Damina 26:3 - ALA KA KUMA

³ Sigi jamana nin kɔnɔ yan, ne bena to i fɛ ka i dɛmɛ. Ne bena mara nunu bɛɛ d'i n'i kɔmɔgɔw ma. Ne ye layidugwɛlɛn ta i faa Ibrayima ye koo min na, ne bena o kɛ.

Jula NT of Côte d’Ivoire

³ Sigi nin jamana ra yan. Ne bɛna kɛ ni i ye, ka baraka don i ra, sabu ne bɛna nin yɔrɔ bɛɛ di i ni i ta duruja ma. O cogo ra ne ka layiri min ta i facɛ Iburahima ye, ne bɛna o dafa.

Damina 26:3 Iomraidhean Croise

Damina 12:7

Masaba y'a yɛrɛ yira Abramu la k'a fɔ a ye ko: «Ne bena jamana nin d'i kɔmɔgɔ ma.» O la, Abramu ye sarakabɔyɔrɔ lɔ Masaba ye o yɔrɔ la, ale min tun y'a yɛrɛ yira a la.

Damina 13:15

I ɲaa be jamana min na, ne bena o bɛɛ di e n'i kɔmɔgɔ ma a ka to aw bolo kudayi.

Damina 13:17

Wili ka jamana nin yɔrɔ bɛɛ yaala, bari ne ben'a d'i ma.»

Damina 15:18

O loon na, Masaba ye layidu ta Abramu ye ko: «Ne be jamana nin d'i kɔmɔgɔw ma, k'a ta Ezipiti baa ma, fɔɔ ka taga se baa belebele ma, min ye Efarati baa ye,

Damina 17:19

Ala ko: «Kana siga, i muso Sara bena dencɛ wolo i ye, i ben'a tɔgɔ la ko Isiyaka. Ne bena bɛɛn n'a ye, bɛɛn lo min te cɛn abada fɔɔ ka ta'a bila a kɔmɔgɔw ma.

Damina 17:8

I nana sigi Kanaan jamana min kɔnɔ, ne bena o bɛɛ di e, n'i kɔmɔgɔw ma, a ka kɛ aw ta ye kudayi. Ne bena kɛ u ka Ala ye.»

Damina 20:1

Ibrayima bɔra yen ka taga jamana worodugu ɲafan fɛ, ka taga sigi Kadɛsi ni Suri cɛ. O kɔ, a tagara sigi Gerari.

Damina 25:11

Ibrayima sanin kɔ, Ala ye barika don a dencɛ Isiyaka la, a tun siginin be Laayiroyi kɔlɔn gɛrɛfɛ.

Damina 26:12

Isiyaka ye sɛnɛ kɛ jamana nin kɔnɔ. A ye sumansi min dan, a y'o ɲɔgɔn kɛmɛ sɔrɔ o saan na, bari Masaba y'a ta ɲa.

Damina 26:14

A ka begɛnmisɛnw n'a ka misiw, n'a ka jɔɔnw tun ka ca fɔɔ o ɲagoya donna filisiw la.

Damina 26:24

O loon sufɛ, Masaba y'a yɛrɛ yira a la k'a fɔ a ye ko: «Ne y'i faa Ibrayima ka Ala ye. Kana siran, bari ne be n'i ye. Ne bena i ta ɲa k'i kɔmɔgɔw caya ne ka jɔncɛ Ibrayima kosɔn.»

Damina 28:13

Masaba lɔnin tun be sanfɛ, k'a fɔ ko: «Ne ye Masaba ye, i faa Ibrayima ka Ala ni Isiyaka ka Ala. I lanin be dugukolo min kan, ne ben'a di ele n'i kɔmɔgɔw ma.

Damina 28:15

Ne bena to i fɛ. Ne bena i tanga i ka taayɔrɔw bɛɛ la, ka kɔsegi ka na n'i ye jamana nin kɔnɔ. Ne ye min fɔ i ye, ne tena i bila ni ne m'o kɛ.»

Damina 31:3

Masaba y'a fɔ Yakuba ye ko: «Segi ka taga i faso la i balimaw fɛ. Ne bena to i fɛ.»

Damina 35:12

Ne ye jamana min di Ibrayima ni Isiyaka ma, ne bena o d'i ma, k'a d'i kɔmɔgɔw ma.»

Damina 39:2

Yusufu tor'a kuntigi ka soo. Masaba tun b'a fɛ kosɔbɛ.

Damina 39:21

Masaba tor'a fɛ, k'a koo diya kasobon kɔlɔsibaga ye.

Damina 48:21

O kɔ, Yakuba y'a fɔ Yusufu ye ko: «Ne be ɲini ka sa, nga Ala bena to aw fɛ ka kɔsegi n'aw ɲuman ye aw faso la.

