Damina 24:3 - ALA KA KUMA

³ Ne b'a fɛ i ka kali Masaba, Ala tɔgɔ la, min ye sankolo ni dugukolo tigi ye, ko i tena muso ta kanaanw fɛ, ne siginin be minw cɛma, k'a di ne dencɛ ma fewu.

Jula NT of Côte d’Ivoire

³ ka kari Matigi Ala tɔgɔ ra, sankolo ni dugukolo tigi, ko an siginin bɛ Kanaanaka minw fɛ yan, ko i tɛna muso ta ne dencɛ ye olugu ta denw na,

Damina 24:3 Iomraidhean Croise

Damina 14:19

A ye duba kɛ Abramu ye ko: «Sankolo ni dugukolo danbaga, Fɛɛn bɛɛ kuntigi Ala ka hɛrɛ kɛ Abramu ye!

Damina 14:22

Abramu ye Sodɔmu masacɛ jaabi ko: «Ne kalila sankolo ni dugukolo danbaga, Masaba, Fɛɛn bɛɛ kuntigi Ala tɔgɔ la,

Damina 21:23

Ayiwa, sisan i ka kali Ala tɔgɔ la ko i tena ne janfa, ko i tena ne deenw, walima ne mamadenw fana janfa. Ne ye koɲuman kɛ i ye cogo min na, i ka o ɲɔgɔn kɛ ne ni jamana mɔgɔw ye, i siginin be min kɔnɔ.»

Damina 24:7

Masaba, Sankolotigi Ala min bɔra ni ne ye ne faa ka soo, an ka jamana na, ale kumana ne fɛ k'a daa di ne ma. A ko ale bena jamana nin di ne kɔmɔgɔw ma, ale yɛrɛ ben'a ka mɛlɛkɛ ci i ɲa janko i ka se ka muso sɔrɔ ne dencɛ ye ka bɔ yen.

Damina 27:46

Erebɛka y'a fɔ Isiyaka ye ko: «Iti deen nunu ye diɲɛ nigɛ bɔ ne la. Ni Yakuba ye olu ɲɔgɔn dɔ furu jamana nin denmusow cɛma kɔni, kuun t'a la ne ka to sii la tugu.»

Damina 28:1

O la, Isiyaka ye Yakuba wele ka duba kɛ a ye, k'a gwɛlɛya a ma ko: «I kana Kanaan sunguru furu fewu.

Damina 28:8

O tuma na, a y'a faamu ko Kanaan sunguruw koo man di a faa Isiyaka ye haali dɔɔni.

Damina 34:9

Aw ka lamɔgɔya tugu n'an ye, k'aw denmusow di an ma furu la, k'an denmusow fana furu.

Damina 38:2

A ye sunguru dɔ ye yen, min faa tun ye Kanaan ye, a faa tɔgɔ ko Suwa. A y'a furu ka la n'a ye.

Damina 47:31

Yakuba y'a fɔ tugu ko: «I kali.» Yusufu kalila. O kɔ, Yakuba biril'a ka dilan kuun sanfɛla la.

Damina 50:25

Yusufu ye Isirayɛli deenw wajibiya ka kali. A ko: «Ni Ala nana aw dɛmɛ tuma min na, aw ye ne kolow ta ka taga n'u ye.»

Damina 6:2

o tuma na, batofɛnw deenw y'a ye ko mɔgɔw ka denmusow cɛɛ ka ɲi. U tun be minw fɛ, u ye olu furu.

Damina 6:4

Tuma min na batofɛnw deenw jɛnna ni mɔgɔw denmusow ye ka deenw sɔrɔ u fɛ, o waati la, mɔgɔjanjanw tun be yen dugukolo kan, ani u tun be yen kɔfɛ fana. Olu tun ye fɔlɔfɔlɔ cɛfariw ye, u tɔgɔw bɔra kosɔbɛ.

Mas 2nan 19:15

A ye Masaba daali ko: «Masaba, Isirayɛli ka Ala, e min siginin be serubɛnw sanfɛ, ele kelenpe le ye Ala ye jamanaw bɛɛ kunna dugukolo kan. Ele lo ye sankolo ni dugukolo dan.

