Damina 22:2 - ALA KA KUMA

² Ala ko: «I dencɛ minɛ, i dencɛ kelenpe, Isiyaka min koo ka d'i ye, i ka taga n'a ye Moriya mara la. Ne bena kulu min yira i la, i k'a kɛ saraka ye k'a jɛni o yɔrɔ la.»

Jula NT of Côte d’Ivoire

² Ala ko: «I dencɛ kelenpe Isiyaka min ko ka di i ye, o mina ka taga ni a ye Moriya jamana ra; ne bɛna kuru dɔ yira i ra, ni i sera yi, i b’a kɛ saraka jɛnita* ye o kuru kan.»

Damina 22:2 Iomraidhean Croise

Damina 17:19

Ala ko: «Kana siga, i muso Sara bena dencɛ wolo i ye, i ben'a tɔgɔ la ko Isiyaka. Ne bena bɛɛn n'a ye, bɛɛn lo min te cɛn abada fɔɔ ka ta'a bila a kɔmɔgɔw ma.

Damina 21:12

Nga Ala y'a fɔ a ye ko: «I deen nin n'i ka jɔnmuso ka koo kana gwɛlɛya i ma. Sara mana fɛɛn o fɛɛn fɔ i ye, i ka sɔn o ma, bari Isiyaka le kɔmɔgɔw bena wele i deenw.

Damina 21:3

Sara ye dencɛ min wolo Ibrayima ye, Ibrayima y'a tɔgɔ la ko Isiyaka.

Damina 22:12

A ko: «Kana maga deen nin na, kana foyi k'a la. Ne y'a lɔn sisan ko i be siran Ala ɲa, bari i ma ban k'i dencɛ, i dencɛ kelenpe di ne ma.»

Damina 22:16

k'a fɔ ko: «I ye nin kɛ minkɛ, i ma ban k'i dencɛ, i dencɛ kelenpe di ne ma minkɛ, o la, ne be n daa d'i ma, ne Masaba ko ten,

Damina 22:3

O dugusagwɛ sɔgɔma joona, Ibrayima wilila k'a ka fali labɛn ka taga n'a ka baaraden fila n'a dencɛ Isiyaka ye. Ala ye yɔrɔ min koo fɔ a ye, a ye saraka jɛnilɔgɔ ci ka sira ta ka taga yen.

Damina 22:9

Ala tun ye yɔrɔ min koo fɔ Ibrayima ye, u sera o yɔrɔ la tuma min na, Ibrayima ye sarakabɔyɔrɔ lɔ ka lɔgɔ la a kan k'a dencɛ Isiyaka siri k'a la sarakabɔyɔrɔ kan, lɔgɔ kan.

Damina 8:20

Nuhun ye sarakabɔyɔrɔ lɔ Masaba ye ka dɔ bɔ seen naani fɛɛn bɛɛ la minw ka ɲi, ni kɔnɔ sifa bɛɛ la minw ka ɲi, k'u kɛ saraka ye k'u jɛni.

Mas 2nan 3:27

O la, a dencɛ fɔlɔ min tun ka kan ka sigi a nɔɔ na masaya la, a y'ale minɛ k'a kɛ saraka jɛnita ye dugu laminikogo kan. O le ye Isirayɛlidenw dimi kosɔbɛ, u kɔsegira ka taga u ka jamana na ka Mowabu masacɛ to yen.

Lok 2nan 3:1

Solomani y'a daminɛ ka Masaba ka soo lɔ Zeruzalɛmu, Moriya kulu kan. Masaba tun y'a yɛrɛ yira a facɛ Dawuda la yɔrɔ min la, zebuzicɛ Ɔrinan ka sumangosikɛnɛ kan. Dawuda tun y'o yɔrɔ labɛn.

Mise 6:7

Yala Masaba bena sɔn sagajigi waa caaman na wa? Yala tulu caaman min be woyo i ko kɔɔ, a b'o le fɛ wa? Ne ka kan ka n deen fɔlɔ le di n ka murutili kosɔn wa? Ne ka n yɛrɛ deen di n ka hakɛ kosɔn wa?

Yuhana 3:16

Ala ye diɲɛ kanu haali, fɔɔ a y'a Deen kelenpe ci mɔgɔw ma, waasa ni mɔgɔ min y'a jigi la a kan, o tigi kana halaki, nga o ka nii banbali sɔrɔ.

Rɔmukaw 5:8

Nga Ala y'a yira an na ko a b'an kanu. K'an to an ka hakɛ la, Krista sara an kosɔn.

Rɔmukaw 8:32

Ale min ma ban k'a yɛrɛ Dencɛ di ka sa an bɛɛ kosɔn, a be kɛ cogo di n'a tena fɛɛn bɛɛ di an ma ka fara a Dencɛ kan?

Heburuw 11:17

Ala ye Isiyaka ɲini Ibrayima fɛ saraka ye waasa k'a kɔrɔbɔ. Lanaya kosɔn, a ma ban k'a deen kelenpe nin kɛ saraka ye. K'a sɔrɔ Ala tun y'a daa di a ma

Kititigɛbagaw 11:31

ne kɔsegitɔ ka bɔ o yɔrɔ la ni hɛrɛ ye, mɔgɔ min bena kɔn ka bɔ ne ka soo kɔnɔ ka ne kunbɛn, o tigi bena kɛ e Masaba ta ye. Ne ben'o kɛ saraka jɛnita ye.»

Kititigɛbagaw 11:39

Kalo fila nunu tɛmɛnin kɔ, a segira ka na a facɛ fɛ, ale y'a ka dajuru sara n'a ye. O y'a sɔrɔ a tun ma cɛɛ si lɔn fɔlɔ. K'a ta o tuma na, o kɛra landa ye Isirayɛlidenw fɛ,