Damina 2:9 - ALA KA KUMA

⁹ Masa Ala y'a kɛ yiri ɲanaman sifa bɛɛ falenna dugukolo kan, minw ka ɲi dumuni na. A fana y'a kɛ yiri dɔ falenna yɔrɔɲuman nin cɛma, min be sii di mɔgɔ ma, ani k'a to mɔgɔ be koɲuman ni kojugu lɔn ka bɔ ɲɔgɔn na.

Jula NT of Côte d’Ivoire

⁹ Matigi Ala ka yiri suguya bɛɛ falen dugukolo kan; yiri cɛɲumanw, minw den ka di; a ka ɲanamanya yiri bla yiritu cɛmancɛ ra, ani yiri min b’a to mɔgɔ bɛ koɲuman ni kojugu lɔn ka bɔ ɲɔgɔn na.

Damina 2:9 Iomraidhean Croise

Damina 2:17

fɔɔ yiri kelen dama, min b'a to mɔgɔ be koɲuman ni kojugu lɔn ka bɔ ɲɔgɔn na. N'i y'o deen dumu loon min na, i bena sa, siga t'a la.»

Damina 3:22

O kɔ, Masa Ala ko: «Sisan, Adama kɛra i n'a fɔ anw, ka koɲuman ni kojugu lɔn ka bɔ ɲɔgɔn na. An k'a bali janko yiri min be sii di mɔgɔ ma, a kana o deen tigɛ k'a dumu, ka to nii la kudayi.»

Damina 3:24

A ye cɛɛ gwɛn ka bɔ yen tuma min na, a ye mɛlɛkɛ bisigi dɔw sigi yɔrɔɲuman nin kɔrɔn ɲafan fɛ, minw tɔgɔ ko *serubɛnw, ka murujan manamananin fariman di u ma janko ka yiri nin sira kɔlɔsi, min be sii di mɔgɔ ma.

Damina 3:3

Nga yiri min be yɔrɔ nin cɛmancɛ la, Ala ko an kana ale deenw dumu, ko an kana maga a la. Ko n'o tɛ, an bena sa.»

Damina 3:5

Ala y'a lɔn ko ni aw y'o yiri nin deen dumu loon min na, aw ɲaa bena yɛlɛ, aw bena kɛ i n'a fɔ ale, ka koɲuman ni kojugu lɔn.»

Zanaw 11:30

Mɔgɔtilennin ka kɛwaliw be sii di mɔgɔ ma. Lɔnnikɛla ka kuma be mɔgɔ hakili yɛlɛma.

Zanaw 3:18

Lɔnniya be sii di a sɔrɔbaga ma. A sɔrɔbagaw fana dagamunin lo.

Ezayi 44:25

Ne be kira galontigɛlaw ka fɔtaw ɲagami ka lagwɛlikɛlaw kɛ nalomanw ye. Ne be lɔnnikɛlaw wajibiya ka segi kɔfɛ, k'a yira k'u ka lɔnniya ye nalomanya ye.

Ezayi 47:10

I jigi tun lanin be i ka juguya kan ka to k'a fɔ ko: ‹Mɔgɔ si ɲaa te ne la.› I ka lɔnniya, n'i ka jatiminɛ y'a kɛ i kuun ɲagamina. O la, i y'a fɔ i yɛrɛ kɔnɔ ko: ‹Foyi te se ka suma ni ne ye!›

Ezekiyɛli 31:16

Ne y'a kɛ a benna loon min na, ka fara lahara mɔgɔw kan, siyaw yɛrɛyɛrɛla siranya bolo a benkan kosɔn. O tuma na, Ala ka yɔrɔɲuman yiriw bɛɛ, ni Liban yiri ɲumaman, yiri minw bɛɛ tun be jii caaman sɔrɔ ka kɔrɔ, olu nisɔn diyara dugukolo jukɔrɔla la.

Ezekiyɛli 31:18

Ala ka yɔrɔɲuman yiri si te se ka suma n'i ye nɔɔrɔ ni boɲa na. O bɛɛ n'a ta, ele ni olu bena don dugukolo jukɔrɔ. Mɔgɔ minw fagara ni murujan ye, i bena la olu ni kɛnɛkɛnɛbaliw cɛma. O koo nin le bena Ezipiti masacɛ n'a ka jama bɛɛ sɔrɔ. Ne Matigi, Masaba le ko ten.»

Ezekiyɛli 47:12

Yiri denta sifaw bɛɛ bena sɔrɔ baa nin daa la, a faan fila la. U furaburu tena ja, u deen tena ban. U be deen kɛ kalo o kalo, bari baji be bɔ yɔrɔ senuman kɔnɔ ka na u ɲigi. U deenw bena mɔgɔw balo, u furaburu bena kɛ furaw ye.»

Yuhana 6:48

Ne ye dumunifɛn ye min be nii banbali di mɔgɔw ma.

Kor fɔlɔ 8:1

Min ye josɔnsogo koo ye, an y'a lɔn ko an bɛɛ be koo lɔn. Nga lɔnniya be mɔgɔ don yɛrɛboɲa na, kanuya b'an dɛmɛ ka taga ɲa.

Sariya 6:25

N'an be banba k'o cii nunu bɛɛ bato Masaba an ka Ala ɲakɔrɔ, i n'a fɔ a y'a ɲini an fɛ cogo min na, an bena kɛ mɔgɔtilenninw ye.›

Yirari 2:7

Nii Senuman be min fɔra Krista ka jama ye, ni min b'a fɛ ka faamuli kɛ o la, o tigi k'a tulo malɔ a fɛ ka ɲa. Ni min ye see sɔrɔ, yiri min be arijana na, n'a be nii don mɔgɔ la, ne b'o deen dɔ d'a tigi ma k'a dumu.

Yirari 22:14

Mɔgɔ minw b'u ka faniw ko, janko u ka don dugu nin kɔnɔ n'a dondaw ye, ka niyɔrɔ sɔrɔ yiri la, min be nii di mɔgɔ ma, olu bena dagamu.

Yirari 22:2

ka dugu nin siraba cɛmancɛ ta. Yiri min be nii di mɔgɔ ma, o tun be baa nin daa faan bɛɛ la. O yiri nin be deen kɛ siɲɛ tan ni fila saan kɔnɔ, denko kelen kalo o kalo. A furaburuw be kɛ ka adamadenw furakɛ.