Lok 2nan 2:12

Ne be mɔgɔ dɔ ci i ma sisan min be se baara la kosɔbɛ, n'a hakili ka di. A tɔgɔ ko Iramu Abi.

Ɛsidarasi 5:11

U ye jaabili min d'an ma, o filɛ: u k'olu ye sankolo ni dugukolotigi Ala ka baarakɛlaw ye, ko Isirayɛlidenw ka masacɛba dɔ le tun ye Ala ka soo nin lɔ a be saan caaman bɔ sisan, k'olu b'o le lalagara k'a lɔ.

Nehemi 13:25

Ne y'u jalaki, k'u danga, n yɛrɛ ye dɔw bugɔ, ka dɔw kunsigi bɔnbɔn yɛrɛ. N y'a kɛ u kalila ni Ala tɔgɔ ye k'u tena sɔn u denmusow be furu siya wɛrɛ nunu dencɛw fɛ, ani k'u tena sɔn fana ka siya wɛrɛ nunu denmusow furu n'u dencɛw fana.

Nehemi 9:6

«E kelen le ye Masaba ye! E le ye sankolo dan, ani lolow bɛɛ, ni dugukolo ni fɛɛn minw bɛɛ b'a kan, ni kɔgɔji n'a kɔnɔna fɛɛnw bɛɛ. Ele le be kɛ o fɛɛn nunu bɛɛ be to nii la, sankolo kɔnɔ setigiw bɛɛ b'u kunbiri gwan e kɔrɔ.

Zaburu 115:15

Masaba ka barika don aw la, ale min ye sankolo ni dugukolo dan.

Zaburu 136:26

Aw ka barika la Sankolotigi Ala ye, a ka ɲumanya te ban abada!

Bɔri 20:7

«Aw kana ne, Masaba aw ka Ala tɔgɔ wele gwansan, bari mɔgɔ min be ne tɔgɔ wele gwansan, ne Masaba tena o tigi jalakibali to.

Bɔri 22:11

Nga begɛn kalifara mɔgɔ min ma, n'o ma begɛn nin kɔlɔsi ka ɲa, n'u y'a soɲa a fɛ, a ka kan k'o sara.

Bɔri 23:13

«Ne ye koo minw fɔ aw ye, aw ka jija k'olu bɛɛ bato. Aw kana dɛmɛ ɲini joo si fɛ, aw kan'a to u tɔgɔ ka mɛn aw daa la.

Bɔri 34:16

N'aw y'u denmusow ta k'u di aw dencɛw ma, u denmusow bena u ka joow sɔn. N'o kɛra, u bena kɛ sababu ye aw deenw b'o kɛ.

Ezayi 45:23

Ne be kali n yɛrɛ tɔgɔ la, kuma min be bɔ ne daa la, tiɲɛkuma lo, a te se ka yɛlɛma. Ko mɔgɔw bɛɛ bena u kunbiri gwan ne ɲakɔrɔ ka kali

Ezayi 48:1

«Isirayɛlidenw, aw tulo k'aw malɔ! Isirayɛli tɔgɔ lara aw minw kan, aw minw bɔra Zuda joli la, aw minw be kali ni Masaba tɔgɔ ye, aw minw be Isirayɛli ka Ala daali. Nga o te kɛ ni sɔbɛ ye, tilenniya fana t'a la.

Ezayi 65:16

Ni mɔgɔ o mɔgɔ ko a be duba kɛ jamana kɔnɔ, a bena o kɛ ni Tiɲɛtigi Ala tɔgɔ ye. Ni min ko a bena kali, a bena kali ni Tiɲɛtigi Ala tɔgɔ ye.» Tiɲɛ na, fɔlɔfɔlɔ tɔɔrɔw koo tena to hakili la, u bena tunu ka bɔ n ɲakɔrɔ.

Yeremi 10:11

«Aw ben'a fɔ u ye ko: Batofɛn minw ma sankolo ni dugukolo dan, olu bɛɛ bena tunu ka bɔ diɲɛ na.»

