogo i ko mɔgɔ tɔw, ne ma n ka fili mara n kɔnɔ.

Ayuba 38:1

Ka Masaba to fɔɲɔba cɛma, a kumana Zɔbu fɛ ko:

Zanaw 15:3

Masaba ɲaa be yɔrɔ bɛɛ la, a be mɔgɔjugu ni mɔgɔɲumanw kɔlɔsi.

Yeremi 23:24

Adamaden mana dogo yɔrɔ o yɔrɔ, ne ɲaa b'a la. Ne Masaba le ko ten! Ne be sankolo ni dugukolo yɔrɔ bɛɛ la! Ne Masaba le ko ten!

Oze ta kitabu 10:8

Isirayɛlidenw ye hakɛ kɛ Bɛtavɛni sɔnnikɛyɔrɔ minw na, olu bena halaki. Ŋɔni, ni biin le bena fa u ka josɔnyɔrɔw la. U bena n'a fɔ kuluw ye ko: «Aw k'an datugu!» K'a fɔ tintinw ye ko: «Aw ka ben an kan!»

Sarakalasebagaw 26:12

Ne bena to aw cɛma ka kɛ aw ka Ala ye, aw bena kɛ ne ka mɔgɔw ye.

Yunusu 1:3

Nga Zonasi wilila ka Tarisisi sira ta, a tun b'a fɛ ka boli k'a yɔrɔ jaɲa Masaba la. A sera Zafa ka kurun dɔ sɔrɔ yen min tun be tagara Tarisisi. A ye taasɔngɔ sara ka don u fɛ kurun kɔnɔ ka Tarisisi sira minɛ waasa a yɔrɔ ka jaɲa Masaba la.

Rɔmukaw 2:15

O b'a yira ko u ka kan ka min kɛ, u b'o lɔn. N'u be u yɛrɛ jalaki, ani ka tiɲɛ di u yɛrɛ ma, u b'a yira ten ko sariya koo b'u hakili la.

Sariya 23:14

Aw bena to ka bɔ ni minan dɔ ye aw bolo, ni mɔgɔ dɔ ko a be taga banakɔtaga kɛ, o tigi ka dingɛ sogi, n'a tilara tuma min na, a k'a datugu.

Sariya 4:33

Siya wɛrɛ dɔ be yen, min ye Ala kaan mɛn ka bɔ tasuma cɛma i n'a fɔ aw, n'a tora nii na wa?

Sariya 5:25

Nga sisan, mun na anw ben'an yɛrɛ to nin tasumaba nin bolo, a b'an faga? Bari n'an tora ka Masaba an ka Ala kumakan mɛn, an bena sa.

Heburuw 4:13

O danfɛn te yen Ala ɲaa te min ye. U bɛɛ b'a ɲakɔrɔ, u si dogonin te a ma. An bena an ka koow bɛɛ ɲafɔ ale lo ye.

Yirari 6:15

Ayiwa, masaw ni dugutigiw ni sɔlidasi kuntigiw, ani nafolotigiw, ni setigiw ani adamaden tɔw bɛɛ, jɔɔn fara hɔrɔnw kan, bɛɛ be bolila ka dingɛ ni kuluwow yɔrɔ ɲini,