Damina 3:16 - ALA KA KUMA

¹⁶ Ala y'a fɔ muso ye ko: «Ne bena i ka deen woloko gwɛlɛya kosɔbɛ. I bena tɔɔrɔ wolowaati la. I cɛɛ nigɛ bena kɛ i la, ale bena kɛ i kuntigi ye.»

Jula NT of Côte d’Ivoire

¹⁶ Ala k’a fɔ muso ye ko: «Ne bɛna dɔ fara i ta denworo sɛgɛ kan. I bɛna tɔɔrɔ ka sɔrɔ ka den woro. Ka fara o kan, i ta cɛ lɔgɔ bɛna to ka kɛ i ra; i ta ko bɛɛ bɛna to ale le boro fana.»

Damina 3:16 Iomraidhean Croise

Damina 4:7

N'i ye koɲuman kɛ, i kuun bena kɔrɔta. Nga n'i te koɲuman kɛ, hakɛ yɔrɔ man jan i la. A b'i dɛndɛna, nga e kɔni ka ban.»

Lok fɔlɔ 4:9

U tun be Yayebɛsi jati ka tɛmɛ a balimaw kan. A bamuso y'a tɔgɔ la ko Yayebɛsi, o kɔrɔ ko sigɛn kɔnɔ, bari a ko: «N y'a wolo sigɛn kɔnɔ.»

Ɛsitɛri 1:20

Ni masacɛ ka sariya nin mɛnn'a ka jamanaba nin bɛɛ kɔnɔ, o tuma na, musow bɛɛ bena u cɛɛw boɲa, a fɛntigiw fara a fantanw kan.»

Zaburu 48:6

U nan'a ye, yɔrɔnin kelen siranya y'u minɛ, u hakili wilinin ye boli ta.

Ezayi 13:8

Siranya y'u minɛ, sɛgɛn ni tɔɔrɔ b'u kan. U b'u yɛrɛ tɔrɔmina i ko muso tintɔ. U kabakoyanin be ɲɔgɔn filɛra, u ɲaa wulenna i ko tasuma.

Ezayi 21:3

O le y'a to, ne sɔrɔn be dimina haali, ne tɔɔrɔnin be i ko muso tintɔ! Ne ye min mɛn, o ye n hakili ɲagami. Ne ye min ye, o ye ne siran.

Ezayi 53:11

Masaba ko: «N'a ye tɔɔrɔba nin muɲu, a ben'a diya bɔ. Ne ka baarakɛla tilennin sababu la, mɔgɔ caaman bena tilenninya sɔrɔ, ale min y'u ka kojugu kunko ta.

Yeremi 13:21

I bena mun le fɔ ni e ye mɔgɔ minw deli i la, ni olu nana wili i kama ka kɛ i kuntigiw ye? Tɔɔrɔ tena i sɔrɔ i ko muso jigibagatɔ ta wa?

Yeremi 22:23

Ele min siginin be bonɲuman kɔnɔ min lɔra ni Liban yiribabaw ye, tɔɔrɔ senin i ma, i bena ŋunan kosɔbɛ! I bena i yɛrɛ tɔrɔmi i ko muso jigibagatɔ!»

Yeremi 4:31

Tiɲɛ na, ne be kulekan dɔ mɛnna, i ko muso jigibagatɔ ta. Ne be ŋunankan dɔ mɛnna, i ko muso min b'a ka jigiko fɔlɔ kɛra. *Siyɔnkaw kasikan lo, u ninakili degunna, u b'u bolow fɛnsɛnna. U ko: «We! An ta cɛnna! An be halakira mɔgɔfagalaw bolo!»

Yeremi 49:24

Damasikaw fari fagara, u y'u kɔɔ di ko u be boli. Hakiliɲagami y'u sɔrɔ, dusukasi ni tɔɔrɔ sera u ma i ko tintɔ.

Yeremi 6:24

An y'o kibaru mɛn, an fari bɛɛ fagara. Dusukasi y'an sɔrɔ, an be tɔɔrɔla i ko tintɔ.

Jateri 30:13

Nga n'a cɛɛ y'o mɛn loon min na, n'a banna o la, o tuma na, a ka dajuru n'a ka dadiko minw bɛɛ tun bɔr'a daa la olu bɛɛ be bɔ yen. A cɛɛ banna o la minkɛ, Masaba bena yafa muso nin ma.

Yuhana 16:21

Ni muso be jigira deen na tuma min na, a nii be tɔɔrɔ, bari a ka tɔɔrɔwaati le sera, nga n'a jigira ka ban, a hakili te to o tɔɔrɔ la tugu deen sɔrɔ nisɔndiya fɛ.

Kor fɔlɔ 11:3

Ne b'a fɛ aw ka nin faamu kosɔbɛ: cɛɛ kelen kelen bɛɛ kuntigi, o ye Krista ye, muso fana kuntigi y'a cɛɛ ye, Krista kuntigi ye Ala ye fana.

Kor fɔlɔ 7:4

Muso t'a yɛrɛ farisogo kunna fɔɔ a cɛɛ. O cogo la fana, cɛɛ t'a yɛrɛ farisogo kunna fɔɔ a muso.

Kɔlɔsikaw 3:18

Musow, aw k'aw yɛrɛ majigi aw cɛɛw ye i n'a fɔ a bɛnnin be Matigi ka mɔgɔw fɛ cogo min na.

Tes fɔlɔ 5:3

Tuma min na mɔgɔw ben'a fɔ ko hɛrɛ ni jigisigi be yen, o tuma na, tɔɔrɔ bena ben u kan fɔɔ u te se ka bɔyɔrɔ sɔrɔ, i n'a fɔ muso ka tiin be cun a kan cogo min na.

Tim fɔlɔ 2:13

bari Adama le kɔnna ka dan fɔlɔ, o kɔfɛ, Awa sɔrɔla ka dan.

Tim fɔlɔ 2:15

O bɛɛ n'a ta, muso bena kisi a ka denwolo kosɔn, n'a jigi tora Ala kan, ka to kanuya la, ani k'a taamacogo bɛn Ala sago ma.

Tite 2:5

U ka kɛ musosɔbɛw ye minw ɲamalɔnin lo, minw jijanin be u ka sokɔnɔbaaraw la, ani minw sɔɔn ka ɲi, ani u b'u yɛrɛ majigi u cɛɛw ye, waasa mɔgɔw kana se ka Ala ka kuma lɔgɔbɔ.