Yeremi 12:16

N'u nana sɔn ka ne ka mɔgɔw kɛcogo dege sɔbɛ la, ka kali ne tɔgɔ la k'a fɔ ko: ‹Masaba kosɔn›, i n'a fɔ u tun ye ne ka mɔgɔw dege kalili la *Baali tɔgɔ la cogo min na, o tuma na, ne bena sigiyɔrɔ di u ma n ka mɔgɔw cɛma.

Yeremi 29:6

ka musow furu ka dencɛw ni denmusow sɔrɔ. Aw ka musow ɲini aw deenw ye, k'aw denmusow di furu la, waasa olu ka dencɛ ni denmusow sɔrɔ fana. Aw ka buguya o yɔrɔ la, aw kana dɔgɔya.

Yeremi 4:2

n'aw kalila ne Masaba tɔgɔ la, hɔrɔnya, ni tilenninya la, ne Masaba bena siyaw ta ɲa, u bena kunkɔrɔta sɔrɔ ne kosɔn.»

Sarakalasebagaw 19:12

Aw kana kali ne tɔgɔ la galon kan, o be ne, aw ka Ala tɔgɔ cɛn. Ne le ye Masaba ye.

Sofoni 1:5

ni minw be yɛlɛ sanbon kan ka sankololafɛnw sɔn, ani minw be ne Masaba bato ka tila ka dajuru ta *Milikɔmu ye,

Jateri 5:21

Masaba k'i kɛ wolobali ye, i kɔnɔ ka funu. A k'a kɛ i tɔgɔ ka kɛ i ka siya fɛ ɲɔgɔndangafɛn ye.

Kor fɔlɔ 7:39

Ka muso cɛɛ to sii la, muso nin sirinin b'a la. Nga ni cɛɛ nin sara, muso lafoninin be. A be se ka furu cɛɛ wɛrɛ ma nga fɔɔ ale ka kɛ mɔgɔ ye min lara Krista la.

Sariya 10:20

«Aw ka siran Masaba aw ka Ala ɲa, k'a bato. Aw nɔrɔnin ka to ale kelen na. N'aw be kali, aw k'o kɛ ale tɔgɔ la.

Sariya 6:13

Aw ka siran Masaba aw ka Ala ɲa, ka baara kɛ ale kelenpe ye. Aw ka kali ale tɔgɔ la.

Heburuw 6:16

Ni adamadenw k'u be kali, fɛɛn min ka bon n'u yɛrɛ ye, u b'o le tɔgɔ wele ka kɛ u seere ye, waasa u y'u daa di koo min na, sigasiga kana sɔrɔ o la.

Yosuwe 2:12

Sisan ne b'aw daali ko aw ka kali ne ye Masaba tɔgɔ la, ne ye koɲuman min kɛ aw ye, ko aw bena o ɲɔgɔn kɛ ne ka somɔgɔw ye. Aw ka taamasiɲɛ dɔ yira ne la

Kititigɛbagaw 14:3

A facɛ n'a bamuso y'a fɔ a ye ko: «O tuma na, sunguru te i faden cɛma, walima an ka siya fɛ, n'i be wili ka taga sunguru ta filisi kɛnɛkɛnɛbaliw fɛ wa?» A y'a fɔ a facɛ ye ko a ka ta'a minɛ ka n'a di ale ma, bari a koo ka di ale ye.

Sam fɔlɔ 20:17

O waati la tugu, Zonatan y'a kɛ Dawuda kalil'a ka teriya kosɔn, bari Dawuda koo tun ka d'a ye i n'a fɔ a yɛrɛ.

Sam fɔlɔ 30:15

Dawuda y'a fɔ a ye ko: «I be sɔn ka ne bila sira ka taga o jɛnkulu nin fɛ wa?» A y'a fɔ Dawuda ye ko ni Dawuda be sɔn ka kali ni Ala tɔgɔ ye ko a tena ale faga, ani ko a tena ale di a kuntigi ma, ko ale be se ka taga n'a ye u yɔrɔ la.