Damina 50:24

Yusufu y'a fɔ a balimaw ye ko: «Ne satuma surunyana. Nga siga t'a la, Ala bena na aw dɛmɛ. A ye layidugwɛlɛn ta Ibrayima ni Isiyaka ani Yakuba ye, ko a bena jamana min di u ma, a bena taga n'aw ye o yɔrɔ la.»

Lok fɔlɔ 16:16

A y'o layidu nin ta Ibrayima ye, ka n'a daa di Isiyaka ma.

Zaburu 105:8

A hakili b'a ka layidu la tuma bɛɛ, a ye kuma min fɔ waati caaman nata mɔgɔw kosɔn,

Zaburu 105:9

a ye bɛɛn min kɛ ni Ibrayima ye, a y'a daa di Isiyaka ma min la.

Zaburu 32:8

Masaba ko: «Ne bena i kalan, k'i ka tɛmɛyɔrɔ yira i la. Ne bena i ladi, ne ɲaa tena bɔ i kan.»

Zaburu 39:12

E be adamaden ɲaa gwan a ka filiko la. Fɛɛn min ka d'a ye, i b'o cɛn i ko bagabaga. Tiɲɛ na, adamadenw bɛɛ ye fuu le ye.

Bɔri 2:24

A y'u ŋunakan mɛn, a fana hakili tor'a ka layidu la, a tun ye o min ta Ibrayima ni Isiyaka ani Yakuba ye.

Bɔri 3:12

Ala ko: «Ne bena to n'i ye. Taamasiɲɛ min b'a yira ko ne le y'i ci, o ye nin ye: N'i ye jama bɔ Ezipiti tuma min na, aw bena ne bato kulu nin kan.»

Bɔri 6:4

Ne ye layidu ta u ye ko ne bena Kanaan jamana d'u ma, u tun siginin be lonanya la min kɔnɔ.

Bɔri 6:7

Ne bena aw kɛ ne ka mɔgɔw ye, ne bena kɛ aw ka Ala ye. Aw ben'a lɔn ko ne ye Masaba ye, aw ka Ala, ko ne le ye aw bɔ Ezipitikaw ka fanga kɔrɔ.

Bɔri 6:8

Ne ye layidu ta ko ne bena jamana min di Ibrayima ni Isiyaka ani Yakuba ma, ne bena taga n'aw ye o jamana nin kɔnɔ k'a di aw ma a ka kɛ aw ta ye. Ne ye Masaba le ye.»

Ezayi 43:2

Hali n'aw be tɛmɛna jii kɔnɔ, ne bena kɛ n'aw ye. Hali n'aw be baji tigɛ, a tena aw kunu. Hali n'aw be tagamana tasuma cɛma, a tena aw jɛni. K'aw to tasuma cɛma, a tena foyi kɛ aw la.

Ezayi 43:5

Aw kana siran, bari, ne be ni aw ye. K'a ta kɔrɔn fɛ, ne bena kɔsegi n'aw deenw ye, ne bena aw lajɛn ka bɔ fɔɔ tileben fɛ.

Mise 7:20

I bena i ka kantigiya yira Yakuba kɔmɔgɔw la, i bena i ka ɲumanya kɛ Ibrayima kɔmɔgɔw ye, i ko e tun y'i daa di an faaw ma cogo min na kabini fɔlɔfɔlɔ.

Jateri 23:19

Ala te mɔgɔ ye n'a be galon tigɛ, adamaden tɛ n'a b'a hakili yɛlɛma. N'a ye fɛɛn dɔ fɔ, a t'o kɛ wa? N'a ye layidu ta, a t'o dafa wa?

Sariya 1:8

Aw k'a filɛ, ne Masaba tun ye n daa di jamana min koo la, ko n ben'a di aw bɛma Ibrayima ni Isiyaka ani Yakuba, n'u kɔmɔgɔw ma, ne y'o d'aw ma. Aw ka don a kɔnɔ, k'a minɛ k'a kɛ aw ta ye.»

Sariya 34:4

Masaba y'a fɔ ko: «A filɛ, ne ye jamana min layidu ta Ibrayima, ni Isiyaka, ani Yakuba ye, tuma min na ne y'a fɔ u ye ko, ne bena jamana nin di aw kɔmɔgɔw ma, n b'a yira i la, nga i tena don yen.»

Filipikaw 4:9

Aw ye koo minw dege ne ka kuma ni n ka kɛwaliw la, aw ka jija k'olu kɛ. O la, Hɛrɛtigi Ala bena to n'aw ye.

Heburuw 11:9

O lanaya nin barika la, a nana sigi lonanya la jamana nin kɔnɔ, Ala tun y'a daa di min koo la. A tora faniso kɔnɔ yen, ani Isiyaka ni Yakuba. Ala tun y'a daa di olu fana ma o koo kelen nin na.

Heburuw 6:17

O la, Ala kalila a ka dadili nin na, k'a yira ka gwɛ o sɔrɔbagaw la ko siga t'a la, o bena kɛ.